بارت 33
.
.
.
.
من بكرا البنات كانو كلهم بالمطبخ يشتغلو ويسوو الفطور ويضبطو كل شي
وخلصو بدري وراحت سهام تصحي بدر عشان يلبس ويتجهز خلصو بدر وابوه واخوانه وتجهزو وطلعو للضيوف
وهم جالسين يضبطو الفطور للرجال ويدخلونهم ويرحبونهم شافو بدر وهتان ابو خالد
هتان: بصفقه ب اقرب شي عندي
بدر: اهجد ترا حتا انا ودي اصفقه بس والله عشان ابوي شوف كيف فرحان مابي اخرب فرحته ف امسك نفسك وتجاهله
هتان: طيب
خلصو الرجال فطور وشالو العيال الفطور وبعدها بشوي جلسو يتقهوو الرجال وبعد مده راحو الا ابو خالد وكم رجال
ابو خالد بصوت مرتفع: الا يا ابو سلمان بدر وشفيه للحين ماجاب ولا ليكون تعبان
ناظروه بحده كلهم
ابو سلمان : افا يابو خالد وش هالكلام الولد مافيه الا العافيه بس مايبي وجع الراس الحين توه
بعد مده طلعو الرجال الا ابو خالد
كان ابوسلمان داخل والعيال برا عند ابو خالد
ابوخالد: الا ياهتان وش عندك تتزوج وتترك ماعقلت انت
ناظره هتان بحده : وش دخلك
ابوخالد: احترم نفسك ياولد ماتعرف الادب
هتان : لا اعرف الادب لكن ما استخدمه مع ناس يحبون يتدخلون بكل شي ولايحترمون احد
ابو خالد: الله يعين ابوكم بس عليك انت وهذا ( قصده بدر ) ولا سلمان ازينكم
تجاهلوه العيال وجا بدر بيقوم وشدت رجله بقوه وصرخ بألم
ابو خالد : يارخمه تصرخ عشانك وقفت بس
ناظره بدر بحده : انت ورا ماتسكت لااجي اتوطا في بطنك
ابوخالد بضحك: هذا ان فيك حيل يا الأعرج
هتان فز بعصبيه وراح له : ماتسكت ولا اعلمك كيف تسكت
ابوسلمان : بس ياولد
انسحب هتان واخذ بدر هو وسلمان ودخلوه عند سهام
سهام: بدر وش الي يوجعك
بدر صد بضيق ونزل راسه وجلس يهمز رجله
راحت قدامه سهام ومسكت يدينه: بدر ياعمري وشفيك وش الي مضايقك
بدر: مافيني شي روحي مع البنات خليني لحالي
سهام: مابخليك قول لي وشفيك
بدر ماتمالك نفسه وحضنها ودمع ودخل راسه بكتفها
سهام: بسم الله عليك ياروحي وشفيك قول لي
بدر: احس كلماته بقلبي سكاكين
سهام: مينن
بدر قالها كل شي وهو اوجعته كلمات ابو خالد ( ليكون تعبان، هذا ان فيك حيل يا الأعرج )
سهام : لايهمك ياروح سهام بنجيب احلى ولد او بنوته لنا واذا عشان رجلك بتتشافى قريب ياقلبي وبتدعس عليه برجلك
بدر بضحك : لايسمعك ابوي يجلدنا ثنيننا بيقول عرفت من تشجعك
سهام: اكيد بشجعك عليه ذا الخايس
جلست سهام تواسي بدر وتغير جوه
في الليل وقت العشاء كان ابو سلمان مسوي خيمه برا عشان يجتمعو فيها الرجال والحريم داخل في البيت
كانو العيال يتجهزو ببيتهم ويخلصو وطلعو كلهم وراحو يضبطو القهوه والدلال بالخيمه خلصو كل شي وبدأو يجو الرجال ويقهوونهم كان بدر وهو يقهوي حس بألم شديد بكتفه لكن شد على نفسه لمن خلص وراح للبيت ياخذ مسكن ويخلي سهام تهمزه له شوي ويرجع
وهو رايح طق الباب ركض جاه مجود
مجود : هلا عمو
بدر: حبيبي ناد سهام بسرعه
راح مجود ينادي سهام وجت سهام
سهام: هلا
بدر: شوفي لي طريق بدخل الغرفه بسرعه واطلع
سهام: طيب
شافت سهام لبدر طريق وهو داخل جت بنت تركض تنادي سهام ووقفت قدامها شافها بدر ونزل راسه
سهام : وشفيك ارجعي شوي
البنت راحت داخل وبدر دخل غرفته ومعه سهام
بدر: اعوذبالله من هذي ماعلمتيها اني بدخل
سهام: لا ماسمعتني وهذي بنت ابو خالد
بدر انصدم لان ماتوقع بنت ابو خالد كذا هو خايس وبنته هذي جميله شوي
سهام: اي وش بغيت
بدر بتلعثم: هاه ايه ابي مسكني القوي مره كتفي يوجع
سهام: لا بالله مابعطيك القوي مره خذ ذا زين
بدر : والله سهام وراي مشوار كثير وكتفي يوجعني من شيل الدله ورجلي توجعني من المشي ف خليني اكله وبرتاح
سهام: طيب امسك
اكل بدر مسكنه وجلس شوي وبعدها طلع
كان بدر طوال الوقت يناظر ابو خالد بصدمه هو غير وبنته غير فرق شاسع
لاحظ ابوسلمان نظرات بدر
ابو سلمان : بدر تعال
بدر: سم يبه
ابوسلمان: خف نظرك على ابو خالد ولاتسوي شي مايرضيني لاازعل عليك
بدر: ابشر
راح بدر لأخوانه وكان يشتغل معهم وللحين البنت في باله يفكر فيها
.....••....
عند البنات
لاحظت ريفان شرود سهام
ريفان: يالحب وشفيك
سهام: تعالي بقولك
ريفان: شكله في حماس
سهام: شوفي من شوي يوم جا بدر جت ترف ( بنت ابو خالد) وطلعت بوجهي وانا وراي بدر وبدر جلس يسأل من ذي ياخي ريفان والله اني خايفه
ريفان: يعع امشي نصفقها
راحت سهام وشافت ترف تتعدل قدام المرايه دفتها وطاحت على خشمها والتف وانكسرت سنها الي قدام
وجت ريفان مسويه انها بتساعدها ودعست على رجلها
ريفان: بسم الله فيكك شيي صار لك شي
سهام: قومي قومي هاتي يدك
سهام قومت ترف وترف جلست تبكي واخذت امها وطلعو لبيتهم
وسهام وريفان يضحكون بفخر
،
،
خلصو عشاء وراح كل واحد بيته وخلصو كل شي
....••....
عند بدر الي كان منسدح بحضن سهام وسهام تهمز له كتفه
سهام: تخيل وش صار لبنت ابو خالد اليوم
فز بدر و عدل جلسته
بدر: وش صار
سهام بكذب مع الأشياء الي سووها: كانت تاكل وطاحو سنونها التركيب تخيل وهي ترقص طاحو خصل من شعرها التركيب وهي تمسح فمها نص الميكب صار بالمنديل وماتعرف تمشي بالكعب وطاحت وانكسر كعبها وطاحت على خشمها وانكسر وجلست تبكي وكانت راح تنعمي من العدسات وفكتهم ولبست عبايتها وطلعت هي وامها
بدر الي انصدم: اح كل ذا طلعت كلها تركيب
سهام : ايهه
رجع بدر انسدح بحضن سهام وجلس يفكر بترف
بدر كان راح ينادي سهام لكن قال : ترف
سهام وعيونها طايره: وشوو
بدر بتصريفه: صح اسمها ترف؟
سهام: ايه
بدر: اذكرها خايسه من وحنا صغار
سهام ابعدت بدر وجت بتطلع
بدر: وين وين
سهام: بروح وارجع
راحت سهام عند ريفان وحضنتها وبكت
ريفان: يمه وشفيك
سهام: تخيلي نادانيي بأسمها!! وقالك بيصرف الموضوع قال اسمها ترف صح
ريفان: وجعهه خيرر شفيه ذا بروح اخنقه معها
سهام: بجلس عندك اليوم خليه هو يفكر فيها الي ماخذه عقله
جلست سهام عند ريفان ونامت عندها جاهم بدر يصحيها
ريفان: اتركها
بدر: خير ابيها عندي
ريفان: ايه لاشلت ذيك من بالك تعال قول ابيها عندي
بدر: وش تخربطين انتي تسمعين وش تقولين
ريفان: ايه اسمع وفاهمه وعارفه
مسك بدر ريفان وطلعها برا عشان ماتسمع سهام
بدر: خير وشفيك
ريفان: الي سمعته
بدر: مين الي اطلعها من بالي وش تقولين انتي
ريفان: يا الله يمثل انه مو فاهم ياحليلك اقول لاصرت قد المسؤوليه ورجال وعيونك ماهي زايغه وتصون زوجتك تعال خذ سهام اما تجلس تفكر بترف وتنادي سهام فيها تحسب سهام ماهي فاهمه لاحبيبي هنا اتركها
وراحت ريفان غرفتها وقفلت الباب
بدر استوعب وش صار وهو وش سوا وهو اصلاً ماهمته ترف ولا احد واكيد يبي سهام بس هو انصدم من الفرق بين ابو خالد وترف واستوعب بعد من كثر مافكر فيها نادا سهام بأسمها!! سهامم حبيبة قلبه الي زعل على ابوه عشانها والي تحطه في عيونها ومستحيل تقوله تعبت منك ينطقق اسم وحده ثانيه قدامها وتشغل باله وحده ثانيه غيرها!
اسرع بدر لريفان يطق باب غرفتها
بدر: ريفانوه افتحي الباب
ريفان: فكر باللي قلت لك بعدين افتح
بدر: والله فكرت بس تكفين افتحي الباب
فزت سهام من نومها على صوت الطق
سهام: يمه وشفيكم
ريفان: بس هاوشته وخليته يعرف قيمتك و شوفي الحين وش يسوي
بدر: ريفان اخلصي عليي
سهام: بدر اتركني
بدر: لاتلعبون بأعصابي سهام امشي بسرعه
ريفان: قل والله ما اشوف غير سهام
بدر: والله ما اشوف ولا اصلاً راح اشوف تكفين سهام تعالي
طلعت له سهام واخذها غرفتهم وحضنها
سهام بعدت بدر شوي
بدر مسك يدينها: سهامي والله اسف قسم بالله اني مصدوم من الفرق سهامي والله انتي اول وحده والاخيره مستحيل بشوف غيرك والله مابي غيرك
سهام الي تجمعت دموعها في عيونها: لا بالله كل ماسويت شي كذبت علي كذا ومابي غيرك وانتي اول وحده لاتكذب علي وخلني
بدر الي حس الدنيا تدور فيه وعصب ومسك يدين سهام: سهام وربي اني ما اكذب عليك سهام صدقيني والله اني كنت مصدوم من الفرق لاني كنت اذكرها خايسه وهي صغيره وابوها اخيس منها وكيف كذا طلعت ولا وربي ماتجي مكانك ولاتفكر حتا وبعد مين تبين اناسب ابوخالد الخايس والله لو يموت تكفين سهام لاتسوين فيني كذا
سهام نزلت راسها وصارت تبكي حضنها بدر بقوه لدرجه شوي ويدخلها بعضمانه
بدر: سهامي والله مابتخلى عنك تكفين لاتخليني انتي تشوفين كيف انتي غيرتيني للأحسن كيف كنت وكيف صرت تعرفي اني اول ماكنت اكلم احد وبس ساكت حتا اخواني ما اكلمهم كثير شوفي الحين تغيرت كثير منك وللأحسن لاتتركيني عشان وحده خايسه
سهام الي زادت بكي وحضنته وماقدرت تتكلم ابد
.....••....
ببيت ابو فهد عند رنيم وفهد
كان فهد نايم في امان الله
رنيم صرخت : فهدددد
فهد الي فز من نومه: وشفيك
رنيم : بولددد
فهد: يمكن مغص نفس كل مره
رنيم: لاااا بولددددد
فهد اخذها بسرعه وشغل سيارته وراح للرياض مع ان الطريق كان طويل لكن رنيم ماكانت تحس بألم كثير كانت مستحمله
اول ماوصلو المستشفى وفحصتها الدكتوره
الدكتوره: انتي على وشك ولاده لكن مو الحين يعني باقي يومين شوي
فهد : لا بالله اقولك مغص تقولين لابولد ثلاث ساعاتت وحنا جايين بالاخير بعد يوميننننن
الدكتوره بضحك: اخوي ماعليه يمكن بكرا بعد تولد مب يومين بالتحديد ماتدري
فهد: ماينفع اخليها هنا
رنيم: وجع
الدكتوره: لالا لازم تاخذها عندك
اخذ فهد رنيم وراحو لبيتهم واتصل فهد بأبوه وقال ان رنيم يمكن ذي اليومين تولد ف بيجلس بالرياض
،
،
من بكرا رنيم ولدت وجابت نايف الصغير وكل الي بالديره رجعو للرياض عشانها وكانت سهام مبسسووططه مره عشانها صارت عمه
راحت سهام عند فهد ورنيم بالمستشفى وكانت اول من يجيهم
سهام: وينن ولد اخويي الحلو
فهد : حقي معليش
سهام : خير انا عمته حقي يعني
رنيم: صحيح حق سهام
فهد: باعت ولدها من البدايه
سهام: احسن منك المهم يلا تكفى جيبه
فهد راح وخلاهم يجيبو نايف وشافته سهام وكانت الابتسامه واصله اذانها
سهام: يمه قلبيي بسم الله عليه
،
طلعت رنيم من المستشفى وراحت عند امها عشان النفاس
،
بعد اربع ايام
كانت سهام جالسه في البيت وتشوف جوالها والبيت هدوء دخل عليها بدر بسرعه وحضنها بقوه هي ما استوعبت الموقف من سرعته
سهام: بسم الله وشفيك
بدر مارد عليها
شويات الا حست سهام مويه على كتفها
سهام: بدرر وشفييك
بدر الي كان يبكي : سهام راح راح
سهام: مينن
بدر: راح وخلاني ماتت سهامم احس مالي حيل بدونه
سهام بخوف : بدر بسم الله عليك مميين الي مات
بدر : حبيب قلبي واقرب شخص لي ويعرفني من وانا صغير للحين وراح بلمحة بصر سهام صديقي راحح مو بس صديقي الا اخوي واكثر
سهام : بسم الله عليك اهدى ياعيوني اهدى
وجلست بدر ومسكت يده وبدر كان منزل راسه ويبكي
وجلست تواسيه وتطبطب عليه وبدر كان منهار مره لان صديقه كان مره قريب منه بعد ساعات من البكي نام بدر وسهام طلعت عنه عشان ماتزعجه
ومرت الايام وبدر حزييينن مره حتا الضحك مايقدر يضحك وبس منفس ويبكي ويطلع يتنفس لان من البكى ينكتم وكان يروح كل الاماكن الي كانو يروحو لها مع بعض ويجلس فيها يتذكره في يوم كان في بر في الديره كان هو وصديقه يروحو له كثير جلس فيه ومن التعب والبكي نام وحلم في صديقه ( اسم صديقه طلال)
كان حلم بدر : طلال جا لبدر ووقف قدامه
بدر: طلال ليش تركتني ورحت احتاجكك بجنبيي
طلال : ياخوك انا بخير لاتخاف تطمن وانا الحمدلله مرتاح وانت انتبه على نفسك ولاتضيق خلقك بس ادعي لي وتصدق عني وانبسط ولايهمك انا بأفضل حال الحمدلله والحين روح لزوجتك تراها تحتاجك وخايفه عليك
فز بدر من نومته بخوف وشاف المكان الي هو نايم فيه صحى وراح ركب سيارته وراح للرياض وشاف جواله الا سهام مرسله له رسايل كثيره ومتصله عليه كثييرر اتصل عليها
سهام ببكي: بدرر وينكك
بدر: هلا ياعمره جايك الحين
سهام : وش فيك وش صار يوجعك شي صاير شي
بدر: انا بخير ماعليك جايك الحين
سهام: طيب
وصل بدر عند سهام وحضنته وكانت تبكي
بدر: ياعيون بدر اهدي اهدي مافيني شي
سهام: خوفتني عليكك شفيك ماتترد علي
بدر: انشغلت ياقلبي اسف مابعيدها اهدي انتي وامسحي دموعك
مسحت سهام دموعها وراحو غرفتهم بدر يبدل وسهام تطمن ام سلمان وابو سلمان انه رجع وخلص بدر وجلس يقول لها الحلم
ومرت الايام وبدر تحسن الحمدلله
وسحاب ولدت وجابت بنت سموها ايتين وكلهم فرحانين ومبسوطين فيها
.
.
.
.
يتبع
