بارت 28
.
.
.
.
في الصباح صحى بدر وشاف سهام نايمه ماحب يصحيها وطلع عند امه وابوه
ابو سلمان: اشوا جيت سهلت علي الطريق
بدر: امر ياعيني وش بغيت
ابو سلمان: بيجوننا رجال بعد شوي يفطرون عندنا رح انت وسلمان وهتان ضبطو المكان
بدر: ابشر
راح بدر يدعي سلمان وهتان يضبطو المكان ضبطو المكان وخلصوه وبدأو يجون الرجال وجا واحد يكرهونه هتان وبدر
بدر ناظر هتان وهتان ناظر فيه
بدر: يالليل ذا وش يبي يجي وجهه مغسول بمرق كلاب
هتان: امانه خل نمسكه ونصفقه
سلمان: اهجدو وشووفو ابوي تراه يعطيكم نظرات من اليوم
،
،
في زمن قديم كان ابو خالد ( الي مايحبونه بدر وهتان)
يتمشى وشاف بدر ايام مراهقته يدخن راح له وضربه واخذ الدخان منه وصفقه بوجهه وراح لأبو سلمان وعلمه وابو سلمان جلد بدر ومن بعدها بدر ترك الدخان عشان ابوه وصار مايحب ريحته حتى وحقد على ابو خالد ولما كبر هتان كان يلعب مع عيال الحاره كوره وبالغلط كسر لمبة بيته وطلع له وضربه وراح يعلم ابو سلمان وكان كل مايشوف بدر وهتان يضربهم ويكذب على ابوهم انهم مسوين شي او يضربون العيال يعني يكذب يخلي ابو سلمان يضربهم وجا في يوم كانو طالعين من البقاله يتمشون جاهم وكان يخانقهم ويضربهم ويسحب شعرهم ويضربهم بعقاله
بدر بعصبيه: انت وشفيك وش مسوين لك يالمختل
ابو خالد: بس كذا عشان وجهكم يهيئني اضربكم وكل ما اكون مضغوط اطلع الحره فيكم ياقليل الادب انا تقول لي مختل؟؟
بدر: ايه وستين الف مختل ومجنون ومعتوه وان شفتك ماد يدك علينا مره ثانيه لاتلوم الا نفسك يالمعتوه
تركوه وراحو لحقهم وضربهم كلهم على ضهرهم بعصاه صرخو بألم ولف عليه بدر وهتان وجا هتان دفه وطيحه بالأرض وبدر دعس رجله بتمثيل انه بالغلط وانحاشوا
رجعو البيت وبدلو وكانو خايفين من ردة فعل ابوهم جا ابوهم وكان معصب لأخر حده منهم جا بيهاوشهم وقف بدر بوجهه : يبه وشفيك كل ماقال لك شي صدقته ترا اليوم طالعين من البقاله مبسوطين مسكنا وضربنا ضرب يوم قلت له ليه قال بس كذا عشان وجهكم يهيئني اضربكم وكل ما اكون مضغوط اطلع الحره فيكم والله يايبه اني ماكذبت بحرف وهو كل يوم يضربنا وانت تكملها يكذب عليك وننجلد كليوم
حس ابو سلمان ان كلام بدر صدق : طيب ياولدي لاتتعرضون له الحين رجله مكسوره وظهره في رضه وبالمستشفى وش مسوين فيه
هتان: انا دفيته عشانه ضربنا بالعصا على ظهرنا بقوه وكان بيكمل علينا ودفيته
بدر: وانا دعست رجله بالغلط
ابو سلمان: الله يصلحكم ياعيال
نرجع في الزمن الحالي
كانو كلهم يناظرو بعض بحقد خلص الفطور وطلعو كل الرجال وبقى ابو خالد الغثيث كان يسولف مع ابو سلمان وبدر وسلمان وهتان راحو لغرفهم
ابو خالد بخبث : ورا عيالك مايجلسون هنا ومع الرجال ومايطلعون كنهم حريم عقلهم خلهم رجال
بالصدفه كان جاي بدر
بدر: شدخلك والله الي يسمعك يقول عيالك جايين معك بعد وينهم ليه هم حريم عقلهم خلهم رجال حنا رجال ومتربين على يد ارجل الرجال
كان سلمان بجنب بدر ويقبصه يبيه يسكت
ناظر ابو خالد بدر بحقد وطلع
ابو سلمان: ياولدي ليش هالكلام شوف الي يفضح فينا
بدر: خله يذلف يبه لا اجلده تراني ماسك نفسي عشانك والله
ابو سلمان: يسلم شانك بس حاول تهدئ وتجاهله
بدر: ابشر
رجعو العيال داخل واجتمعو كلهم وبدأ سلمان يقولهم وش صار كان بدر بجنب سهام بعد ماخلص سلمان تكلمت سهام: كفووو افضل واحد ليتك جالده بعد
سلمان: يوووهه تزوج وحده تعزز له الله يستر لا نشوف الرجال مذبوح وهي تصفق له
ضحك بدر : والله ماعندي مشكله تبوني اذبحه وتعزز لي تم الحين اروح
ناظرته سهام : لالا هدء من روعك مالي خلق تنسجن عشانه مايستاهل
هتان: صحيحح كلامهاا
من بكرا كانو يجهزو بيمشون للرياض وكان بدر يركب الاغراض وماسك نفسه عن ابو خالد الي ناشب لهم من الصبح يقاله بيودع ابو سلمان ركب بدر اغراضه وكل شي وشاف لأبوه
بدر: يلا يبه انا بمشي بحفظ الله
ابو سلمان: انتبه لنفسك ولاتسرع تراني وراكم
بدر : ابشر
ركب بدر وشاف كل خواته معه ومعهم سهام
بدر : ماشاءالله عليكم وهتان تركتوه لحاله مالي خلق يفحط وابوي يمسكني اهاوشه
اسيل : انا بروح معه بس جيت اسولف مع البنات تركي معه اصلاً ينتظروني
بدر: زين واذا شفتيه يسرع علميني
اسيل : ان شاء الله
حرك بدر اول واحد بعده هتان بعده سلمان بعدين ابو سلمان وابو فهد وفهد
عند فهد بالسياره
رولا : فهد بقولك شي ماتنصدم
فهد: وشو
رولا: نسيت هيام
مسك فهد بريك والتفت عليها: وش تقولينن؟؟؟؟
رولا: نسيت بنتييي هيامم نسيتها
فهد: احد ينسى بنتتتتتتههه!!!!
رجعو لبيتهم واخذت بنتها وفهد كان يهزءها
فهد: واذا درى محمد وش بتسوين والله لايزعل عليك
رولا ببكي: خلاص اسكت ماراح يدري
رجعو مسكو خط الرياض اتصل فهد بسهام وعلمها
سهام: احلففف
فهد: والله
سهام: بالله افتح السبيكر بكلمها
فتح فهد السبيكر
سهام: رولا يالغبيه احد ينسى بنته
رولا: اسكتي انتي الثانيه
سهام: يمه قلبي طاح تكفين رولا انتبهي لها وخلي عقلك براسك
رولا: طيب
سكرت سهام وناظروها كلهم بمعنى وشفيه قالت لهم السالفه
بدر:يراسي سهام والله ان جا ولدنا ونسيتيه نفس رولا بصفقك
ريفان: وانا معك
رفيف: وانا بعد
سهام : وجع ولدي اكيد مابنساه
بدر: الله يستر بس
وصلو الرياض وكان الكل متكسر راح بدر يوصل خواته ونزل يكلم ابوه بموضوع هتان الي كان يرسل له واحرق جواله عشان يقول لأبوه اول ماوصلو ونزلو الاغراض راح بدر مسك ابوه وهتان وراحو المجلس لوحدهم
ابوسلمان: عسا ماشر وشفيكم
بدر: يبه انا ودي اقولك موضوع وانا اشوفه زين وانت تثق باللي انا اشوفه عاد انت قول رايك
ابو سلمان: اسلم
بدر: الله يسلمك خوي هتان عرض عليه انه يزوجه اخته وخويه يقول انه مايشوف له اخو الا هتان وانه عزيز عليه فا بيعطيه اخته قطعه من قلبه اذا موافق يايبه بنكلمه ونخطبها
التفت ابو سلمان على هتان: ومن هو خويك ذا
هتان: سالم عبدالرحمن تخبره صديقي اول الي ماعنده اخوان وابوه توفى
ابو سلمان: اييهه الله يرحمه والله وزين العيال وزين العايله اننا ناخذ منهم موافق وانا ابوك كلمه واعطه خبر
هتان راح باس راس ابوه: ابشر الله يخليك لي
ابتسم بدر على ردة فعل ابوه وراح باس راسه وودعه وكان بيطلع بيته لكن وقفه ابوه
ابو سلمان: نام هنا يابوك والله اني مشتاق لقعدتك عندنا
بدر: ياتاج راسي انت ابشر ولا يهمك اخذ سهام نروح ناخذ لنا ملابس ونجي
ابو سلمان: عشت ياولدي لارجعت تعال عندي ودي اني اسولف معك احس منزمان ماجلست معك ياولدي
بدر : ابشر على خشمي
طلع بدر وراح هو وسهام يجيبو لهم ملابس واغراض ويرجعو
سهام : بدر ترا يمكن نطلع حنا والبنات عادي؟
بدر: اي عادي بس وين
سهام: بنروح نشتري اغراض للعيد ومنها نتقهوى
بدر: زين بس انتبهو لنفسكم واذا ناقصك شي تراني بحول لك اذا وصلنا واشتري الي خاطرك فيه
سهام: ابشر
وصلو البيت وراحت سهام للبنات
ريفان: ها وافق؟
سهام: ايي
ريفان: اخوي كفوو
سهام: ياسبحان الله
ريفان: اسمعي اقنعي فهد يخلي رنيم معنا و كلمي رولا تشوف لزوجها واسيل انا بكلمها وسلمان بقوله
سهام: تمام
راحت سهام عند فهد الي كان ببيت ابوها
دخلت وشافت فهد جالس لحاله
فهد: هلاوالله
سهام: هلابك
فهد: اشتقتي لي صح؟
سهام: يمكن ، المهم اسمع بطلبك طلب وماتردني
فهد: ابشري اعتبريه تم قولي وش بغيتي
سهام: ابي رولا تجي معنا بنروح نتسوق وننبسط شوي ونرجع
فهد: ابد تم انا من عندي بس شوفي لها
جت رنيم وقالت: موافقه
سهام: كفوو يلا اجل بس باقي رولا
راحت سهام تتصل برولا
سهام: هايي
رولا: هلابك
سهام: اسمعي بنطلع نتسوق تجين معنا؟
رولا: والله مافيني ولاحيل وفيني نوم بعدين اطلع معكم الحين مقدر ومدري عن محمد يمكن مايوافق
سهام: زين ياعمري انتبهي لنفسك ولهيام
رولا: ابشري
رجعت لبيت ابو سلمان وقالت للبنات وريفان قالت بعد ان سلمان وافق واسيل بتنام ماتبي حتا تركي اعطته ابوه
،
،
بعد المغرب طلعو المول واشترو اغراضهم وتقهوو ورجعو
من بكرا كان بدر صاحي الصباح يفكر يمقلب سهام وجهز الفكره بس ينتظر ريفان ورفيف يصحو شاف ريفان طالعه من غرفتها تغني ركض لها
ريفان: يمه وشفيك
بدر: بمقلب سهام تصيرين معي؟
ريفان بحماس : ايهه
بدأ بدر يشرح لها المقلب وهي متحمسه ووافقت وراح لرفيف بعد ووافقت وكلهم اتفقو ينفذونه اليوم وسهام المسكينه نايمه ماتدري وش ينتظرها
في العصر صحت سهام على بدر الي كان يتعطر وكتمها
كحت سهام : وشفيك تروشت بالعطر كتمتني
بدر: اوه معليش بطلع مع اخوياي
سهام: كل ذا عشان اخوياك
بدر: اي منزمان عنهم
سهام: الله معك
طلع بدر وسهام راحت تبدل وتصلي وتبي تطلع للبنات
كانت تضبط شعرها ودرعمت عليها ريفان ورفيف
ريفان: سهام امشي بنطلع قلت لبدر ووافق قال كيفكم
رفيف : اي يلا
سهام: خلونا نجلس مافيني حيل رجوللي يوجعني من امس
ريفان: سهام تكفين يلا لاتخلينها بخاطري
سهام: ياربي طيب بس وين
رفيف : نتقهوى بكوفي جديد حلو مره
سهام: طيب
راح يلبسو عباياتهم بيطلعو اول ماوصلو بنص الطريق تذكرت سهام انها ناسيه جوالها بالسياره
سهام:رفيف هاتي المفتاح بروح اجيب جوالي
اعطتها رفيف وراحو داخل وراحت سهام جابت جوالها وهي راجعه انتبهت لبدر الي يضحك مع اخوياه ويدخن ومعه اخوياه الي كلهم يدخنو وكلهم معهم شيش ويضحكون ناظرت سهام بدر بتمعن وحست سكين بقلبها لانها تعودت عليه مايدخن ولا احد يدخن وتكره ريحة الدخان وكان اول اذا جا من اخوياه ريحته نفس ريحته ماتتغير ولا دخان وسيارته ابد مافيها شي للدخان دخلت عند البنات وشافتهم جالسين ينتظرونها
جلست سهام
ريفان:شفتي بدر طلع هنا قلت له اننا حنا فيه وقال شويات واجي
سهام: طيب من متى بدر يدخن ؟ ما اذكر شفته ابد يدخن
رفيف : شوفي بقولك بس الموضوع بيننا
سهام: وش فيه
رفيف: بدر اصلاً دايم يدخن وكلنا ندري الا ابوي عشان مايهاوشه وحاول يتركه ماقدر والحين صار ادمان عنده مايقدر يتركه
سهام: طيب ليش ماعلمني
ريفان: تونا علمناك عادي تعودي اذا درا انك تدرين بيدخن عندك وانتي تعودي
سهام: يع مابي
ريفان: زوجك وتحمليه
قاطعهم جيت بدر الي كانت سهام تناظر فيه بقرف
بدر: وشفيك تناظريني كذا
سهام: ولاشي
ريفان : خلاص سهام تدري انك تدخن ف خذ راحتك
بدر بحركات تستفز سهام: اوه اشوا عرفتي كنت بعلمك لاني تعبت وانا اطلع من البيت عشان ادخن
سهام ماقدرت تقول شي من الصدمه بس جلست تناظر فيه
بدر: امسكو صرافتي خذو الي تبون وانا برجع للعيال اذا طلعتو خذيها سهام معك
راح بدر وطلبت رفيف وريفان وسهام ماطلبت لان انسدت نفسها من الي شافته وسمعته خلصو من الكوفي وطلعو للبيت كانت سهام ودها تصفق بدر بشكل مو طبيعي رجعو البيت وراحت سهام غرفتهم وجلست تفكر وش تسوي دخل بدر وكان ريحته تفوح دخان تكتم وكان يكلمها وماترد عليه راح بدر يبدل ورجع لها مسك يدينها
بدر: سهام اكلمك انا
سهام: وشتبي
بدر: وشفيك كذا
سهام: وش تبي طيب الحين قول
بدر: ابي صرافتي
سهام: خذها شوفها بشنطتي واتركني فحالي
بدر رجع ومسك يدينها بقوه
بدر: وشفيك تكلمي
سهام: تحبني وتبيني؟
بدر: ايه
سهام: اترك الدخان ولاتقربه عندي ولا تجيبه عندي لأني انكتم وما احبه
بدر فك يدينها
بدر: مقدر حاولت لكن ماقدرت ابيه مرهه
سهام: اجل بعد عني
وغطت راسها بالبطانيه
مسك البطانيه بدر وبعدها : سهامي لاتسوين كذا انتي اذا تحبيني تقبليني بكل شي اسويه
سهام ناظرت فيه: وانا اذا احبك اقولك اتركه عشان صحتك وتبقى معي طول العمر لكن انت ماتبي معي اصلاً وواضح اصلاً اليوم مكثر شوف وجهك كنك وجه مدمن اتركني فحالي ولاتكلمني الا لمن تتركه
بدر : امشي بنرجع بيتنا
سهام : خلني بجلس عند البنات روح لحالك
بدر بنبرة غضب: اقول قومي
ناظرته سهام بطرف عين وقامت تجمع اغراضهم وطلعو وراحو بيتهم كان بدر مايكلم سهام وسهام ماتكلمه جا بكرا وشافته سهام يتكلم معها ويصحيها بهدوء وقبلها شافته وهو جالس ماسك الدخان يكسره ويرميه بدت سهام تتكلم معه ورجعت نفس اول جا المغرب وكان بدر طالع اول مارجع البيت ركضت له سهام
سهام : بدر شوف ابي...
بدر الي قاطعها بصراخ: ابي وابي وابي خلاااصصصصصص ماتملين طلبات فوق هذا جالسه تمنعيني من شي احبه خلاصصص اتركيني فحالي
ناظرته سهام وعيونها تدمع لكن استقوت وواجهته وصرخت نفس ماصرخ: ليه زوج على الفاضي اكيد بطلبك بعدين الشرهه علي بوريك الشوز الي كنت تدوره منزمان لقيته وعلى الي تبي وكنت اقولك شوف ابي اوريك ولا كنت ابي اطلب منك شي واذا تحب الدخان لذي الدرجه ارجع له ولاتجلس تصارخ فوق راسي وخلاص انا اروح عند ابوي وانت دخن وتزوج بعد وحده تدخن عشان ماتمنعك نفسي وترتاح
وراحت وسحبت عليه بدر انخرش من ردة فعلها وركض وراها لأن كل الي سواه مقلب ولا هو بعد مايحب الدخان ابدد وامس كان حاطه خفيف عند فمه والي عنده كانو مو اخوياه شافهم بالكوفي وقال انه بيمقلب احد وساعدوه وكانو ينفخو عليه وهو يحس نفسه بيطرش من الريحه وما حس ان المقلب بيقلب جد مره
ركض لسهام وفتح عليها الباب شافها تبي تروح تشيل اغراضها مسكها وهو يضحك ويتنفس بسرعه
ناظرته سهام ب استغراب : وشتبي روح دخن لاتلحقني انا بس اطلب
ضحك بدر: يالزعول والله مقلب
سهام بعدم تصديق: اي اي مقلب يايي بعد عني
مسكها بدر وتكلم بجديه : والله مقلب حتا اسألي ريفان ورفيف والله مستحيل ادخن انا ما احبه واكرهه من بعد ضرب ابوي لي مااحبه ولا احب ريحته امس كنت بطرش يوم ريحتي كلها دخان والي جنبي مو اخوياي ناس معرفهم وقلت لهم المقلب وخليتهم يساعدوني وماقصرو خنقوني بالريحه تكفين سهامي لاتزعلين بعدين يع تخيلي اتزوج وحده تدخن تجيني ميت
سهام: افف ياسمجك بصفقك ترا مقلب خايس كتمتني حتا انا وبصفق ريفان ورفيف اصبرو لي
بدر بضحك باس راسها: والله لو تصفقيني من اليوم لبكرا راضي بس اهم شي ماتبعدين عني واذا تبين اساعدك بريفان ورفيف تم
سهام: هم الي شكلهم بيساعدوني عليك
جلس بدر يضحك ويحاول يبسطها
.
.
.
.
يتبع
