فطنت على الضو القاوي لي ض_رب في عينيها ... غير حلتهم قابلتها الفرملية ديرلها فالسيروم ..تفقدت وين راهي بعينها ..عرفت بلي راهي فالسبيطار ... شافت فالفرملية و شدت في يدها و قالت : وين راني ؟؟ ..تبسمت معاها الفرملية و قالت : كلينيك العافية ... بلعت ريقها و قالت : كاش واحد راهو برا ؟؟ هزت الفارملية راسها و قالت : راجلك ماتهناش حتى خلا 2 حراس قدام الباب باش يطمن عليك باين يحبك بزاف ..تبسمت معاها فوق قلبها ... لمحت تيلفونها في جيبها ... خطرتلها وحد الفكرة ... قالت في قلبها : يارب سامحني ... دارت يدها في راسها و قالت بتألم : أه راسي ...تقربت منها الممرضة تجري تفحص فيها ... غير قربت منها ...رمات يدها لجيبها رفدت التليفون و خباتو تحت الغطا ... الممرضة : ختي صافا وش راهو يوج_ع فيك ..هزت راسها بالنفي و قالت : راسي شوية برك .. عوجت فمها باسف و قالت : هادا من قلة الماكلة ... هزت انفال راسها بالموافقة و قالت : وش اسمك ... الممرضة : اميرة ... انفال : معليش تديني للحمام . .
🦋🦋🦋🦋🦋🦋🦋🦋🦋🦋🦋
نفخت بجنب و شدت تيلفونها تتفحص فيه للمرة الألف ..هاذي حالتها من نهار دات اجازة و جات مع لينا للبلاد ...دخلت عليها و قالت : ليدوش مزال ماوجدتي روحك ... عوجت فمها و قالت : والله ماراني فالمورال تاع الحفلات .. قعدت قدامها لينا و قالت : وش بيه الزين ...طاحت دمعة من عينيها و قالت : زينو ماعيطليش كامل و مابعثش كامل ميساج ... بالرغم علبالو بلي دخلت للسبيطار ... تنهدت و هيا تمسح في دموعها و تقول : واقيل عندها الحق هاديك الشيطانة صغيرة و كانت مجرد شفقة ...كي عرف بلي مراحش نقدر نمشي على رجلي جبد روحو ...
ضربتها لينا على راسها وقالت : اولا طبيب قالك تقدري تمشي مع الريديكاسيون و سبور ... ثانيا من وقتاش زينو هكا ..كيفاش تسمعي لهدرة هاديك الستوتة ..و زيدي ليديا لمرة هاذي نتي غلطتي ..مدتيلو امل اومبعد هربتي منو ... صح هوا غلط في حقك بصح كنتي قادرة من لول تكوني واضحة معاه ... و اخيرا زينو مكاشو هنا ...هذاك نهار سافر ... لعبت ليديا بصبعتيها و قالت : انا حشمت برك و رجلي وجعتني ماكنتش قاصد..سكتت كانها هاذا وين استوعبت وش قالت لينا ...طلعت راسها تجري و قالت : كك..كيفاش سافر !! وقفت تجري متناسية رجلها حتى طاحت فلرض ..جرات ليها لينا و عاونتها تنوض و قعدتها فالكرسي المتحرك و ثالت بحدة : وش رانا نهدرو ...حتى تولي ماتمشبش كامل باش تبردي ..رجلك يابنتي ..شدتها ليديا من يدها و قالت و دموع مالين عينها : صح راح و تخلى عليا ؟؟
أنت تقرأ
الجزاء
General Fiction❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
