غير سلمت ... دخلت سمر من الباب و قالت : ماشفتيش أنفال ؟؟
عوجت اسماء فمها بحيرة و قالت : لالا تكون مع مهدي ... عقدت سمر حواجبها و قالت : ماهيش معاه ...طلعت اسماء حواجبها و قالت : و نتي منين عرفتي .. سمر بتلقائية : هوا سقساني عليها ... استغفرت اسماء و قالت : سمر ماتعاوديش نفس الغلطة ...ماعندناش وين نروحو المرة هادي ..حلت سمر عينيها على وسعهم و قالت : وش قصدك ؟؟ مافهمتش ..راكي تعايري فيا بغلطة ديالي ...قاطعتها اسماء كي قالت : ماشي وقت لهدرة لازم نلقاو انفال ... هزت سمر راسها و قالت : ياخسارة الثقة لي مديتهالك ... و راحت مخليتها و دموع ماليين عينيها ... غمضت اسماء عينيها بندم ... مكانش قصدها وش فهمت ... شافت الساعة كان قريب المغرب ..تسلل الخوف لقلبها ...رفدت تيلفونها تعيطلها ...حتى سمعاتو يصوني ...استغفرت ... و قالت بهمس : ياربي وين تكون ... يارب احميها وينما كانت ... انفال من لمحال تخلي تيلفونها ...حلت عينيها على وسعهم و تسارعت دقالت قلبها ...هيا كي جات لقات الباب محلولة بصح ماعطاتش اهتمام دارت في بالها بلي وحدة من لبنات نساتهم ...راحت تجري دخلت لبيت سمر ..ناضت سمر مسحت دموعها و قالت : جيتي تكملي كلامك السموم ... صفار وجه اسماء و قالت : انفال ..انفال بالاك راهي مخ_طوفة ...عيطي لمهدي غاولي ...حست سمر بدوخة لعبت عليها و قالت : كي كيفاش وش راكي تهدري ؟؟ نحاتلها تيلفون من يدها و قالت : ماشي وقتها و كومبوزات نيمرو مهدي
مهدي : وي سمر ؟؟
اسماء : انفال ماكشها و الباب صباح لقيتها محلولة تيلفونها راهو هنا مكاشها هيا هيا ماتروحش لبلاصة بلا تيلفونها .. وين تكون راحت ...مهدي : بلعقل بلعقل مافهمتش كيفاش مكاشها ؟؟ هدا وين تهدرو ... كوبي ني جاي ...
طاح تيلفون من يدها قربت منها سمر منهارة كثر منها تهز فيها و تقول : راهي معاه ياك ... انطقي هوا قالك هكا جاوبي ..فطنت اسماء اخيرا من شرودها ..لازم وحدة فيهم تكون قوية ... عنقتها و زيرت عليها و قالت: حتولي صدقيني ...
♡♡♡♡♡♡♡♡♡♡♡♡♡♡
غير كوبات لينا مع مدير ديالها .. سمعت صوتو : علاه ديتي اجازة ...شافت فيه و قالت : حبيت نقعد وحدي شوية نرتب افكاري ..قعد بجنبها و قال : علاه تخلطو ؟؟ ...تنهدت و قالت : صابر ... نسقسيك .. الغلطة تاعي كانت لهاد الدرجة كبيرة ...لدرجة ماقدرتش تمدلي فرصة ثانية ..صح نعرف بلي لي يحب يوثق ...بصح لي يحب يسامح ثان ... شاف فيها صابر شوية و قال : حسبتلي غلقناه هاد السوجي ..تنهدت و قالت : صدقني هادي اخر مرة نهدر فيها عليه و ماني طالبة منك والو بصح من حقي نفهم ...تنهد و قال : مالا بين زوج كذبنا واحد فينا ماحب لوخر .. شافت فيه و قالت : احكي على روحك انا حبيتك من كل قلبي و روحي و عقلي ... نتا شفتو عدم ثقة و انا شفتو غيرة زايدة ... التزم الصمت ...تنهدت و قالت : علاش مالا عرفتني على روميسا ...علاش مديتلي امل انو حنولو كيف كيف ... غمض عينيه يحاول يسيطر على لوجع لي في راسو شوية و قال : لينا ... انا فقدت الذاكرة ..ضحكت بقهر على طول صوتها و قالت :هادي هيا الكذبة لي لقيتها ..عقد حواجبو و قال : ماكيش مصدقتني ...سكتت و هزت راسها بعلامة النفي ...زاد عقد حواجبو كثر و قال : حرة .. اعطاها ظهرو مولي ..حبس كي سمعها تقول : مرتك راهي فدورتها الشهرية ... ضحك باستهزاء هليها ...و هوا لي دار في بالو بلي تبدلت ... هايليك مزالها كيما راهي ...كمل طريقو مقلق ..تلاقى مع رؤوف خارج من الفيلا بخطوات سريعة ...
_____________________________
و هاذي حلقة اليوم ...صحا هيدكم مرة ثانية 🌼🦋🥀🥰😘🌺
أنت تقرأ
الجزاء
General Fiction❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
