كان واقف على الشرفة تاع الغرفة ديالو..
يترشف فالقهوة ...و الذكريات يتوالاو على مخيلتو ... زير على الكاس لي في يدو ... شهور ماشافهاش و لا هدر معاها ... بصح هكاك و ديما يخمم فيها ... زعما صح خان الامانة كيما قاتلو هيا ...نفض الأفكار لي جات في بالو ..على صوت تيلفونو ...غير شاف شكون ..تبسم بجنب و رفد : وي ...
روميسا : وين راك ؟؟ ...
رؤوف : فدار ..
روميسا :ماتجيش ...
رؤوف : لالا
كوبا ...و دار لنوح لي حط يدو على كتفو و قال : شكون ... رؤوف :روميسا ...ضحك نوح بخفة و قال : نقولك حاجة ماتزعفش ... ترشف رؤوف من قهوتو و سكت ...حط يدو على كتفو و قال : و الله ياصاحبي على حساب الشوفة الطفلة هادي راي تعشق فيك ... عقد حواجبو و قال : روميسا ؟؟ هز نوح كتفو و قال : و مال ..تبسم بجنب و قال : اومبعد ؟؟...
تنهد نوح و قال بجدية :رؤوف جازو 6 شهور على هديك الحادثة خلاص انسى و عيش حياتك عادي ... غمض رؤوف عينيه و قال : نعيش حياتي كي نكون مع روميسا على حساب تخمامك طفلة قد بنتي ...و جا داخل ..نوح : علاه انفال ماكانتش قدها ...ماحس غير دبزة لفكو ...ضربو رؤوف و قال بنبرة تهديد : قتلك ماتزيديش تجبد اسمها على لسانك مانحبش نسمعو فهمت .. ماطبقش عليا علم النفس لي قريتو ...
مسح فكو و قال : رؤوف نتا ضعيف ... ماراكش قادر تواجه فكرة انو حبيت وحدة كيما انفال ... و بالرغم انو روميسا فيها منك بزاف و هكاك ماقدرتش تحس بكاش حاجة معاها و هاد الشي ماقدرتش تتخطاه ... كنت على الاقل مدلها فرصة دافع على روحها ...كان رؤوف لحق لباب الزنقة حبس شوية غير كمل نوح هدرتو خرج و خبط الباب ... غير ركب فطونوبيل شرد يخمم في هدرة نوح ... خبط على الفولون بغل و قال : دوك نثبتلك بلي انفال صفحة و طويتها .. خرجو من شرودو صوت تيلفون ... غير رفدو ...قابلو اسمها ... حس قلبو خبط بعنف ...تجاهلو ... دارو على الصامت و ديمارا
عند انفال
هادي المرة الخمسة لي تعيطلو ... يصوني و مايرفدش ... عاودت عيطتلو لقاتو مغلق .. زادت خطرة و زوج و تلاتة كيف كيف .. دخلت للانستا و فايسبوك لقاتو مبلوكيها ...رمات تيلفون حتى تكسر ... علاه مش حاب يمدلها فرصة ... علابلها بلي غلطت ... رايحة جاية ... سمعت الباب يصوني ... راحت تجري ... غير حلاتو ... تفاجأت بشكون ... جات راح تغلقو دفعها و دخل ... ولات للور بخوف ... نظراتو مايبشروش بالخير ... غير دارت باش تهرب منو ... جبدها من شعرها و قال بهمس: ماتوحشتينيش ... انا كنت نموت الف مرة و انا بعيد عليك ... عنقها من ضهرها يهدر بنبرة تخوف ... بجنون : ماتخافيش ... منا و رايح حتى الموت و ماتفرقناش ... ياك حبيبي ... غير جات حتهدر حست بحاجة خبطت في راسها ... غمضت عينيها باستسلام لواقعها
عند رؤوف
غير وصل ..شاف لتليفون بطرف عينو ... غمض عينيه بأسف لوين لحقو ... حل عينيه و دخل لاخر الاتصالات ... غير جا حيعيط ...سمع طبطيب فتاقة ...طفا التيلفون و خرج من طونبيل ..لقاها روميسا تتبسم معاه ...بلا مايفيق قال : تحبيني ؟؟
حلت عينيها شوية متفاجئة ...شوية و داركت الأمر و قالت بثقة : تعجبني ..
_____________________________
هادا هوا بارت ليوم ..رايكم في جرأة روميسا .. و علاقتها هيا و رؤوف ... توقعاتكم فب هوية خاطف أنفال . . و الفريق وش صرا فيه؟؟
أنت تقرأ
الجزاء
قصص عامة❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
