أساتذه في الحب ... أية البدري

اساتذه في الحب 4

أساتذه في الحب ........ البارت الرابع
.
دخلت بهدوء الي غرفته و اقتربت منه حتي تيقظه
.
بيسان بخفوت : بلال بيه ....... بلال بيه  ... بلال
.
تحرك بلال بنعاس : سيبيني في حالي بقي
.
بيسان بحقن : اصحي يا عم خليني انضف الأوضه خالتك لو شافتك لسه نايم اصلا هتبستفني انا مش انت
.
جلس بلال  و نظر لبيسان بغل و غضب
.
بيسان : متبصليش يا بيه خالتك طالعه من ساعتين و قالتلي هرجع الساعه ٣ لو لقيت الفيلا فيها حته متنضفتش يبقي متدخليش الفيلا تاني
.
بلال : تعالي يا بيسان
.
اقتربت بيسان  : نعم
.
استقام بلال : انتي مش خدامه هنا يا بيسان علشان تنضفي الفيلا ، صح انتي بنت خاله صابرين بس انا ماما عمرها ما عملت خاله صابرين انها خدامه كانوا زي الصحاب و اكتر و انا من يوم ما شوفتك اتمنيت ان يكون ليا صديقه
.
اقترب بلال منها ببطئ حتي لم يبقي بينهم مسافه لتخطلط انفاسهم بالهواء داخل الغرفه
.
اكمل بلال كلامه بحب واضح في نبرته : او حبيبه
.
انهي كلمته و هو يرفع وجهها بأصابعه ليقترب من شفتيها في قبله ناعمه و هادئه يعبر بها عن حبه لها بلطافه ، ثم ابتعد بهدوء و هو مبتسم بسعاده ليجدها مغمضه عيونها
.
بلال بنعمومه  و هو يحرك انماله علي وجهها الناعم : انتي كنتي حاسه مش كده
.
فتحت عيونها ببطئ و هزت رأسها ببطئ بمعني ( نعم )
.
بلال : اعشق تلك العيون التي تنظر لي بخجل ، و هذا الوجه المحمر بسبب قبلتنا الأولي ، اما تلك الرائحه المنعشه فهي من تجعلني اشعر ان هذا اليوم هو يوم مميز
.
ابتسمت بيسان بفرحه و هي ناظره لعيونه : بحبك
.
اتسعت ابتسامت بلال اكثر : بعشقك يا بيسان ، بعشقك
.
احتضنها بقوه و كأنها اهم انتصارته
.
لم يلاحظوا تلك الواقفه بحزن عند باب الغرفه ، و دموعها التي تشبه الفيضانات  ، أسرعت ميان إلي غرفتها و هي تتنفس بصعوبه من كثرت دموعها و عدم استعابها للذي حدث أمامها منذ قليل ، لتصتدم ب حسن أمسكها حسن قبل ان تقع
.
حسن بقلق علي مظهرها : انتي كويسه يا ..
.
حاولت ميان ان تتكلم و هي تأخذ انفاسها : خدني من هنا  .. لو سمحت طلعني الجنيه ... مش عارفه اخد نفسي
.
حسن : طيب تعالي .. انتي مريضة ربو ولا حاجه
.
هزت رأسها بمعني (نعم)
.
حسن : طيب الجهاز فين
.
اشارت له علي غرفتها فذهب الي هناك و بحث عن هذا الجهاز ثم رجع لها ليضع هذا الجهاز في فمها لتبدأ تهدئ من روعها
.
ميان : حسن خدني من هنا و نبي
.
سندها حسن للخارج و اخذها الي فيلا الألفي و جلسوا في جنينة الفيلا
.
حسن : انتي كويسه دلوقت
.
ميان بهدوء : دلوقت احسن يا حسن
.
حسن : انتي مين بقي بيسان ولا ميان
.
ميان : ميان  بنت خالة .... بلال
.
شعر حسن بأنها حزينه بسبب بلال فحاول الأبتعاد عن اي حديثه يجمع بلال بها
.
حسن : انتي عارفه انا مين
.
ميان : حسن الألفي ، ده من اسبوع و الصحافه كلها بتتكلم عنك انت و بس
.
ابتسم حسن : طيب ، عندك كام سنه بقي علي الطول ده كلو
.
نظرت له مسان بخجل : ده مدح ولا ذم
.
اقترب حسن منها قليلاً و هو يغمز بصياعه : ده معاكسه
.
ضحكوا الاثنان في نفس اللحظه
.
صمت قليلاً ثم أكمل : ايوا يعني كان سنه
.
ميان بمزاح : ٣٢
.
صدم حسن قليلاً ثم اكمل بمزاح : ده مجموعك في الثانوي
.
ضحكت ميان بصخب و أبتسم حسن لضحكها
.
حسن : فطرتي بقي ولا لسه
.
ميان بصدق : لسه
.
حسن : انا فطرت ، الحمد لله  .... افطرك
.
ميان بأستغراب : تفطرني ، قصدك ان انت الي هتحضر الفطار
.
حسن : يا بنتي ده الشيف الشربيني نفسه يشهد لأكلي
.
ميان بعدم تصديق : الشيف الشربيني مره واحده
.
استقام حسن : الله! دنا و هو صحاب كده توينز ، ده بيجي يسألني الأكله دي تتعمل ازاي و دي يحطلها اي
.
انهي جملته و هو يمد يده لها حتي تقف هي الاخري
.
وضعت يدها بيده ثم تحدثت :  لا دي وسعت منك اوي ،
.
كادت  ان تكمل و لكن صرخت بقوه عندما لم تستطيع الوقوف علي قدميها
.
امسكها حسن و ضمها لحضنه حتي يدعم جسدها لتظل واقفه : انتي كويسه
.
ميان بألم : معرفش شكل رجلي اتلوت
.
حاول حسن ان يحول الموقف لمزاح : أه اتلوت ، انتي مفكره بقي اني جينتل و كده و هشيلك و ادخلك جوه زي المسلسلات التركي
.
نظرت له ميان بحقن : ابعد عني
.
ابتعد حسن عنها قليلاً لكن هي لم تستطع الوقوف و كادت ان تقع فعاد حسن لأمسكها للحظات قبل ان يحملها بين يده
.
حسن بمزاح : انتي مش بتاكلي ولا اي يا حلوه ، يعني ولا كأني شايل كوباية عصير يا شيخه
.
ميان : شيل منغير تريقه لو سمحت
.
حسن : احنا هنتأمر و لا اي ، و النعمه اوقعك ولا يهمني انتي بنت مين فاهمه ، اسكتي خالص بقي
.
لوت ميان شفتاها : طيب
____________
في فيلا الحناوي
____________

خرج بلال من الحمام  و صرخ بأسم حبيبته بيسان فدخلت أحلام إلي الغرفه
.
توجه بلال  الي المرأه و هو يجفف شعره : خالتو ، انتي رجعتي
.
دخلت بيسان الي الغرفه  : نعم يا بلال
.
احلام : بلال بيه
.
نظرت بيسان لأحلام بحقن فأقترب بلال من بيسان :خالتي .  بيسان تناديني زي ما هي عاوزه براحتها
.
احلام : هتعود الخدم انهم ياخدوا عليك يا بلال و ده غلط
.
عاد بلال للمرآه : خير ، كنتي جايه ليه ، في حاجه حصلت لازم اعرفها
.
احلام : صاحبك كلمه و خليه يبعد عن بنتي
.
بلال بأستغراب : و انتي قلبتي علي حسن ليه
.

احلام :مهو لما يقرب علي بنتي ، يبقي بيستهبل و فكر نفسه حاجه
.
تنهد بلال حتي لا يغضب علي خالته و تحدث و هو يجاهد في عدم فقدان صبره : خالتي ، ده مش صاحبي ده اخويا
.
احلام بحقن : و ميان يا بلال
.
بلال بصوت عالي نسبياً : مالها
.
احلام : مش بنت خالتك و حبيبتك
.
نظر بلال الي عيونها مباشرتاً : بنت خالتي و اختي يا خالتي هزارك انتي و امي زمان كان مجرد هزار و  مجرد وهم وهمتوه لعيله صغيره
.
احلام : و انت هتلاقي احسن من بنتي فين يا بلال
.
نظر بلال لبيسان : انا لقيت يا خالتي و انتي عارفه انا لقيت مين كويس اوي
.
نظرت احلام لبيسان بكره و خرجت من الغرفه
.
امسك بلال يد بيسان : متزعليش يا عمري
.
بيسان : انت مش شايف اننا هنجرح ميان اوي
.
بلال بأسف : عارف والهي عارف ، علشان كده كنت مخبي ، بس الموضوع معاها كل ما بيطور يا بيسان ، و كمان مش ساعة ما خالتي لاحظت نظراتي ليكي و اعجابي بيكي و هي بتعاملك زي الخر و انا مستحملتش ده عليكي
.
شدها لحضنه حتي يزرع في قلبها الطمأنينه
.
____________
في فيلا الألفي في المساء
.
ميان بخوف : يعني انت مش داخل السجن ظلم زي ما بلال فهمنا ، انت قاتل
.
ابتسم حسن لرؤية هذا الخوف في عيونها : اه قاتل و شرير كمان
.
ابتلعت ميان ريقها برعب ثم وضعت هذا العصير الذي بيدها علي الطاوله التي امامها و ابتسمت بخوف : طيب انا زمان ماما قلقانه عليا اوي
.
ضحك حسن بصخب : اقعدي اقعدي ، بهزر ، انا بهزر
.
فضحكت ميان هي الأخري : طب و انت هتعمل اي مع اخواتك دلوقت
.
حسن : ولا حاجه  ، هنفذ الي في دماغي ، غصب عنهم كلهم
.
ميان : مهو كده ممكن يدخلوا معاك في محاكم بقي علشان دي ورثكم كلكم
.
حسن : مظنش ان المشاكل بينا توصل للمحاكم يا ميان
.
ميان : هتبدأ أزاي بقي
.
تنهد حسن بتعب : والهي الموضوع عند بلال ، هيشوفلي ناس تشتغل معايا
.
ميان بتفكير : طب ما الناس دي عاوزه مرتبات و انت لا مؤخذه يعني بتقول ان ابوك مش سيبلك غير كام ألف في البنك
.
حسن : مهو بلال هيشوفلي ناس هاديه كده فاهمه و كمان شرف ليهم انهم يشتغلوا في شركة الألفي
.
ميان : طب مستجدع معايا و تشغلني معاك
.
وضع حسن قدم علي اخري : مؤهلك اي بقي
.
نظرت ميان له بتصنع القرف : انت هتتعنتظ عليا انا دنا معايا بكلريوس تجاره أضرب اكبر كبيره بيها
.
تصنع هو الاخر الأشمأزاز : بكلريوس. و متعنتظه  اوي
.
اردفت ميان و كأنها تذكرت شئ مهم : صحيح مش ناوي تكمل تعليمك
.
صاح حسن : لا يا ختي ، مش مكمل كفايه عليا اني كملت الثانويه و انا في السجن
.
ميان : كان مجموعك كام يا حسن
.
حسن بحزن : 98%ونص
.
ميان بخضه : يا نهار اسود ده انت كنت من الأوائل بقي  عملتها ازاي
.
حسن : كان عندي وقت فراغ
.
ميان : حسن
.
حسن : نعم
.
ميان : انت كويس أوي من جوه و محدش ملاحظ

(كن مع من يقدرك ، و يعلم ما بداخلك بدون ان تظهره)

.
اساتذه في الحب
.
أيه البدري