..غير جات حتنوض محست غير بروحها ترد_خت و خبط راسها فلرض ...لدرجة حست بالدوخة ... مزال ما استوعبتش وش صرا ..حست بليديا طلعت فوقها ... و تض_رب فيها كف لخوه و تهدر ...: شكون نتي اهدري شكونك باش تجي تهدري ...ني تربية ني سيدي زكري ... ماحترامتي اني كبيرة عليك ولا اني زميلة و صديقة خوك و لا حتى انو جيت نعاونك ... شدتها من كول تاع حوايجها و قالت : نتي محال تكوني انسانة ...صح للاسف ماوليتش نمشي كيما قبل و احتمال نفقد رجلي ... ربي ابتلاني بهاذ الشي و راني راضية و صابرة و عارفة فيه خير ... بصح انا انسانة و عندي قلب يوسع الناس كامل ..ولا مرة حقدت و لا حسدت ...نزعف مرات ..نجرح مرات ..بصح نتمنى الخير لكامل الناس ...علابيها زينو يحبني ماشي شافق عليا ... نتي لي الناس تشفق عليك ... جامي كنتي حقيقية ..انانية و ماشي انسانة ..تغيري و تحسدي ... فهمتي على رؤوف ماحبكش و جامي يحبك ... علاخاطرش نتي اصلا ماشي انسانة ... صح انفال كانت خاينة ...بصح كان عندها قلب من ذهب حتى واذا كان تمثيل ... و لوكان رؤوف ماالتمسش هاذ حاجة فيها ..مايحبهاش ... حبها لانها انسانة حقيقية ...رغم كل عيوبها كانت حقيقية ... و استثنائية بقلبها ..هاد الشي لي مراحش تفهميه نتي ...ناضت من فوقها ..مخليتها تبكي بلا صوت ...ماعرفت تشد نيفها لي طرطق بد_م ...و لا راسها لي بدا يوجعها ...و لا داوي قلبها من واش سمعت ...كانت ص_فعة قوية ليها زعما حتكون سبب في تغيرها ولا لالا ...
خرجت ليديا تجري من تم ..بخطوات غاضبة ..رغم انو رجلها كانت توجع فيها بصح ماحستلهاش ...شافت زينو عاطيها بظهر يهدر ف تيلفون ... بلاما تخمم راحت ليه و قابلاتو ..شاف فيها باستغراب ... جبداتو من لكول ديالو و قالت : تتزوج بيا ... شاف فيها بلا تعبير بادي على وجهو ... سمعتها كي ضحكت من تيلفون ...كوبا و قال : وش قلتي ؟؟ عاودي ...عقدت حواجبها و هيا تخزر في تلفون بخزات نارية و قالت بصوت غير قابل للنقاش : معامن كنت تهدر ؟؟ شكونها ...هز براسو و قال : ركزي معايا خليك منها نتي وش قلتي دوك ... عقدت حواجبها كتر و قالت : معامن كنت تهدر في تيلفون ...خبط تيلفون فلرض ..و قال : يلعن التلفون مع لي اخترع التلفون و سنين تيلفون ...شدها من كتفها و قال : نتي وش قلتي دوك عاوديلي نحب نسمع ؟؟ ... ضحكت بخفة على نبرة صوتو لي كان يهدر بيها ...غاس فيها و قال بلاما يجيب خبر : ماشي غير نتزوجك ... ندير كلش على جال ضحكة منك ... هبطت عينيها بحشمة هادا كي لمحت اللمعة لي في عينيه ... هاذا وين حست بواش دارت ... جبدت روحها منو و قالت : ااا انسى وش قلت ..غير جات تتجاوزو رجعها لمكانها و قال : دخول الحمام كاشي كيما خروج منو ...طاح الفاس على الراس ..باصيتي بيا ...تفرت دوك
____________________________
HananeMaghari
هاي خرجت ليديا نتي برك تظلمي فيا💔🥺/
وش رايكم في التغير لي طرأ على شخصية ليديا 🌸🌸
أنت تقرأ
الجزاء
Fiction générale❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
