بارت 15
.
.
.
.
في الليل صحت سِهام قبل بدر ولقت جوالها كله اتصالات من رولا طلعت وكلمتها
سِهام: شفيك صاير شي؟
رولا: صح النوم ناسيه اليوم ايش؟
سِهام: وشو
رولا: اليوم انا جايه وجيت انا وخلصت والحين ببيتي انا بروح ل امي
سِهام: اييي صححح ليش ماذكرتيني
رولا : احسبك متذكره
سِهام : زين زين يلا جايه
التفتت رجعت تبي تصحي بدر لكن لقته صاحي
سِهام : اوه صحيت
بدر: اي ليش ماصحيتيني
سِهام : طلعت اكلم رولا عشان ما ازعجك
بدر : زين
راحت رولا تلبس وتخلص
بدر : وين تبين
سِهام : اي امانه ابيك توديني عند امي رولا بتجي وفي عشاء عند ابوي بعد
بدر : اييي نسيتت امس عمي قال لي
سِهام: ماشاءالله علينا كل واحد ناسي يلا خلص بسرعه عشان نلحق
بدو يتجهزو وخلصو وركبو السياره اتصلت رولا على سِهام
رولا : اسمعي
سِهام: هلا
رولا: ترا بنام عند امي نامي معي نبي نجلس ونسولف مع بعض منزمان عنك
سِهام : زين اشوف وضعي
سكرت رولا و سِهام
سِهام: بدر
بدر : هلا عيني
سِهام: بنام عند امي رولا بتنام وبجلس معها منزمان عنها
بدر: تونيي ماشبعت منك ابيك عنديي
سِهام: تكفى بس اليوم وبكرا بتاخذني
بدر: اههخ ياقلبي تعرفين تجيبين راسي تم خلاص نامي
سِهام : كفوو
ضحك بدر عليها
وصلت سِهام لبيت اهلها وحصلت ريفان والبنات وام سلمان ورولا
سلمت عليهم
ريفان : وجع تسحبين علي وتروحين مع بدير وتتركوني عندي هتان ورفيف
سِهام: والله حتا انا ماكنت ادري قال امشي بوريك شي وصدمني
ريفان : اليوم بتنامين عندي
سِهام: نوو بنام هنا عند رولا
ريفان: يووه وجت رولا بعد كلهم تدلعينهم وتجين عندهم وانا لا
سِهام: بالله ماتملين مني من وحنا صغار ننام مع بعض مامليتي؟
ريفان : وجع والله ما امل
جلسو يسولفو ويضحكو بعد ماخلص العشاء اتصل بدر ب سِهام
بدر: تكفين اطلعي بحضنك قبل لا تروح
سِهام: مقدرر رحت غرفتي فوق ومافيني حيل انزل
بدر: تكفينن عشانيي
سِهام: يلا الشكوى لله
نزلت سِهام وحضنها بدر حضنن كأنه بيروح ولا يرجع
بدر: شرايك تغيرين قرارك والله ابيك
سِهام بضحك: حتا انا ابيك لكن بجلس مع اختي منزمان ماشفتها من قبل لاتروح بكرا بأذن الله تشوفني وبقعد معك لمن تمل
بدر: صدقيني مابمل ، يلا استودعتك الله بروح انا
سِهام: الله معك
رجعت سِهام لرولا
رولا: روحي معه ازين واسحبي علي
سِهام: والله يلا قدام
رولا: اخس طلعتي جحود
سِهام: الحين لو قلت لك روحي مع محمد واتركيني تروحين
رولا: والله شوفي هو يمكن اكيد
سِهام: وتقول بعد انا جحود
جلسو يسولفو مع بعض قاطعهم دخول فهد
فهد: الله تجمعتوو اخيراً
سِهام : اشتقت لنا ؟
فهد : اوفف مرههه
رولا: حبيبي اخوي مب ذي مخيسه
سِهام: افا انا
حضنهم فهد : كلكم حبيباتي
جلس فهد معهم
فهد: اسمعو بقولكم شي ي اخواتي العزيزات
رولا وسِهام : احمم
فهد : الله يسلمكن انا ودي تخطبون لي مع امي بنت انا احبها
سِهام: اخسس طلعتت تحب من ورانا
رولا : ايوه من ذي تعيسة الحظ اوه قصدي سعيدة الحظ
فهد : لاتستهبلون اكلمكم جد انا
سِهام : ايوه مين هي
فهد : وحده عرفتها واسمها رنيم واعرف كل شي عنها بس ابيكم تخطبونها لي
رولا: تممم
سِهام: بس قول لنا وين هي وش اسم امها وكلهم وبنقنع امي
فهد: كفووووو هذولا الخوات الحلوات
سِهام: مصلحجي الاخ
فهد: يعني تقولين
ضحكو وجلسو يسولفو وينبسطو مع بعض
صحت سِهام الصباح على اتصال ريفان
ريفان : صباحح الخيرر
سِهام: صباح النور
ريفان: للحين نايمه؟
سِهام: مانمت الا متأخر ليش فيك شي؟
ريفان: بتجلطيني ؟ الجامعه مابقى لها شي امشي معي بروح اقضي للجامعه
سِهام: يوهه مالي خلقق ماينفع اتركها وبعد سنتين ارجع اكمل
ريفان : قومي لا اعلم بدر الحين عشان يخليك تداومي حتا الجمعه
سِهام: يلا بجهز واقولك
راحت سِهام تجهز وراسلت بدر
سِهام : بدر صاحي؟
بدر: اصحى لعيونك امري حبيبي وش بغيتي
سِهام: مابي شي بس حبيت اعلمك انه بروح مع ريفان بنقضي للجامعه
بدر: بوديكم انا
سِهام: لا ارتاح انت
بدر: ارتاح اذا شفتك
اخذهم بدر وراحو يقضو للجامعه
ريفان: يوهه باقي اشياء كثيره
سِهام: لاتفرين فيني كثير لا ادوخ ترا جايتك من فراشي
بدر: ما اكلتي!
سِهام: لا مالي نفس
بدر: بعضكككك انتي وذيي الكلمه ابي يجي يوم وتقولين اي جوعانه
سِهام : بعدين اذا خلصنا اكل وبقولك اي جوعانه
بدر : لا امشي باخذ لك شي تاكلينه عشان ماتدوخين
ريفان : روح انت وسِهام وانا بكمل
بدر : امشي معنا اقول تاكل سِهام وترجعون تكملون
ريفان : يايي تراني مب بزر
بدر : ياربي طولك ياروح امشي اقول
ريفان : افف طيب
راحو مع سِهام واكلت لها كم لقمه وراحت الدوخه ورجعت كملت هي وريفان خلصو ورجعو البيت
طبعاً بدر اخذ سِهام بيتهم عشان تحط كل اغراضها بالغرفه الي هو مسويها حاط لكل واحد فيهم مكتب وكمبيوتر وهو حط اغراضه بس باقي سِهام تحط اغراضها
سِهام: الله حسيت ابي ادرس الحين
بدر: اي اي بس يجي هالشغف شويتين بعدين سنتين يختفي
سِهام: صح عليك
راحو ينامو لكن صحو كلهم على اتصالات جوالاتهم سِهام كانت تتصل عليها ام سلمان وبدر ابو سلمان
ردت سِهام : هلا خالتي
ام سلمان : بسم الله عليكم فيكم شي؟
سِهام: لا انتم فيكم شي؟
ام سلمان : ناظري الساعه كم
سِهام: 6:30 المغرب
ام سلمان: بسم الله عليك حبيبتي 6:30 الصباح خوفتونا عليكم نحسب صاير فيكم شي لان سألنا ريفان قالت اخر شي شافتكم معها الصباح امس
سِهام بضحك مصدوم : امااا يعني راحت علينا نومهه وشسمه ماعليك حنا بخير مافينا الا العافيه
ام سلمان : دوم ي عيني انتم كملو نومتكم بس حبينا نتطمن عليكم
سِهام : زين ي عمري
سكرو المكالمه ولفت سِهام تناظر وجه بدر وبدر يناظرها كذا جلسو ثواني هدوء وكل واحد يناظر الثاني بعدين فطسو ضحك
بدر بضحك : تكفينن وش هذي النومهه ولا تقولين بكل ثقه 6:30 المغرب
سِهام بضحك : انا ايش عرفني احسب بس نومه عاديه نفس نومتنا المعتاده
جلسو يضحكو على بعض وعلى نومتهم الطويله
.
.
.
.
يتبعع
