شافت ليديا فيماها مور ما كوبات مع زينو ... هزتلها الام راسها بتفهم و دورتلها الكرسي ديالها دايتها للبيت باش توجدها ...لقاو لينا ناضت ... ابتسمت و قالت : صباح الخير عروستنا ... ردتلها ليديا الابتسامة بتوتر و التزمت الصمت ...طلعت عينيها لام ليديا لي واستلها بعينيها ... فهمت عليها لينا و قالت : خلي عليك خالتي دوك نوجدها ..
الام : هايا متبطاوش باش توجدي روحك نتي تان ... تبسمتلها لينا و بدات توجد في ليديا و تحكي ماسكتتش كامل تحاول تشتت تفكيرها
بعد مدة كانو كملو كلش... لحق ميساج لليديا ... قراتو و شافت في لينا و قالت : راهو لحق ...
هزت لينا راسها و قالت : دقيقة ندير بارفان و نروحو ... اصلا طاطا و عمو سبقو ...سكتت ليديا ...جابت لينا البارفان و عمرت روحها حتى ولاو يسعلو ..شافت فيها ليديا بلؤم و خرجت وحدها ... غير حلت باب زنقة قابلها بظهرو ... بدات تتنفس ببطئ تهدي في روحها ...اما هوا غير حس بيها عقد حواجبو و تبسم ... رسم ملامح البرود على وجهو ... و دار ليها و قال : وين راهي لينا ...شافت فيه باستغراب جابلو الضحك ..خىجت لينا و قالت : هاني جيت ... قابلها هوا و صابر ...ماعطاتوش اهتمام بالعكس ولات تشوف انو مدتلو وقت فوق اللازم ... حركت الكرسي تاع ليديا و اتاجهو للبلدية باش يعقدو ....
💓💓💓💓💓💓💓💓💓💓💓💓💓💓💓💓💓💓💓💓💓💓
دخلت لبيتو ... تغاضات على الشعور لي جاها ...عفست على قلبها و راحت من جيهة خزانتو ... ماقدرتش تقاوم دموعها كتر ... حكمت تريكوه و قرباتو بشوية من نيفها ... طاحو دموعها هاد المرة بضعف ...كانو بدات تتقبل فكرة انو مكاشو ... زيرت على تريكوه و الفكرة مستحوذة عقلها ... فكرة انو مكاشو و مراحش يرجع و مظطرة تكمل حياتها بلاه ... استغفرت ربي و جات حترجع هذاك التريكو ... طاحت منو برية.. شدتها بطراف صباعها و قلبتها ... مالقات حتى حاجة مكتوبة عليها ... قعدت على لفراش و شافت فيها بحيرة ...
💓💓💓💓💓💓💓💓💓💓💓💓💓💓💓💓💓💓💓💓💓💓
كانو يستناو في دالتهم ... برود ديالو دخلها في حيط ... قربت منو ..و جبداتو من يد الكوستيم ...شاف في عايلتها باحراج و هبط ليها ..طلع حاجبو يسقسي فيها ...هزت كتافها و ربعت يديها و قالت : شوف نتا ...علاه راك تتعامل معايا هكا تقول ماشي عرسك ... تنهد و عض على شفتو تحتانية ...و قال بجدية مصطنعة : احشمي راكي كبيرة قدام العايلة ديريلي جاست هكا راني قائد فرقة بكبرو ...
من كترة التوتر لي كانت فيه ماقدرتش تميز النبرة ديالو المتلاعبة ..دنات الكرسي ديالها للور و شردت في تخمامها 💓💓💓💓💓💓💓💓💓💓💓
جا وحد السؤال في راسي ... و حبيت نعرف رايكم فيه ...
وش رايكم فردة فعل يمات انفال ...كي تبرات من بنتها و اذا نتوما كنتو في مكانها وش كان حيكون رد فعل ديالكم 👀
أنت تقرأ
الجزاء
Fiction générale❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
