بارت 26
.
.
.
عند هتان الي اول ماعرف ان بدر سافر انهار واتصل عليه
هتان: بدر تروح وتتركني ليه
بدر: ياروح اخوك انشغلت والله ولا مابتركك
هتان: تكفى احجز لي بجي عندك بطلع كل شي فيني بطلع كل طاقتي السلبيه
بدر: اجلسك وين معي سهام
هتان: ماعليه اخذ غرفه جنبك
بدر: واذا شفتك طالع ورايح مكان من دوني
هتان: لا ابد ماعليك ماني رايح بدونك
بدر: زين بشوف لأبوي اول شي يمكن مايوافق
هتان : تكفى بدر اقنعه
بدر : زين
سكرو وراح بدر يتصل على ابوه ويسلم عليه
بدر : يبه ودي اطلبك طلب
ابو سلمان: سم ياعين ابوك
بدر: يبه ابي هتان يجي عندي بحجز له وخله يجي عندي يمكن يرجع عقله ويتحسن
ابو سلمان: لا ياولدي معك سهام ومابيه يبلشك وسهام ضايقه الحين خلك بجنبها هو بيعقل ويرجع طبيعي عندي
بدر : لا يايبه تكفى خله يجي عندي ماعليه وسهام موافقه حتا اسألها
حط الجوال بأذن سهام
سهام : اي عمي خله يجي عادي تتغير نفسيته شوي
ابو سلمان : زين اجل بس انتبه له يابوي لايروح مع السكارى ويصير معهم
بدر : ابشر ماعليك
حجز بدر لهتان ومن بكرا جاهم وبدت تتغير نفسياتهم كلهم الثلاث مع ان سهام كان فهد بس يدق عليها ورنيم ماتبي ترجع له ابد الا اذا شافت سهام مسامحته وهو متقطع ندم
مر على روحتهم عشر ايام وكانو في يوم طالعين يتمشون ودخل بدر وسهام محل ياخذو لهم حلويات ويرجعو وهتان كان واقف برا ويناظر جواله
جته بنت سعوديه
البنت : اخوي
هتان يحسب لواحد ثاني مب هو
البنت : اخويي
هتان: انا؟
البنت : ايه
هتان : وش بغيتي
البنت : انا ضعت واهلي معرف وينهم وشفت شكلك قلت كنك سعودي والحمدلله انك سعودي وابي اذا ماعليك امر تعطيني جوالك بكلم جوالي مع اهلي
هتان : ابشري خذي كلمي
اخذت البنت جوال هتان وكلمت ورجعته له
البنت : مشكور اخوي معروفك ذا ما بنساه
هتان: العفو
كانت البنت بتروح بس وقفها هتان : وين رايحه
البنت :بوقف هناك لمن يجو اهلي
هتان : لا وقفي هنا لا يجيك شي وانا بوقف لمن اشوفك مع اهلك
البنت : مشكور
طلعو بدر وسهام وشاف بدر البنت وسأل هتان وقاله هتان عنها وجلسو ينتظرو لمن يجو اهلها جو اهلها
اول ماشاف هتان اهلها عرف واحد منهم وكان يناظر فيه يتأكد الا طلع خويه
هتان : سالم ؟
سالم : هتان؟
هتان : يالله حيه اخبارك وين الدنيا فيك
جلسو يسلمو على بعض وبدر مستغرب من ذي الصدفه وسلم على خوي هتان واخذو سالم وجلسو يسولفو وخلو سهام مع البنات الي هم اهل سالم سلمت عليهم وجلست عندهم
بدو البنات يعرفوها على نفسهم كانو بنتين وامهم ساره ولمى وامهم ام سالم
لمى : تشرفت فيك انا لمى
ساره : وانا ساره
ام سالم : وانا ام سالم
سهام : تشرفت ياعيني انا سهام
جلسو يسولفو ويتعرفو على بعض عبال مايجو العيال
بعد مده جو وكل واحد راح غرفته طلعو صدفه كلهم بنفس الفندق
اول مادخلت سهام الغرفه انسدحت
بدر : ها كيف اعجبوك
سهام : يجنننووونننن
بدر : الحمدلله
قاطعهم هتان الي يطق الباب طلع له بدر
بدر: وشفيك
هتان: بس حبيت اعلمك بطلع انا وسالم وشويات وبرجع
بدر: هتان والله ثم والله ان شميت فيك ريحتهم او جاي لهم انتي لا اموتك
هتان: شفيك يا ابوي الثاني مابسوي شي بنروح مع بعض ونرجع
بدر : زين لاتطول بنتظرك
راح هتان وسالم ياكلو ويتمشو ويسولفو وختموها بالروحه للشاطئ وجلسو عنده
سالم:هتان يااخوي والله اني اعتبرك اخوي واكثر وانت الي ربي عوضني فيك اني حاس بوحده بدون اخوان بالبيت
هتان: ياحبيبي والله انت احسن صديق واخ عرفته يازين هالصدفه الي جمعتنا
سالم: هتان بما اني لقيتك اخيراً وابي اطلب منك طلب
هتان: عيوني لك امر
سالم: بزوجك اختي
هتان: والله ياخوك انتم والنعم فيكم والشرف لي اني اناسبكم بس والله اني تو طالع من صدمات عاطفيه وجيت هنا اغير نفسيتي خلني افكر بالموضوع واقولك
سالم: ابد ياخوك خذ راحتك وعطني خبر
جلسو يسولفو بعدها رجعو الفندق
بدر : لا احلف كان نايم احسن مب قلت لك اني بنتظرك
هتان: شسوي خذتنا السوالف بس اسمع امش عندي بالغرفه بقولك وش صار
بدر: جويي واضح في شي حماس اصبر بشوف لسهام واجيك اسبقني
راح بدر لسهام
بدر : ترا بروح عند هتان بغرفته شويات واجي
سهام: خذ راحتك
راح بدر لهتان وجلس هتان يقوله وش قاله سالم
بدر: انت استخير ملليون مره بعدين لارجعنا قول لأبوي واذا رفض قول لي
هتان: لا مابي تجيني صدمه من ابوي تخيل اجيه ابتسامتي واصله اذاني ويجي يقول لا ابي يقول ايه عادي ف تعال معي يداً بيد ونقوله
بدر: يالليل ليش ماتعرف تقنعه
هتان: لازم انت معي اذا شافك معي يعرف انه زين واذا مانت معي بيعرف انه شين لازم انت يالرأي المقدس
بدر بضحك : خلاص طيب
رجعو بعد بكرا للرياض وسالم واهله كذلك وكان بدر وسالم وهتان مع بعض والبنات مع بعض وكلهم مستانسين ببعض يحسو بالأنتماء
وصلو للرياض بعد رحله ممتعه وودعو بعض وكل واحد راح بيته
.....••.......
عند بدر وسهام
سهام: بدر
بدر : هلا عيني
سهام: ياخي خايفه من فهد مابي اشوفه
بدر : ماعليك ياعيوني مابيسوي لك شي عندك عمي
سهام: ادريي بس اخاف اذا قال سامحيني ياخي معرف لازم احضنه دايم اذا زعلني يعرف يراضيني بسرعه
بدر : طيب لو جاك وقالك سامحيني بتسامحينه
سهام: ايه بس كل ما اتذكر كلمته وحركته قلبي يوجعني
بدر : اسمعي ياعيني اكيد هو كان بلحظة غضب واكيد منضغط من الشغل واكيد من التعب وضغط الشغل نفسيته تكون قافله ف ماقدر يجي رنيم عشانها حامل حصلك انتي ف طلع الحره فيك وتشوفينه الحين كيف ندمان ورنيم ماتبي ترجع له الا اذا سامحتيه ف سامحيه ياقلبي ولاتخلين ولده ينولد بعيد عنه
حضنت سهام بدر ودمعت: ياخي عشان كذا انا مابي ازعل عليه وابي اسامحه بس خايفه
بدر : ماعليك ياعيني شفتي لو سوا شي بجي انا وعمي وبجلده لمن يعض الارض
سهام : طيب
من بكرا راحت سهام لأهلها
وكانت رولا فيه وفهد نايم دخلت سهام وسلمت عليهم وتقهوت معهم وبعدها طلعت هي ورولا فوق لغرفة سهام يسولفو
رولا: سهام امسكي هيام بروح شوي واجي
سهام: زين
راحت رولا لفهد تصحيه
رولا: فهد فهدد
فهد: وشفيك
رولا: تبي تراضي سهام؟
فهد فز من نومه: ايهه
رولا: طيب اخلص قوم والبس وغسل وجهك ترانا بغرفتها ارسل لي رساله عشان ادخلك عليها واطلع
قام فهد وراح باس راسها : كفوو معروفك ذا مابنساه
رجعت رولا لسهام وجلست تسولف معها وانتبهت لرسالة فهد
رولا: بروح اشرب مويه واسوي حليب لهيام خليها عندك
سهام: تمام خذي راحتك
طلعت رولا ودخلت فهد وسكرت الباب
سهام ناظرت رولا بصدمه لكن اول مالتقت عينها بعين فهد لفت راسها وجلست تلاعب هيام
فهد قرب لها واخذ هيام منها ونزلها على السرير ومسك يدين سهام لكن سهام سحبت يدينها ورجع مسكهم بقوه وناظر لعيونها
فهد: سهامي انتي والله كل ما املك واحب انسانه لقلبي ووالله انه كانت نفسيتي خايسه وبدون وعي سويت كذا ولا والله ما اسوي كذا تعرفيني سهام تكفين والله اني كل يوم اتعذب وابوي وامي مايكلموني الا لمن انتي تسامحيني ورنيم بعد ماتبيني الا لما تسامحيني واذا ماسامحتيني ولدي بيكبر بعيد عني وكلهم ماراح يكلموني وانا بموت من الندم والقهر والله النوم اني ما ارتاح به ولا الاكل ولاشي الندم كنه همم كبييرر على قلبيي والله اني بدونن وعي ياسهامي انا اسف على كل شي تكفين سامحيني وارجعي سهامي الي قبل وربي ماراح اسوي شي ابدد ولا بعيده ولا انوي اني اعيده ابد تكفين سهامي
حضنته سهام وبكت من كلل قلبهاا وطلعت كل البكيات الي كانت بقلبها وفهد كذلك حضنها بقوه وجلس كل واحد يبكي بحضن الثاني
سهام ببكي : مسامحتك ياعيون اختك انت
شد فهد عليها بقوه بعد كلمتها وبكى زياده
بعد لحظات بكى بين فهد وسهام سكتو من بكاهم ومسحو دموع بعض وغسلو وجههم وجلسو يضحكو مع بعض ويلعبو بهيام
دخلت عليهم رولا
رولا: الله اخيراً يازيينكمم يلا هاتو بنتي
سهام بضحك: توك تتذكرين بنتك
فهد: شكلها كانت تكلم حمودي حبيب القلب وسحبت علينا وعليها
سهام: شكلهاا
رولا: غيوريينن
سهام: نغار من وش كل واحد متزوج
فهد الي حس بتكه بقلبه وتذكر رنيم
رولا: بتعطوني بنتي ولا مافي مفاجأة
ناظر فهد وسهام بعض بأستغراب
سهام: من متى بتعطينا مفاجأه
رولا: والله بعطيكم بس هاتو بنتي
اعطتها سهام بنتها وطلعت رولا ومسكت رنيم ودخلتها
رولا: ها بالله اعرف افاجئ صح؟
فهد: صح وصحين وثلاث واربع ومليون وركض حضن رنيم
سهام بتصفيق : واوووو اجتمعوا العشاق اخيراً
رنيم : فهد خذها من بدر 16 يوم بعدين رجعها وخلنا نطقطق عليهم
فهد : فكره مره حلووهه لازم نسويها
سهام: اصلاً بدر ماراح يوافق موتو حره
فهد: اعرف اقنعه اصبري بس
جلسو يسولفو ويضحكو مع بعض وابو فهد وام فهد رجعو يتكلمو مع فهد لما شافوه يتكلم مع سهام ويضحكون
جا الليل وابو فهد وام فهد راحو ينامو وبقا فهد ورنيم وسهام ورولا وهيام
فهد : اسمعو شرايكم نقنع ابوي بكرا ونروح الديره ولبيتنا بالديره اشتقت لأجواء زمان
سهام: تم تم تم وناخذ بدر واهله معنا
رولا: مدري بشوف محمد
رنيم : اذا انت معي موافقه
فهد : رولا انا بقنع محمد سهام كفو عليك فكرتك بطله
سهام: تمام الحين اذا جا بدر قول له وانا بقول للبنات وامي وابوي يقولون لعمي وخالتي
فهد: حلوو
جلست سهام تجهز اغراضها عبال مايجي بدر ورولا كذلك جا بدر وطلعت له سهام وفهد راح فهد يسلم على بدر وجلس يقوله عن الموضوع
بدر: قدام يعني بكرا نمشي
فهد: نقنع ابوي وعمي هذا اهم شي عشان نمشي
بدر : ابوي اصبر تبي اقنعه الحين وهو يقنع عمي
فهد: يمكن نايم الحين خلها بكرا انت تقنع عمي وانا اقنع ابوي
بدر: تم
.
.
.
.
يتبع
