بارت 9
.
.
.
في الصباح
بدر صحى لقا سِهام صاحيه قبله
بدر : صباح الخير
سِهام : صباح النور
بدر : سِهام تعالي بكلمك
راحت سِهام له
بدر :سِهام انا اسف على كل غلط غلطته بحقك واتمنى نفتح صفحه جديده وان شاء الله بتعدل
سِهام ماكان ودها تتهاوش معه وتطول الموضوع وهم توهم ببداية حياتهم : تمام
بدر : طيب سِهام انا ودي اني اروح مكه تجين معي
سِهام الي حست انها منجد ودها تروح لعند بيت ربها تشكي له كل شي
سِهام : اي بروح معك
بدر : زين اجل انا بحجز تذاكر اليوم
بدت سِهام تجهز شناطهم
وراحو مكه اول ماوصلو نامو من التعب ومن بكرا راحو الحرم
بدر : هاتي يدك عشان ماتضيعين وبدو يطوفون ويسعون وصلو وبدا كل واحد يدعي ان ربي يكفيهم شر الزواج ذا ويعطيهم خيره ويوفقهم ولما خلصو رجعو الفندق
وجلست سِهام بتردد تقول له انه يقص شوي من شعرها عشان تتحلل من العمره ولا لا بعد تردد كبير قررت تقول له
سِهام : بدر عادي تقص شوي من شعري عشان اقدر اتحلل
بدر : طيب تعالي
قص بدر شعر سِهام وبعدها ماصار اشياء كثيره ماطولو راحو من بكرا للرياض
.......••.....
بيت ابو سلمان
دخلو بدر وسِهام اول مادخلو لقو هتان يضرب ريفان
هتان : انا كم مره اقولك لاتجيني وانا اكلم ماتفهمين ماتعرفين تسكتيننن
بدر بصراخ : كسر ان شاء الله خير واذا تكلمت امش امش قدامي
ريفان ركضت تحضن سِهام وتبكي : سِهام خلاص تعبتت منه كل يوم يضربني مدري وش فيه بس يجلس يكلم وانزل انا اغني وما ادري انه موجود ويمسكني يضربني سِهام تكفين خذيني معك بيتكم
سِهام : ي قلبي انتي من عيوني امشي البسي عبايتك وتعالي
راحو سِهام وريفان بيت ابو فهد
......••.....
عند ابو فهد وام فهد
دخلت سِهام عليهم
سِهام : السلام عليكم ياحلوينن
ابو فهد فز من مكانه : هلا هلا بحبيبتي
ام فهد : ياهلا ببنيتييي
سِهام : ياهلابكم
سلمت عليهم هي وريفان وراحو غرفتها
جلست ريفان تحضن سِهام وتبكي لمن نامت بحضنها
........••......
عند هتان وبدر
مسك بدر هتان مع تيشيرتهه
بدر بصراخ: مسوي رجال يالرخمه تضربها عشان ايش هاهه عشان ايشش
هتان : فكني ولاتسوي كينق فوق راسي
صفقه بدر كف
بدر : انا تقول لي كذا الظاهر انت ماينفع معك الاسلوب الزين اسمع ياهتان ان ماتعدلت اني لا امسكك واتوطا في بطنك اخليك تعرف الضرب صح ويدك ان شفتها تنمد على اختك بكسرها لك فاهمم ؟
هتان بخوف من بدر لانه يعرف لو بدر عصب مره بيموته : طيب
بدر : هات جوالك ويلا على غرفتك
هتان : ب اي حق تاخذه مافيه ماني معطيك ياه
بدر : اقول عطني ياه هاللي خربك وصرت تمد يدك على اختك
هتان : ماراح اعيدها بس ماتاخذه
بدر : اقولل هاته
تأفف هتان بغصه واعطاه جواله وراح غرفته
طلع بدر لقا ابوه قدامه وسلم عليه
ابو سلمان : وشفيكم
بدر : يبه انت ليش ساكت لهتان وهو كل وقته مصفق ريفان
ابو سلمان بصدمه : وشووو!!!!!
بدر : اي والله دخلت وهو ماسكها يضربها عشانها تكلمت وهو يكلم واصلاً دقت علي وانا برا تبكي منه ضربها ضرب ليش ماعلمتك ب شي
ابو سلمان بعصبيه: وينه قليل الخاتمه انا اوريك فيه
بدر : انت هدي يايبه انا سويت الواجب وانت امسك هذا جواله سحبته لاترجعه له الا لمن يعقل
ابو سلمان : عشت
........••....
عند سِهام وريفان
ارسل جوال سِهام الا بدر
بدر : وينك انتي وريفان
سِهام : عند امي وابوي
بدر : امشو ارجعو
سِهام : اصبر ريفان توها نامت من التعب والبكي لا قامت بنجي
بدر: طيب
......••......
رجعو بيت ابو سلمان الصباح وكانت سِهام مب نايمه وتعبانه مره
وراحت ودت ريفان غرفتها وراحت غرفتهم ونامت
قومها بدر العصر قريب للمغرب
بدر : سِهام سِهام
سِهام : هممم
بدر : يلا قومي شذا النوم ريفان من اليوم تطق الباب تبيك
سِهام : خلني انام تعبانه
بدر بخوف : فيك شي؟ اوديك المستشفى
سِهام بنوم: لا بس تعب نوم خلني انام ولاقمت تلقاني كويسه
تركها تنام وقامت ف الليل لقت ريفان قدامها
سِهام : بسم الله الرحمن الرحيم وشبك انتي
ريفان : قومي قومي لا اعضك الحين ترا مخاطره بحياتي وجيتك
ضحكت سِهام : الله واكبر يالمخاطره ترا كلها دور درجتين وجيتيني كيف مخاطره
ريفان : لا بدر يقول لاتزعجونها تعبانه بتنام وانا دخلت بدون علمه واذا درا بيصفقني ف يلا قومي وقولي انك قمتي من نفسك
سِهام : هممممم افكر
راحت سِهام وصلت وخلصت وبدلت ملابسها ونزلت عند ام سلمان وابو سلمان هي وريفان
سِهام: السلام عليكم
الكل : وعليكم السلام
راحت سِهام وسلمت عليهم وجلست تسولف معهم ومع ريفان قاطعهم دخول بدر
جلس بدر بجنب سِهام وريفان
بدر : ماشاءالله متى صحيتي
سِهام مسكت ضحكتها عشان ماتبين ان ريفان هي الي قومتها : من شوي
بدر : هممم ماقومك احد؟
سِهام ناظرت ريفان بضحك : لا ابد
بدر عرف ان ريفان هي الي قومتها وحب يستفز ريفان : متأكده؟
ريفان :يووه تحقيق انت خلاص من شوي صحت من نفسها
بدر ضحك : ياخي ماتعرفين تكذبين
ريفان تخبت ورا سِهام : طيب انا قومتها
بدر بمزح : اجل بتنجلدين
ريفان : سِهامم دافعيي
سِهام بضحك : بوجهي خلاص
بدر ماقدر يسوي شي وجلس يضحك
.
.
.
.
يتبع
