الجزاء

115

عضت على خدها من لداخل ....و عينيها دمعو ... حتى من خدودها حمارو ...شافت فيه و قالت بترجي : تعيش خليني نروح ... طاحت دمعتها ماقدرتش تحبسها كثر ...بعد عليها مستغرب ... عاقد حواجبو بعدم فهم و قلق و خوف ومن جهة ثانية و قال : خلاص ها ني بعدت ... ماتبكيش ...زادت وتيرة بكاها ...نفخ بجنب و قال : يابنتي قتلك زيدي انا ؟؟ كاشما درتلك ...هزت راسها بلالا ..زينو بنفاد صبر : ايه و مالا علاه كي تبكي ..هزت كتافها ...مسح على وجهو و قال بشوية حزن : صحا امسحي دموعك ...ادا على وش قلت متخافيش مراحش نجبرك على حاجة ماكيش حابتها ... تنهد كي كمل هدرتو و راح ...بالاك هادي اكتر مرة جرحاتو فيها ...مدتلو امل و طلعاتو بيه لسابع سما ...و عادت رماتو منها بلا رحمة ...لهاد الدرجة قلبو لعبة عندها ...ولا لهاظ الدرجة ماولاتش دير فيه ثقة و تامنلو...صح يستهل ...غلط في حقها بزاف ...بصح كيفاش يفهمها بلي هوا عشقها من اول مرة طاحت عينو عليها ... و شاف فيها لمرة لي راح يكمل حياتو معاها ... بصح مايقدرش ... يخاف من العلاقات ... خاف يجرحها ..خاف يخسرها ... عندو الزواج مهما كانت متين مراحش يكمل ... مزالو مثأتر بطلاق والديه رغم مرور سنين و سنين ...بصح هداك الطفل لي ضاع بينهم مزالو داخلو ... ركب فطونوبيل و ديمارا ...
عند ليديا ..غير راح زينو ..تبعاتو بحزن حتى اختفى من مرمى نظرها ... تأوهت بأل_م ..كي زاد وجع رجلها على لي قبل ... ظغطت عليها بزاف .. قعد فالارض تحاول تماسي فيها لعل و عسى يخف الو_جع ... بصح للأسف ماخفش ...حاسة بالعجز ...في وسط هذا كلو مر على بالها الموقف لي حطت روحها فيه دوك .. حطت يدها على وجها بحشمة ..كيفاش تجرأت تعرض عليه الزواج . وش راهو يقول عليها .... لمحتها لينا لي كانت مولية ...راحت تجري ليها ... سيات تسندها لحد مالحقو لطونوبيل ... و ديماراو لسبيطار فطريق عيطت لعبدو يلحقهم ...
اما فالفيلا فكان الجو هادئ ...صابر لي داتو عينو و هوا يخمم في هدرة لينا ...و عاود ولا عليه التعب ... من خدمتو كطبيب .... لدرجة ماحسش على ختو و لا على لعياط لي صرا ... و يادرا كيفاش حتكون ردة فعلو ...لونا لي كانت تخمم في حل لكذبتها لي حصلت بيها روحها ... و ما اهتمتش اصلا كي سمعت الدواس ...

موجز على الاحداث لي صرات فهاد 6 أشهر...

🎈على فكرة لونا تفهم اللهجة الجزائرية ... بصح ماكانتش تهدرها ...مي فهاذ 6 شهور علمها صابر شوية ..
في هاد 6 شهور طرأ تغيير كبير على حياة ابطالنا ...
🎈 لينا ولات تخدم في وحد الصالون مشهور فالحاجة لي تعشقها وتحس انو تخرجها من عالمها و هي الميكاب ... 🎈صابرحقق احلامو او ولا طبيب...
🎈ليديا ولات سكريتيرة لاحد الشركات النامية ...
🎈زينو لي حب يبعد شوية على مجال التحقيق و حل مكتبة ...
🎈 عبدو حب يكمل قرايتو فالإعلام آلي و من جيهة حل سيبار تاني ...
🎈🎈اما رؤوف فمن هاداك الحادث تغير بزااف ... حتى من انفال مزادش شافها و لا حتى واجها ...نهى علاقتو بيها نهائيا ...و بعد على كامل الناس ..مرات يتجمع مع الفريق كيما ليوم ...
🎈🎈انفال لي جابت الباك بمعدل لابأس بيه هيا و اسما لكن بلوكات العام ... و عايلتها يماها و عمومها مزادتش شافتهم ...
🎈🎈اسماء عكسها بدات كلش من زيرو ...بدات تقرا و لقات خدمة في وحد الحانوت تاع حوايج نسا ..
🎈🎈اما سمر ..فولات تخدم مع مهدي في شركتو جديدة ..
🎈🎈مهدي لي تبرا جدو منو كي ماحبش يخلي انفال وحدها ...مهدي لي كان مكرس حياتو لعايلتو جا جدو في دقيقة نحالو الشركة لي هوا تعب عليها علجال حاجة تافهة ... بصح هاد الشي زاد حفزو و خلاه يبدا من جديد و سمر عاوناتو بزاف ... لمحلها شحال من مرة بحبو ... و حتى كي صارحاتو ...تقبل وضعها ...صح خدا وقت باش مايظلمهاش و مايظلمش روحو معاها ...و رغم هاذ الشي مازلها متخوفة منو ...