ناض صباح نعسان عكس عادتو ... مالغري يسهر ينوض بكري مي ليوم رقد و ماحس بوالو ...حتى لفجر لي موالف ينوضلو ماناضش ... غسل وجهو شحال من مرة ...عمل روتينو الصباحي و خرج برا ...حال الفيلا تبدل ...كانت هيا الملجأ ديالهم بعد الحادث الأليم ... جمعهم صابر فيها من غير رؤوف لي حب يستقر وحدو ... تفكر المواجهة لي صرات بينو و بين روميسا ...سبحان الله الواحد بجاست يقدر يطيح من بلاصتو ...مالغري حبها او على الاقل هكا دار في بالو ... المهم انو كان متأكد لو طلبت روحو ف هداك الوقت كان فداها بيها ...بصح دوك يحمد في ربي انو قدر ينساها و يخرجها من حياتو ..تنهد من قلبو كي تفكر اخر حديث بيناتهم ... عذرها ...بصح للأسف خسرت حبو ... شعورو ناحيتها هي الشفقة ..عاود رجعها لبلاصتها ..خت صاحبو ... و هاذي الحاجة لي تعجبو في روحو يقدر يتحكم في مشاعرو ... كان داخل للكوزينة وقت حس بحاجة دخلت فيه ...سرعان مابعد و حكم تريكوه جابدو على بدنو وقت حس بحاجة حرقاتو ...لعن تحت لسانو و طلع عينيه يشوف فيها ...كانت دايرة يدها على فمها و حالة عينيها على وسعهم ...عقد حواجبو و قال بغيض : وش راكي ديري نتي هنا ... اهدرييي ياك طلقتي مع صابر بصفتك واش هنا ... طلعت حواجبها بتفاجئ و قالت : نهار تكون دارك اهدر .. خبطاتو بكتفها و جازت تستبن فقهوتها ... عض على لسانو و قال : اجيني يابلا و لا نجيك ... على في صوتو شوية و قال : دار خالي موح ...عقدت حواجبها و قالت : موح !؟ شكون ... نفخ بجنب و تمتم انا الحابس نهدر مع وحدة رومية ... طلع لبيتو بزربة يلم في حوايجو مايقدرش يقعد معاها ...يحسها طبق الاصل على روميسا ... و من اول مرا شافها حس بالكره اتجاها ...اما هيا قلبت عينيها بعدم اهتمام و قعدت فالجنينة ...شويا و سمعاتو خارج ...تفاجئت كي شافتو رافد فاليزا معاها ...حطت قهوتها و راحت ليه : وين ؟؟ ..دار يشوف فيها بالعرض البطىء ..تبسم باستهزاء و كمل طريقو ..شدتلو يدو و قالت : نهدر معاك ...بعدلها يدها بع_نف و قال :ماتفوتيش حدودك ... عضت على شفتها من لتحت و هيا تلعب بصبعتيها : اذا على القهوة سمحلي ...وو .. ربع يديه و قال : وش راكي ديري وين حابة توصلي .. شافت فيه و قالت بحيرة : كيفاش وين حابة نوصل ..اعتذرت منك برك ..
تبسم بخفة و قال و هوا متوجه للطونوبيل : العبي غيرها انا ماشي صابر الحنين ... الخبث ديالك باين من عينيك ...نصيحة روحي انشري سمك بعيد ...ماشي ضحكتلك شويا تحسابلك امنت هدرتك ..ولي منين جيتي ماعندكش بلاصة هنا ...توسخيها بخماجك ...ركب فطونوبيل مخليها تشوف في اثرو مدهوشة ..تحاول تستوعب كمية الكلام الج_ارح لي قالهولها
💮💮💮💮💮💮💮💮💮💮💮
حاطة راسها على الكارو ...تتفكر ف هدرة صابر لي طلب منها تجي لعنابة ...استغربت نبرتو لي هدر بيها معاها ...بصح لي استغربتو كتر .. وش داه لعنابة ..معقول يكون تواصل مع باباهم ...ماشكيتش ...افكارها متضاربين ... ماحستش بروحها غير هيا و غافية
💮💮💮💮💮💮💮💮💮💮💮
وش رايكم ف شخصية روميسا و افعالها ؟؟ زعما تستحق الشفقة و توقعاتكم لنهايتها 👀
أنت تقرأ
الجزاء
General Fiction❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
