الداخل عند رؤوف و روميسا ...
رؤوف : راني نسمع فيك .. روميسا : علاش سقسيتني هكاك موقبيل ؟؟ ...رؤوف : مجرد فضول ...تبسمت باستهزاء و قالت : مشاعر الناس ماشي لعبة عند سي رؤوف ..ولا قلبك مزالو معلق بست الحسن و الجمال الخاينة انفال ...زير على يدو و تمالك روحو بصعوبة و قال : ياك نعجبك برك وش لي قلقك ...مسحت على و جها و قالت : نحبك مليح هكا و نعشقك و نفنى في حبك ..بصح نتا جامي شفت هاد الحب علاه ماشي حاب تأمنلي ...سكت شوية و قال : وش لي خلاك دخلي باباك للحبس و تكوني ضدو ... روميسا : مافهمتش ؟؟ رؤوف : نظن سؤالي واضح ... روميسا : كنت حابني نسكت ... حتى نتا باباك خاين ماكنتش حتبلغ عليه ...دار ليها و قال : ماتغلطيش بابا ماشي خاين ..بابا كان جاسوس كاين فرق شاسع هادي وحدة ..دوزيام نتي من لول كنتي تعرفي بمخططات باباك علاه هذاك الوقت بذات خيرتي تكوني ضدو و تفضحي الخطط ديالو ... بلعت ريقها و قالت : ماكنتش نعرف بلي ارها_بي ...و بلي يقدر يق_تل .. بصح كي شفت ادم...مرمي في د_مو هكاك
فلاش باك
كانت قاعدة في بيتها كي لعادة ...من لي جات هنا و هيا هكا ...لمحت ادم هابط من طونوبيل ..دخلت تجري تبدل حوايجها و هبطت للتحت ..غير جات تدخل سمعت وش لازم ماتسمعوش حطت بدها على فمها ..غير حست بباباها خارج تخبات بزربة ..حتى تاكدت بلي خرج و دخلت بخطوات مترددة ...حطت يدها على الباص بيدين يرجفو خايفة من وش يسنى فيها لداخل ...غير حلاتو دارت يدها على فمها مخلوعة ... ظهر باباها وحش و هيا ماتعرفش ...ادم وسط بركة د_ماءو ..سمعاتو يتمتم بوحد الكلمات الغير مفهومة ..تقربت منو باش تسمعها
نهاية فلاش باك
نطقت بصوت ضعيف : انا كنت حابة خويا يولي معايا كيما بكري ... و طرطقت بالبكا شاف فيها رؤوف و خرج مخليها بلا ماتكمل هدرتها ...حاس بقلبو مقبوض ...
____________________________
كانت طالعة هابطة فالفايسبوك ... الملل قاتلها ...ضيقت عينيها بتركيز كي شاف وحد الستاتي ... تسقسي فيه وحدة على الحكم التكلم مع الخطيب ... خبطت راسها بيدها و قالت فسرها ..أكيد نورمال ماهو خطيبك يعني حلالك و مابقاش و يولي راجلك ...بلعت غصتها كي تفكراتو ...حتى هوا كان باش يكون راجلها اما ماكتبش ...دقيقة يعني كيفاش ..دخلت بزربة تقرا الجواب ...
الجواب: بسم الله الرحمن الرحيم، الحمد لله، والصلاة والسلام على رسول الله، وعلى آله وأصحابه ومن اهتدى بهداه.
أما بعد:
فلا نعلم حرجاً في محادثة المرأة المخطوبة لخطيبها في بعض شئون النكاح، وفي بعض شئون عقد النكاح أو ما يتعلق بذلك من الأحاديث السليمة التي ليس فيها محرم ولا تعاون على محرم.
أما إذا كان التحدث يدعو إلى ريبة أو يدعو إلى خلوة بها، أو إلى اتصال بها قبل عقد النكاح فهذا محرم ولا يجوز، الا بحضرة أبيها وأمها ونحو ذلك، ولا يجوز الخلوة بها أبداً؛ لأن الشيطان إذا خلا الرجل والمرأة صار ثالثهما فلا يجوز.
وأما الأحاديث التي لا تعلق لها بمصلحتهما بل بالجنس وما الجنس وما يدعو إلى أن يتصل بها اتصالاً غير جائز فهذا كله لا يجوز
-ابن باز -
مسحت دمعتها لي طاحت ... كيفاش تقدر تسمي روحها مسلمة و هي جاهلة دينها ... تصلي و تصوم برك ... علاه الاسلام هكا برك ... غلقت التيلفون و راحت توضات ...تصلي 2 ركعات تكفر على ذنبها لي اقترفاتو لجهلها بدينها ..
_____________________________
هاذي لحلقة تاع البارح🦋🌼
أنت تقرأ
الجزاء
قصص عامة❌❌❌ممنوع النقل منعا باتا❌❌❌ ❌❌❌❌❌❌❌❌❌❌❌ في الحياة لا شيئ بلا مقابل ... تتعاقب الايام و تتداول الاحوال بين الناس ... و يقع فعلك عليك ... فترى نفسك تدفع فاتورة أخطاء الماضي ... و لا مفر لك من الجزاء ...الجزاء الجزء الثالت من لصة قلبي « سلسلة قيود ال...
