بعدلها صابر يدها و قال : نحي يدك عليها ماتخلينيش نتصرف معاك تصرف وحدوخر ... قاطعو صوت رؤوف لي قال باستنكار و هدوء فنفس الوقت : وش حدير مثلا!! ...ترفد يدك عليها على طفلة !! ... خزر فيه صابر بقوة و قال : اذا لزم نرفد يدي عليها نرفد ختي خط حمر ... تبسمت بحزن وقت تفكرت مهدي ...حست باليتم لاول مرة مالغري عندها يماها ... شافت في روميسا باستغراب و كانها تحاول تفهم على واش غارت منها و هيا عندها اخ و سند كيما صابر ...قاطع دوامتها ضحكات رؤوف لي دل على الاستهزاء بهدرة صابر ...حك مابين جبينو و قال : انفال خط احمر بالنسبة ليا تتخطاه نتخطى كلش و نبعتك لقبرك و صدقني راني قاصد وش نقول ...زير صابر على يدو و قرب منو وقال : واقيل عندو الحق زينو و نتا صح خاين و ماتهموكش في باطل وقت تحبست ولا علاش دافع على وحدة خاينة !! عوج رؤوف فمو و قال : لي حبيت نوصلهولك وصل الباقي مايهمش اذا انفال كانت خاينة واحد معندو يحاسبها من غيري لانو انا كنت المشرف عليها و مسؤول عليها .. ضحك صابر بخفة و قال : غي هذي ماغلطتش و حتى انك نجحت في تدريبها خرجت اصغر خاينة عرفها التاريخ برافووو ...
سعلت انفال تحاول تنظف حلقها و قالت : روميسا محظوظة بأخ كيما نتا و العكس صحيح ... راح تتصدم كي تعرف الحقيقة ... تقدمت من الباب لي فيها ليديا بلا ماتشوف في رؤوف مالغري وش قال اثر فيها و خلاها تحس بالامان من جديد و لكن ماشي وقتو هوا تخلا عليها و هيا في أمس الحاجة ليه ... وش يضمن انو مايعاودش يخليها ... للاسف ثقتها فيه انعدمت بسبابو و سباب اقرب الناس لي ستناتهم يسمعولها عل قليل..
غيؤ دخلت قابلتها ليديا لي مسحت دموعها بزربة ... وقت شافتها تبسمت معاها ...تقدمت منها انفال و عنقتها ...زيرت عليها ليديا ...انفال : ماتقوليليش دموع الفرحة !! هزت ليديا راسها و قالت : ماشي مآمنة انو خلاص ولينا كيف كيف ... نطقت انفال بشرود : ادموع الفرحة جامي جربتهم و مانظنش حنجربهم ... بعدت منها ليديا و قالت : شوفي فيا انفال انا اكتر وحدة نعرف عبد الكريم مالغري ماتربطني بيه حتى علاقة ... مي ديما كان يشاركني افكارو و الخطط ديالو اكتر وحدة بقيت معاه و متاكدة انو استغلك بصح ديري ثقة في ربي بلي حيجي نهار و تبان في برائتك ...تبسمت باستهزاء و قالت : اخر همي برائتي فالوقت الراهن حابة ننتقم برك ... حلت ليديا عينيها و قالت : بالاكي انفال نار الانتقام واعرة و حتحرقك معاها ... كملي عيشي حياتك ..تبسمت معاها انفال و قالت : مبروك عليك و لعاقبة لذرية الصالحة لازم نروح ...ليديا : علااه مزال حتى ماتصدرتش ... عوجت انفال فمها و قالت : نعوضها ...هزت ليديا راسها بتفهم و قالت : ماراحش نظغط عليك ...ودعتها و راحت غير جات حتحرج سمعتها تعيطلها دارت ليها تشوف معاها بتساؤول.. نطقت ليديا بلطف : جاك شباب الحجاب بالبراكة عليك ... تبسمت معاها انفال و خرجت من تم متجاهلة نظرات رؤوف لي حست بيهم مراقبينها ... تخمم فلقاءها الجاي
🔥🔥🔥🔥🔥🔥🔥🔥🔥🔥🔥
و هكا يكون بدا عصر الانتقام من جيهة انفال ... زعما راح تتحرق فهاذ النار ولا ؟!
أنت تقرأ
الجزاء
Fiksi Umum❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
