رواية بعنوان
#سجينة_الظلم_والانتقام
_____________________________💔💔💔
الحلقة_22
ﺍﻟﺤﺐ ﺟﺤﻴﻢ ﻳﻄﺎﻕ . . ﻭﺍﻟﺤﻴﺎﺓ ﺑﺪﻭﻥ ﺣﺐ ﻧﻌﻴﻢ ﻻ ﻳﻄُﺎﻕ .
ايمان وهيا تبكي : منتصر ﺍﻧﻲ ﻣﻮﺍﻓﻘﺔ ﻋﻠﻰ ﺷﺮﻃﻚ .. مش ﺍﻧﺖ تبيني نرجع .. خلاص ﻣﻮﺍﻓﻘﺔ ﻋﻠﻰ كل شي تقوله .. ﺍﻱ ﺷﻲ تبيه ﺍﻧﻲ ﻣﻮﺍﻓﻘﺔ عليه ﻭﺍﻧﻔﺬﻟﻚ ﻛﻞ ﻃﻠﺒﺎﺗﻚ .. ﻭﺍﺫﺍ تبي ﻋﺬﺑﻨﻲ حتي ﻣﺮﺓ ﺛﺎﻧﻴﺔ ﺑﺲ بالله عليك ما ﺗﻌﺎقبنيش في خوي ...
منتصر ﻭﻫﻮ مش ﻓﺎﻫﻢ ﺷﻲ : ايمان ﺍﻫﺪﻱ ياروحي .. ﻭﺍﻟﻠﻪ ﻣﺴﺘﻌﺪ ندير ﺍﻱ ﺷﻲ تبيه ﺑﺲ ﺩﻣﻮعك ما ﺗﻨﺰلش .. خلاص حتي اني ﻣﻮﺍﻓﻖ ﻋﻠﻰ رائد يتزوج خاتون .. ﺑﺲ امسحي ﺩﻣﻮعك انتي ..
ايمان ﻭﻫﻲ ﺗﻤﺴﺢ في دموعها : منتصر بالله عليك ما تخليش اي ﺣﺪ يعلم انه ﺍﻧﻲ ﺭﺟﻌﺘﻠﻚ ع خاطر ﺭﺍﺋﺪ .. ﻻنه لو ﻋﺮﻑ ﺍنه ﺍﻧﻲ ﺿﺤﻴﺖ ع خاطره ﻟﻠﻤﺮﺓ ﺛﺎﻧﻴﺔ مش ح ﻳﺴﺎﻣﺢ روحه .. وبيقعد ﻣﻘﻬﻮﺭ طول عمره ..
منتصر ﺑﻬﺪﻭﺀ ﻭﻏﻴﺮﺓ ﻣﻜﺒﻮﺗﺔ : ما تخافيش عليه ما ﻳﻨﻘﻬﺮش ..
ايمان : نخاف عليه ﺍﻛﺜﺮ ﻣﻦ كل شي .. ونحبه ﺍﻛﺜﺮ ﻣﻦ ﺍﻱ ﺷﺨﺺ ..
منتصر ﻭﻫﻮ ﺭﺍﺹ ﻋﻠﻰ ﺳﻨﻮنه : ﻭﺍﻧﻲ ؟ ..
ايمان جاها مغص في بطنها ﻣﻦ كلمته ماتعرفش علاش :.. ﺍﻧﺖ ﻭﻻ ﺷﻲ ﺑﺎﻟﻨﺴﺒﺔ ليا توا .. ﻭﺭﺍﺡ نقولهولك ﻟﻠﻤﺮﺓ ﺍﻟﺜﺎﻧﻴﺔ .. ﺍﻧﻲ بنرجعلك ﺑﺲ ع خاطر ﺭﺍﺋﺪ .. ﺻﺢ ﻣﺴﺘﻌﺪﺓ اندير ﺍﻱ ﺷﻲ تبيه ﺑﺲ ﻣﺴﺘﺤﻴﻞ نرجع نحبك حتي و ﻟﻮ ﺫﺭﺓ ﻭﺣﺪﺓ .. ﺍﻧﺖ ﺍﻧﺘﻬﻴﺖ ﻣﻦ قلبي ﻭﻣﺴﺤﺖ ﺣﺒﻚ ﻣﻦ هذيكا ﺍﻟﻠﻴﻠﺔ ..
منتصر ﻭﻫﻮ ﻳﺤﺲ في قلبه ﻳﻌﺘﺼﺮ ﻭﻫﻮ ﻳﺴﻤﻊ في كلامها اللي كأنه ابرة ﻭﺗﻐﺮﺯ فيها في قلبه .. : ﻭﺍﻧﻲ نوعدك ﺭﺍﺡ نخلي ﺣﺒﻲ ﻳﺮﺟﻊ ﻳﻨﺒﺖ في قلبك ﻣﻦ ﺟﺪﻳﺪ .. ونخليك ﺗﺤﺒﻴﻨﻲ زي ﻣﺎ ﺍﻧﻲ نحبك ..
ايمان ﺑﺴﺨﺮﻳﺔ : ﻫﻪ دير اللي بديره معاش ﻳﻬﻤﻨﻲ .. ﺍﻟﻤﻬﻢ توا ﺧﻮﻱ ﺭﺍﺋﺪ .. ﻭﺍﻟﺒﺎﻗﻲ كله ﻳﻬﻮﻥ ..
منتصر : ﺗﻤﺎﻡ .. ﺧﻠﻲ خوك يحكي مع ﺑﻮﻱ ﻭﻳﻄﻠﺐ ﺧﺎﺗﻮﻥ منه ..
ايمان قاطعاته : ﻻ في الاول ﺍﻧﺖ ﺗﻄﻠﺐ ﻣﻦ ﺭﺍﺋﺪ ﺍنه ﺗﺮﺟﻌﻨﻲ بيش ما ﻳﻌﺮفش اني ﻭﺍﻓﻘﺖ ع خاطره .. ﻳﻌﻨﻲ لما نرجعلك بعدها ﺑﻜﻢ ﻳﻮﻡ نقوله يخطبها ..
منتصر ﺑﺈﺑﺘﺴﺎﻣﺔ : ﻣﺎﺷﻲ .. اللي تبيه يصير ..
ايمان : ﻣﺎﺷﻲ .. ﺍﻧﻲ توا نستأذن مش فاضية ..
منتصر ﺑﺤﺐ : تمام خوذي راحتك و ﺩﻳﺮﻱ ﺑﺎلك ﻋﻠﻰ روحك ..
ايمان : مش ﺍﻧﺖ اللي ﺗﻄﻠﺐ ﻣﻨﻲ ﺍندﻳﺮ ﺑﺎﻟﻲ ﻋﻠﻰ روحي ..
سكرت ﺍﻟﺘﻠﻔﻮﻥ منه وحذفاته وقعدت تبكي ..
قعمزت ع الارض ﻭﺭﺟﻌﺖ راسها ﻋﻠﻰ ﻃﺮﻑ السرير ..
قعدت ﺗﻔﻜﺮ بي اللي بيصير معاها .. كيف ﺭﺍﺡ تقدر تتقبله ﺑﻌﺪ اللي داره فيها ...
ﺑﺪﻭﻥ ماتحس ﻋﻠﻰ روحها ﻏﻔﺖ وهيا ﻋﻠﻰ وضعها
____________________________💔💔💔
حوش منتصر ..
ﺭﺟﻊ للحوش وقعد في اﻟﺒﻠﻜﻮﻧﺔ ﻭﺍﻟﺠﻮ مصقع ﺑﺲ ما اهتمش ..
ﺑﻴﻦ ﻓﺮﺣﺎﻥ انه ايمان بترجعله ﻭﺑﻴﻦ صوتها وهيا تبكي ماكانش ﻳﻔﺎﺭﻕ عقله ..
ﻭﺍﺧﻴﺮﺍً ﺣﺒﻴﺒﺔ قلبي بترجع ﻟﺤﻀﻨﻲ .. ﻭﺍﺧﻴﺮﺍ بنرجع نشوفها قدامي .. وبنشم عطرها ..
ﺭﻓﻊ راسه لفوق ﻭﺗﻨﻬﺪ : ﺍﺍﺍﺍﺍﻩ ياااربي الحمد لله في كل وقت .. ﺭﺑﻲ اعطيني ﺍﻟﻘﻮﺓ بيش نخليها ﺗﺮﺟﻊ ﺗﺤﺒﻨﻲ ﻣﻦ ﺟﺪﻳﺪ ونخليها ﺗﻨﺴﻰ ﺍﻟﻤﺎﺿﻲ ..
ﻣﺆﻳﺪ ﺍﻟﺴﺎﻋﺔ 12 ﻃﻠﻊ يبي يسكر ﺍﻻﺑﻮﺍﺏ ..
ﺷﺎﻑ منتصر قاعد في اﻟﺒﻠﻜﻮﻧﺔ ..
تكلم معاه وهو لوطا : ﺍﻧﺖ مجنون يا ولد .. في حد يقعد برا في هالصقع ..
منتصر شبح لي ﻣﺆﻳﺪ ﻣﻦ ﻓﻮق وتكلم ﺑﻔﺮﺣﺔ : ﻳﺎ اﺧﻲ خليني اي ﺍﻧﻲ مجنون .. ﻭﺍﻟﻠﻪ ﺍﻟﺪﻧﻴﺎ مش ﺳﺎﻳﻌﺘﻨﻲ ﻣﻦ ﺍﻟﻔﺮﺣﺔ ..
ﻣﺆﻳﺪ ﺍﺑﺘﺴﻢ ﻋﻠﻰ ﺍﺑﺘﺴﺎﻣﺔ ﺧﻮﻩ وقال : ﻓﺮﺣﻨﻲ معاك ..
منتصر : ﺣﺒﻴﺒﺔ قلبي ﻭﺍﻓﻘﺖ ﺗﺮﺟﻌﻠﻲ .. غدوا بنقول لي بوي ﻳﺮﺟﻊ يخطبهولي ﻣﻦ خوها ..
ﻣﺆﻳﺪ ﺑﺈﺳﺘﻐﺮﺍﺏ : ﻭﺷﻨﻮ اللي ﻏﻴﺮ رايها ﻭﺧﻼها ﺗﺮﺟﻌﻠﻚ .. ﺍﻛﻴﺪ عقلها في ﺷﻲ .. ﻭاﻻ في وحدة ﻋﺎﻗﻠﺔ ﺗﺮﺟﻌﻠﻚ ﺑﻌﺪ اللي درته فيها .. ﺑﺮﺑﻚ ﻟﻴﺶ تبي ﺗﺮﺟﻌﻠﻚ ...
منتصر ﺍﻟﺘﻔﺖ ﻋﻠﻰ ﻣﺆﻳﺪ : ﻭﺍﻧﺖ شن دخلك .. يالله سكر ﺑﻴﺒﺎﻧﻚ ﻭﺍﻣﺸﻲ ارقد .. قاعدلي زي ﺣﺎﺭﺱ الحوش ..
ﻣﺆﻳﺪ ﺿﺤﻚ عليه : ﺗﺼﺒﺢ ﻋﻠﻰ ﺧﻴﺮ ..
منتصر ﻣﻦ فوق خشمه : ﻭﺍﻧﺖ ﻣﻦ اهله ..
