حطت يدها على كتفها بقلق ...قفزت سمر بخوف و قفزت معاها اسماء تاني ...تنهدت بخلعة و قالت : وشبي جدك عندك خلعة قديمة !!
زفرت سمر بارتياح و قالت : الحمد الله ..طلعت اسماء حواجبها بشكل يضحك مستغربة ف حالتها و قالت : سمر ختي راكي مليحة ... بلعت سمر ريقها و قالت : حابة نروح .. اسماء : وين تروحي ماكفاش انفال و ديجا عيب ليديا وقفت معاك فالشدة تخليها هكا و زيد بنت عمك ... طاحتلها دمعة كي تفكرت و قالت : راهو هنا ...اسماء بعدم فهم : شكون ؟؟ ... بلعت ريقها و قالت : لي ..لي ماقدرتش تشد كتر و شهقت ببكا ... شافت اسماء حولهم ...لقات الناس كامل مشغولين بليديا ... نوضتها بهدوء و قلبها حتى هيا يدق بسرعة خايفة يكون وش فهمت صحيح...
💮💮💮💮💮💮💮💮💮💮💮
لحقت للإيطاج الثالت ... صونا تيلفونها معلن على رسالة وصلتها ... غلقت الباب لي حلتها مور ماستأذنت ... حلاتو لقاتو من عند ....
.....: الطابق الثالت العناية المشددة ...سليم بن حمود ... حست بحركة غير طبيعية ... الممرضين و الطبيب يتجاراو ... غلقت التيلفون و تبعتهم بشوية ... شافتهم كي دخلو للعناية المشددة ... راحت من جيهة الزجاج قابلها ... حال عينيه و يشوف فالغرفة بجمود ...
بعدت من تم و كومبوزات رقم ديالو و قالت : راني لقيتو وين راك ...
خالد : ني نسنا فيك ...
انفال : اطلع تعاوني ...نتا تهبطو و انا نشغل الطبيب و نمحي التسجيلات تاع الكاميرا هايا ازرب ماكاش وقت العناية المشددة الطابق 3 ...
غير كوبات من عندو ... دخلت تجري بخوف مصطنع وين العناية المشددة تهدر و تلهت : اا...الاستعجالات ...حالة طارئة ...ترسمو ملامح القلق عليهم كامل و خرجو يجرو و معاهم الطبيب ... ناسيين غرابة الموقف ... تنهدت بارتياح و قربت منو و قالت : الحمد الله على سلامتك ...شاف فيها باستغراب ... سمعت صوت الباب دارت لقاتو خالد و معاه كرسي ..عاوناتو رفدو ادم و خرجت مخليتهم متوجهة لبيرو تاع الطبيب لي كان متابع حالتو ... رفدت كامل الملفات المتعلقين بحالتو الصحية ...و خرجت ... شافتو جاي من لبعيد تخبات حتى جاز عليها ... تنهدت وقت تفكرت الكاميرا ...راحت من لغرفة المراقبة ..طبطبت و دخلت لقات واحد تما برك قرت اسمو من لاكارت لي معلقها على رقبتو و قالت بجدية : موسيو عزوز ... المدير طالبك لمكتبو .. ترسمو عليه ملامح الخوف ... بلع ريقو و قال : ماقالك والو علاه ...تبسمت و قالت : حاب يزيدك فالراتب ... وساعت تبسيمتو و راح يزرب فخطواتو ... غير خرج قعدت فالحاسوب و بدات تمحي فاي تسجيل ظهرت فيه بداية من خروجها من الطاكسي ... و هيا تدعي لعبدو في سرها كي علمها هاذ الحوايج ... غير كملت طفات الكاميرا و خرجت تزرب فخطواتها ..غير ركبت فطونوبيل قلع خالد باقصى سرعة مخلي الغبار موراه 💮💮💮💮💮💮💮💮💮💮💮
أنت تقرأ
الجزاء
Ficción General❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
