بارت 30
.
.
.
.
في يوم اتصلت ساره على سهام
ساره : هاي ياحلوه
سهام: هلا وغلا ارحبي
ساره: هلافيك اخبارك ياعمري
سهام: بخير وانتي
ساره: تمام الحمدلله ، سهامي الاسبوع الجاي ترا زواجي واتمنى تحضرين ياقلبي
سهام: ماشاءالله ياجعله مبروك ياقلبي ان شاء الله ياعيوني
سكرو المكالمه وكانت ام سالم تدق على الكل وتعزمهم بعد
،
،
يوم عرس ساره اخت لمى
راح هتان لبيت بدر
هتان : بدر ياولد
نزل له بدر : وشفيك صاير شي؟
هتان : لا بس خايف من عرس اليوم
بدر: بعطيك كف على عينك مهو عرسك اهجد ولاتجلس فوق راسي خايف خايف اعقل
هتان: كليتني بقشوري شفيك ياخي متوتر
بدر: متوترر من وش ياحظيي اهجد واعقل لاسمح الله يمكن بعد زواجك ماتلقاني بجنبك ف اهدئ
هتان: بعطيك على عينك بعد انت لاتفاول على نفسك وجع
بدر:طيب امش معي بروح احلق تعال معي
راحو هتان وبدر يحلقو وريفان ورفيف وام سلمان وسحاب جو عند سهام ببيتها عشان يتضبطو
سهام: ياهلا والله اطلقق من يجينا
وسلمت عليهم ودخلتهم بالمجلس وقهوتهم وبدو يتجهزو
ام سلمان: سهامي بنتي تعالي سوي لي مكياجي مدري وش احط
سهام: من عيونييي كم عندي فروحه انا
(اسم ام سلمان فرح)
ريفان: وجع اغار
ام سلمان: لو تغارين تضبطيني انتي مب تسحبين علي
ريفان: الشكوى لله يمه
خلصت سهام ام سلمان وراحت لسحاب الي كانت مبتلشه بحملها وتتمكيج
سهام: تعالي حبيبتي بسويه لك
سوت سهام لسحاب وخلصت وراحت لرفيف وريفان تعدل لهم اشياء بسيطه بعدها هي بدت تمكيج نفسها وتسوي شعرها خلصت شعرها ومكياجها وراحت لأم سلمان
سهام: خالتي لفي بسوي لك شعرك اخليهم يقولون واوو هذي فروحهه الحلوه تجنن
ام سلمان بضحك : تعرفين تجيبين راسي بكلامك ياعمري
بدت سهام تسوي لها شعرها وتضبطها وتضبط سحاب بعد تقريباً خلصو كلهم بس باقي يلبسو راحت كل وحده تلبس
كانت سهام بغرفتها تلبس خلصت وتعطرت واخذت عبايتها وشنطتها وجوالها وعطورات تعطر البنات فيهم ونزلت عندهم
سهام : يلا خالتي اول وحده تعالي اعطرك
بدت سهام تعطر البنات وتبخرهم وتبخر نفسها خلصو كلهم وشالو حوستهم وجلسو ينتظرو العيال
جا بدر
بدر : سهامم اركضي
سهام بخوف : وشفيك
بدر : مافي شي بس امشي معي فوق
سهام : مجهزه لك كلشي خلص بس
بدر: كفو
راح بدر تروش وطلع واتصل على سهام تجيه راحت له سهام
سهام: وشفيك
بدر: نشفي شعري
سهام: يابدر ماعندك يد؟
بدر: اح بديتي تسحبي علي
سهام: لا مو قصدي كذا بس عشانك ناديتني من تحت وانا علي كعب يكسر الرجل وجيت هنا بس عشان انشف شعرك
بدر: ياعيوني انتي بس ياخي افهميها ابيك انتي
سهام: الدلوع حقي امش بسرعه
بدت سهام تنشف شعره وتخلصه
سهام: يلا اخلص بسرعه بروح البس عبايتي
بدر: دقيقتين وانا جايكم
سهام: اي صح ترا في بخور تحت اذا نزلت علمني عشان ابخرك
بدر : من عيوني
نزلت سهام وقالت للبنات يلبسو عباياتهم وهي لبست عبايتها
جا بدر وراحت له سهام تبخره
ريفان بأستفزاز لسهام: بعرسك بعرسك
ناظرتها سهام: وجعهه بسم الله عليه
بدر بضحك : لالا عندي ذي الحلوه تسوى كل البنات
ريفان: حتا انا !
بدر: حتا انتي
ريفان: يعع
بدر: اي واضحح
وجلس يأشر له بحركات البكاء عشان ام سلمان ماتسمعهم عشان مقلبهم الي سووه فيهم
ريفان : انا الغبيه الي جيتكم
بدر: الاعتراف بالحق فضيله
ريفان: مافيني حيل اقوم مره ثانيه خلني اقوم وبصفقك
قبصت ام سلمان ريفان: كلشي ولا سهام وبدر انا بجلدك بدل عنهم
سهام نزلت البخور وصفقت لأم سلمان : عاشششتتت فروحتيييي
بدر: فروحتي حقتي خير
ام سلمان: لا انا حقت سهامي
ريفان بضحك : لا حقت ابوي
كل الي كانو موجودين ماتووو ضحك
بدر بضحك : امشو يلا العيال جايين
راحو القاعه
واستقبلتهم لمى وام سالم بالاحضان
وراحو سلمو على الموجودين وام سلمان وام سالم جلسو والبنات راحو عند ساره
راحت سهام اول وحده و اول ماشافت ساره استقبلو بعض بالاحضان
ساره: ياخايسهه تجنننييينن اوفف اشتقتت لككك
سهام: ياروحي انتي وانا اكثررر
ساره : لاززم بعد الزواج نعرف سلطان وبدر على بعض وتجيني واجيك كل يومم
سهام: قداااممم
جو البنات وسلمو على ساره وباركو لها وجلسو يسولفو عندها وصورو معها بعدها رجعو وجلسو مبسوطين ويرقصو
خلص العرس بسلااام
.....••......
عند الرجال
ابو سلمان : بدر ياولدي تعال معنا البيت انت وسهام بكلمكم بموضوع
بدر الي انخرش: ابشر
......••.....
في بيت ابو سلمان
اخذ ابو سلمان ابو فهد وسهام وبدر
بدر: عسا ماشر يابوي وشفيكم
ابو سلمان: ماندري كيف نفاتحكم بالموضوع بس
بدر: يبه خوفتني قول
ابو سلمان بجديه شديده: نبيكم ياولدي تتطلقون انت وسهام
بدر الي بدأ يرجع بخطواته على ورا كانه مصعوق بكهرباء
بدر: يبه تمزح اكيد
ابو فهد: شايف ابوك كبرك عشان يمزح طلق البنت الحين
بدر الي عصب وسهام تبكي ويدها ترجف وكل مكياجها ساح
بدر بعصبيه : ياعمي انت على عيني وراسي بس والله ما اطلقها
ابو سلمان: ولد ماتسمع الكلام انت
مسك بدر يد سهام بقوه : يبه انا ماعمري عصيتك بكلمه لكن يبه يوم حبيت البنت وابيها وعشت معها تجي تقول بكل برود طلقها يبه والله ثم والله ان خذيتوها مني ماعاد بصير ولدك الي تتكي عليه بشغلك وعيونك مغمضه وماعاد بصير شي يعني لكم بروح لحالي وانتم احذفو اسمي من عندكم
ابو فهد بحده: ياولدد ابوك هذا استح على وجهك وسهام بزوجها ولد عمها بما ان ماحصل بينكم عيال وولد عمها اولى
ابو سلمان: ايه وانت تاخذ زينب بنت خالتك
بدر: يع والله ما اخذها وسهام والله ماتحل لغيري يبه عمي وشفيكم علينا شفتونا مبسوطين قلتو يلا نفرقهم واذا على العيال لو مو دراسة سهام كان الحين تلقاهم يلعبون عندكم ومعليش يبه معليش عمي انا مقدر اتخلى عن سهام او اتركها مستحيل هذا اخر كلام عندي مع السلامه
اخذ بدر سهام وطلع
سهام بأنهيار: بدر مابنتوفق في حياتنا اذا بيغضبون علينا بدر احس روحي طلعت ياخي ليش يسوون كذاا
بدر الي بدأ يدمع ويفك ازرار ثوبه مسك يد سهام: سهامي لاتخافين انا معك بس تكفين لاتتركيني لحالي
سهام: ببقى معك لو ايش ماصار
راح بدر مكان بعيد كان يروح له كل ماضاق الي هو كوخ صغير ورا الجبال
دخل هو وسهام وكان مافيه شبكه ابد
جلس بدر وشغل المكيف وخلا سهام تدفى وجاب ملابسهم الي يحطونها بالسياره احتياط وكل واحد راح يبدل ملابسه جلسو يتأملو كلشي بصمت وماسكين يدين بعض وكيف ينفصلو وهم متيمين ببعض
ومرت على جلستهم بالكوخ ساعتين
......••.....
ببيت ابو سلمان
ابو سلمان: هتان كلهه منك ومن افكارك ومقالبك الحين كيف نرجعه بالله وانت تعرف اخوك طايش ومتهور وجيت انت خليتنا نضغط على وتره الحساس
هتان بخوف: والله يبه ماكنت ادري انه بيصير كذا
ابو فهد بخوف: طيب الحين وين راحو لايصير فيهم شيي ياعبدالمجيد بنتي لاتروح مني
ابو سلمان: لاتخاف بنطلع ندور عليهم
طلعو يدورو عليهم
......••.....
عند بدر وسهام
سهام: بدر تكفى خلنا نرسل رساله لهم اننا بخير ومافينا شي احس الحين يدورو علينا
بدر : طيب امشي معي
لبست سهام عبايتها وركبو السياره وراحو لمكان فيه شبكه وارسل بدر لأبوه: يبه انا ماودي اعصيك لكن انا ابي البنت وبس ابي اقولك ياتاج راسي اني بخير وهي بخير ولاتخافون علينا بس اتركونا لحالنا
وسهام ارسلت لأبوها: يبه انا اسفه بس مقدر اخلي بدر انت اخترته لي وانا تعلقت فيه ومقدر اتركه لكن ترانا بخير ومافينا الا العافيه لاتخافون بس اتركونا لحالنا
اتصل ابو سلمان بسرعه على بدر اول ماشاف رسالته بدر ماكان يبي يرد لكن سهام اصرت عليه
بدر: هلا
ابو سلمان: بدر يابوك والله انه مقلب من ورا راس هتان لاتزعل علي يابوك ابد سهام لك وانت لها بس لاتوجع قلبي وتبعد عني ياولدي وتتركني اطيح بدونك
بدر: يابعد راسي انت ماتطيح وانا عندك جايك الحين وعلم هتان اني بذبحه لاجيت ولحد يحاول يفكني عنه
سكر الخط والتفتت عليه سهام
سهام: ليه وش صاير
بدر: شفتي كل شي من ورا راس هتان عشان مقلبنا فيه الاخير راح دخل ابوي وعمي وهي بيننا لكن اوريه
سهام: كفو عليك فيه
،
وصلو بيت ابو سلمان وراح بدر باس راس ابوه وحضنه
ابو سلمان وعيونه تدمع : يابوك لاتخوفني عليك لاتختفي كذا مره ثانيه
بدر: ابشر ابشر
راح بدر لهتان الي كان مسكر باب غرفته بدر ماطق الباب ولاتكلم ولابين انه جا خلا ريفان تحاول فيه
ريفان: هتان اخلصص افتح بعلمك وش صار ببدر وسهام تو ابوي كلمهم
هتان فتح الباب بسرعه وناظر ريفان: وش صار عليهم تكفين لايكون ماتو والله بموت وراهم والله امزح كنت بمقلبهم بس
ابعدت ريفان ودخل بدر ومسكه مع تيشيرته ودخله الغرفه وقفل الباب وجلس يصفقه
بدر: تصدق انك للحين ماعقلتت كان بيننا كل شي ليش تدخل ابوي وعمي تدري اني ما اقدر اعصي كلمتهم اعجبك اني انحرجت قدامهم
هتان: بدر والله اسف لكن ماكان قصدي حسبته مابتكبر
بدر: طيب ياهتان تزوج لمى وحبها وتعلق فيها وبخلي سالم يقولك طلقها بيعجبك كذا؟
هتان: لاوالله مابيعجبني والله اسف ياخوك
باس هتان راس بدر
بدر جلس على الكنبه وهو يمسح وجهه
بدر: حاول ماتكلمني الا لما اتكلم معك عشان ما افلم فيك وانا ما ابي
وطلع من عنده واخذ سهام وراح
وهتان جته صدمه قويهه
،
مرت الايام وبدر مايكلم هتان لأنه يحس روحه طلعت بقوهه بسبب هتان ف كان يحاول يتأقلم شويات عشان يقدر يكلم هتان ومايجلده
قرب زواج هتان وبدر لسا مايكلمه
.....••.....
عند سهام وبدر كانو جالسين بحديقتهم الي بالسطح والتفتت سهام على بدر
سهام: بدر بقولك شي بس ماتعصب علي وتكون هادي مره
بدر: سمي ياقلبي قولي
سهام: بدر حبيبي ياخي اخوك قرب زواجه وانت ماتكلمه وانت اقرب شخص له وهو يبيك معه بهذي الفتره حرام عليك خلك جنبه وخله يستعد لزواجه وهو يضحك مو وهو عابس
بدر : مكلمك صح؟
سهام: والله ماكلمني ولا احد قال لي لكن انا اشوفه حتا عمي تعب معه بدر تكفى كلمه ووقف معه
بدر: ياخيي ما اتحمل يقهرني
سهام : ياخي بدر اخوككك ذاا زواجهه قريب بيكونن حياتهه!! وقففف معهه خلاص بيعقل وانت للحين ساحب عليه وماتكلمه بدر تكفى اذا انت تبيني وصادق انك تبيني ارجع كلمه وسامحه عشان ربي يوفقك ويوفقه وتنشال منك الضيقه وتسعده حتا بيوم زواجه تكفى بدر
بدر: لاتقولين تكفى ياعيون وروح بدر ولاتخلين حبي لك واني ابيك بهتان هذا شي غير
سهام بعيون تدمع: بدر تكفى ماله الا الله ثم انت سلمان مشغول بزوجته وولده ساعده يابدر تكفى عشاني
باس بدر راسها وحضنها : يسلم شانك ياروح بدر وقلبه ابشري ابشري بسوي الي تبين بس لاتبكين
مسح بدر دموع سهام وسهام حضنته بقوه
سهام: محظوظه فيك صدقني بتفرحهه كثير وبتخليه ينبسط بيوم زواجه بعد
بدر : ان شاءالله ياروحه
.
.
.
.
.
.
يتبع
