بارت 23
.
.
.
.
من بكرا الصباح صحى بدر وصلى وبدل ملابسه وتطمن على سهام النايمه وراح لأمه
دخل بدر على امه حصلها صاحيه
بدر : صباح الخيرر
ام سلمان : صباح النور والسرور ياعيوني
بدر : اخبار الحلوه
ام سلمان: بأفضل حال
بدر : ياجعله دوم ، اي يمه بقولك موضوع بس ماتفهميني غلط زين؟
ام سلمان : والله قلته الجيه من الصباح وراها شي قول وش بغيت ياعمري
بدأ بدر يقول لها كلل شي
ام سلمان: اوريك فيها كل شي ولا بنتي سهام انت انتبه لها ولاتفرط فيها والله ياويلك ان تركتها
بدر: بعيوني بحطها بس تكفين يمه خليها تبعد عنها امس جتها حالة انهيار وما نامت الا وهي حاطه كريمات الحروق كلها محترقه من زينبوه واي يمه ان ماسويتي شي علميهم بس اني لا اطلع حق الرصاصه الي دخلها ابوها بكتفي ببنته
ام سلمان: ابششرر بس خل يجي الليل وانا اوريك فيها
بدر: ياعيوني يا امي الله يخليك لنا ولا يحرمنا منك
ام سلمان : امين ولا يحرمني منكم
ودع بدر امه ورجع بيتهم وحصل سهام نايمه بتعب رجع حضنها ونام معها
بعد ماصحت سهام المغرب حصلت بدر ماسك يدها ونايم فكت يدها بشويش وراحت تصلي وتبدل وتبي تاخذ مسكن لان تحس راسها بينفجر من الالم
اكلت مسكن وصلت وخلصت ونزلت عند ليندا تسولف معها بعدين راحت المجلس تتفرج مسلسلها كانت تتفرج بهدووء تام الا يوم دخل بدر مخروش ووجه مقلوب وقفت سهام مسلسلها وتكلمت: وشفيك بسم الله
بدر الي تنهد براحه لانه خاف انها راحت وتركته : مدري بس صحيت خايف بنام على رجولك وانتي كملي مسلسلك
نام بدر على رجول سهام وكانت تتابع ومندمجه وهو ماسك يدها وماتقدر تحركها لان شافت قد ايش وجهه تعبان مره وماتبي تخرب نومته
صحى بدر وحصل سهام طالعه من عنده وحاطه له مخده تحت راسه ومغطيته
طلع فوق يبدل ويغسل وجهه بعد ماخلص ونزل ماحصل سهام كانت صدق مب موجوده
طلع الحديقه يدورها بالصدفه التفت حصلها جالسه عند المسبح تناظره بهدوء جاها بدر وحضنها من ورا وجلس جنبها
بدر: وينك كنت ادور عليك
سهام: شفت المسبح يفتح النفس والجو حلو قلت بجلس هنا عبال ماتصحى
جلسو يسولفو مع بعض
.....••.....
عند ام سلمان وام زينب
ام سلمان : ياوخيتي تدرين اني اعزك واحبك ويعلم الله مقامتك عندي لكن بقولك شي مضايقني
ام زينب : افا وشفيك ياعمري وش الي مضايقك
ام سلمان: كلنا ندري ان زينب تحب بدر من وهم صغار لكن قلنا بتعقل وبدر كان مايبيها لكن الحين بدر تزوج وقلنا اي خلاص عقلت لكن اشوفها الحين تعذب فزوجته! ليه كذا ليه كل هالحقد تدرين يا ام زينب بغلاة سهام عندي وما احب احد يضرها وانتي بعد تحبينها وتغلينها واكيد ماترضين بنتك تسوي كذا فيها
ام زينب : اكيد ما أرضى عليها وش مسويه بس علميني
ام سلمان: اولاً حرقتها بعرسها كبت عليها القهوه خلتها تنزف عروس محروقه رجلها وكبت عليها المويه الحاره واحرقت جلدها البنت جتها عقده نفسيه صارت تكره شكلها من بعد الحروق وماتبي احد يشوفها عشان تحس انها تشوهت لكن بفضل الله ثم بدر حصل لها كريم يشيل الاثار وبعد مارجع بدر كذلك احرقتها وعاد امس سوت كل شي فيها هو حرق هو ضرب هو دق في الكلام هو عض البنت ماتستحمل والله يا ام زينب ان البنت ساكته عشاني وعشان بدر وماتبي تضيق صدورنا يوم شافتنا مبسوطين امس
ام زينب : ياعيني عليها العذر والسموحه وانا اختك مايصير خاطركم الا طيب ابشرو باللي تبون فيه اوريها ماعليك
ام سلمان:ابد بس امسكيها عن البنت ترا والله جايني بدر خلاص البنت من كلام بنتك لها وفعايلها منهاره وترا والله انه جايني يحذر يقول ان ماسويتي شي يا امي بروح واتصرف واقول لأبوها واطلع حق الرصاصه الي دخلها بكتفي ببنته
ام زينب : ابشري ماعليك اوريك فيها يلا انا استأذنك
......••.....
بيت ابو زينب
وصلت ام زينب البيت
ام زينب: زينبب زينبب ووجع
زينب : شفيك يمه
مسكت ام زينب زينب مع شعرها : انا قلت البنت عقلت وصارت كبيره ماتسوي حركات خايسه
زينب: وشفيكك ماسويت شي
ام زينب : اي ابدد ماسويتي شي وسهامم الي ماخليتيها تتهنى!!!
زينب : يمهه تستاهلل ماخذه الي احبه
ام زينب : ياجعله يحبك قردٍ حول
دخل عليهم ابو زينب : وشفيكم
ام زينب : تعال شوف سوات بنتك
زينب مسكت يد امها عشان ماتقول لأبوها لكن امها قالت لأبوها كل شي
ابو زينب بعصبيه مسك شعرها: تبينهه يذبحنيي ويسحبني بالمحاكمم والشرططهه وفوقق هذاا تعذببين بزوجتهه تبين اذبحكككك!!!
زينب ببكاء : يبهه ياخي مقدرر
ابو زينب: قص يقص ذا اللسان تبيننن يسحبنييي بالمراكز عشان الرصاصه الي كنت بذبحه فيها وفوق هذا بزوجتهه لا واضحح ياحظييي ببنتي الي ترضى على ابوها المذله عشان مسمى تافه اسمه حب وفوق هذا تحبب واحدد متزوجج وتبي تفرق بينه هو وزوجته!!!!!! هذي تربيتيييي؟؟؟
زينب: لا تربيتك والزين فيها لكن يبهه انا ابيهه
مسكها ابوها مع شعرها وضربها بالعقال
ابو زينب: تقولينهاا بكلل وقاحهه!!! تبين تجلطيني ابوككك قدامكك ماتحشمينههه اييي وضحت تربيتي تبيني انذل بالمحاكم والشرطه صدق ماعرفت اربيكك هذا وانا فرحان فيكك انك اول ضنى ليي!! تسويينن كذا! يالييتك ماجيتي اذا انتي بتسوين فيني كذا
راح هو وامها غرفتهم وتركوها غرقانه بدموعها شالت نفسها زينب وراحت غرفتها تدعي ربها يكفيها شر هذا الحب
.....••.....
عند سهام الي كانت جالسه تاكل هي وبدر
اتصلت عليها ريفان
سهام : همم
ريفانن : بقولك بشاره بس تعطيني مقابل
سهام : الي تبين بس قولي
ريفان : امي علمت خالتي على زينب وراحت خالتي من شوي تتوعد فزينب
غصت سهام
بدر: بسم الله اشربي ماء
شربت ماء وهدت ورجعت تكلم ريفان : تكذبييننن قولي والله
ريفان : قسمم بالله سمعت كل شي قالوهه اوففف ياخيييييي مبسوطططههه مرههههه
سهامم: مببب كثررييي اففف والله صدق تبشرين باللي تبين عشان ذي البشاره الي تجنن
ريفان : ليت امي متكلمه منزمان
سهام بضحك: يلا طيب اخلصي قولي وش تبين
ريفان : احمم تطلعيني تعشيني بكرا ونروح نلعب وننبسط وناخذ هيا معنا
ملاحظه! ( هيا هي الي اعجب فيها هتان)
سهام : تم تم تم
ريفان : يلا اجل اشوفك بكرا
سكرو الخط والتفت بدر على سهام
بدر: وشفيكم
سهام: انت قلت لخالتي صح؟
بدر : اي
سهام : بس ريفان علمتني ان خالتي علمت امها وامها تتوعد فيها وبكرا بطلع ريفان وبنطلع مع صديقتنا الي يبيها هتان
بدر باس راسها : اوفف خبر يجنن واطلعو بكرا وين ماتبون بعد
سهام: كفووووو
.....••.....
عند زينب الي بعد ماصلت وخلصت جلست تفكر وتقول بينها وبين نفسها صح كلام ابوي الرجال متزوج وانا ااذي زوجته وابوي دخل رصاصه فكتفه وكان بيموت وانا صامله احبه واذي زوجته وهو بلحظه بيسحب ابوي بالمحاكم مستحيل اخلي ابوي يصير له كذا
جلست تفكر وتفكر لمن نامت
.......••.....
من بكرا راحو ريفان وسهام وهيا يتعشوا وينبسطو
بعد ماخلصو عشاء
ريفان:مشينا نروح نلعب
هيا: قدامم
سهام : يلا امشو
راحو يلعبو ويتسوقو وينبسطو وهم في المول اتصلت رولا على سهام
رولا : هاييي
سهام: هلا والله
رولا: كيف حالك
سهام : تمام الحمدلله وانتي ياعيوني
رولا: بخيرر ، اسمعي ابي اطلب منك طلب ولاترديني
سهام: ابشري قولي وش بغيتي
رولا : بخلي هيام عندك وبنسافر انا ومحمد اسبوع ونرجع
سهام : ياراسي انتم تروحون تنبسطون وانا ابلش ببنتك
رولا : يلاا تكفينن
سهام : افف طيب خلاص جيبيها
رولا : وينك انتي الحين
سهام : طالعه
رولا : اجل ارجعي حنا قريبين من بيتك
سهام : تمام
سكرو الخط وراحت سهام لريفان وهيا
سهام : بنات تراني بروح البيت توصون شي؟
ريفان: وينن تو الناس
هيا : شفيك مستعجله
سهام : رولا بتجيب بنتها وبتروح وبتخليها عندي
ريفان: زين ي عيني انتبهي لنفسك
راحت سهام لبيتهم وحصلت رولا
رولا: اييووهه يلا هيام ازعجي خالتك وانا خليني انبسط
سهام: اي بتلقينها عند الباب
رولا: يمه بسم الله على بنتي
ضحكت سهام عليها : يلا انتبهي لنفسك ياعمري
دخلت سهام وحصلت بدر يتابع وكانت ماسكه شنطة هيام وهيام
فز بدر بخوف: يمه من ذا الي بيدك
سهام حبت تمزح عليه: ولدي
بدر الي جلس يناظرها بصدمه: ها وش تقولين
سهام بضحك: هيام هيام شفيك صدقت
بدر : افف وربي انخرشتت
سهام: بسم الله عليك
بدر: ليش جايبتها
سهام : الله يسلمك رولا بتسافر اسبوع وبتتركها عندي
بدر : زين هاتيها وروحي فكي عبايتك
اخذها بدر وجلس يلعب معها
.....••.....
بيت ابو سلمان
رجعت ريفان وكانت مبسوطه
هتان : شفيك طولتي
ريفان: اشتقت لي!
هتان: يع بس ليش تأخرتي
ريفان: كنت مبسوطه انا وهيا وخذانا الوقت
هتان فز اول ماسمع اسمها: ليشش ماخليتني اجي معك اذا هي بتجي
ريفان: وين اخذك كلها طلعة بنات بعدين طيرر ماراح تشوفها لو تنط
هتان : اففف وربي لا اقول لأمي تخطبها بكرا
ريفان : شفيك صاير بزر
بزر اي بمعنى: طفل
هتان : لاحسيتي بشعوري تعالي تكلمي
ريفان: الله يعينك ياهيا
ركض هتان لأمه
هتان: يمهه
ام سلمان: وجع وشفيك
هتان: يمه تكفيينن اخطبيها ليي شوفي خلاص خلصت جامعه وبكمل شغل مع ابوي
ام سلمان: اصبر ماقلت لأبوك
هتان: يمهه تبين تجلطيني تكفينن قوليي له
ام سلمان: خلاصص لا تزعجني بقوله
.
.
.
.
يتبعع
