بارت 31
.
.
.
.
من بكرا راحو سهام وبدر لبيت ابو سلمان
دخلو وسلمو على الكل وراح بدر لهتان
دخل عليه غرفته وهتان ما انتبه
هتان: ريفان اذلفي وسكري الباب لا اتوطا في بطنك
بدر: اسكر الباب بعدي؟
فز هتان اول ماسمع صوته : لا امش حياك ادخل
راح بدر له وجلس عنده
بدر بأبتسامه: ياخوك لاتكدر خاطرك وعرسك قريب انا بجنبك انبسط ياروح اخوك
هتان حضن بدر : ياعيون اخوك كيف بنبسط وانت زعلان علي والله اني اسف
بدر: لايهمك ياعيني خلاص ذا من الماضي يلا قوم ورني وش جهزت ووش سويت لزواجك
بدأ هتان يوري بدر ومبسوطط مره ان بدر رجع كلمه
،
،
جا يوم عرس هتان وكان الكل مبسوطين والكل في الصالون يتجهزو خلصو البنات من الصالون وكلهم راحو بيت بدر وسهام سهام كانت مع البنات وبدر مع العيال وخصوصاً هتان جالس يهديه ويضبطه
عند البنات
ام سلمان: سهام بنتي ضابط شعري ولا يحتاج له تعديل
سهام: تهبليييينن بيقولو ام المعرس بططلهه لو مهي متزوجه خطبناها
ام سلمان جلست تضحك
ريفان: اص اص لايسمعك ابوي تشتغل نيران الغيره
رفيف: شفتي الغيره حقت بدر العن منه
سهام: نمزح بيقولون ياحظ مجودي فيها
ابو سلمان: اي اشوا
سهام: يمهه عمي
ريفان بضحك: ماقلت لك
ابو سلمان: يلا اخلصو ترانا شويات وبنمشي
سهام : ابشر
خلصو البنات ولبسو وراحو القاعه وشافو لمى و ساره ورجعو عند المعازيم كانت سهام جالسه وجتها ساره نادتها
سهام: هلا عيني
ساره: تقدرين تجين لمى تراها شوي وتنهار من الخوف
سهام : ابشري يلا بروح لها
راحت سهام للمى
سهام: يازييينن الحلويين
ماتحملت لمى دموعها وبكت
راحت لها سهام : افا افا لييهه
لمى : سهام احس خايففهه اخاف منه ياخي ما احس اندمجت معه مره
سهام: ماعليك ياعيوني هتان انا حافظته حفظ من وحنا صغار اشوفه وللحين ماعليك حنون ومستحيل يأذيك وشوفي انا يوم تزوجت ترا كنت خايفه ولا اطيقه الحين يالله يسحبوننا من بعض
ضحكت لمى: طيب تكفين خليك عندي لمن يجي هتان
سهام: ابشري بس اصبري بناديها تجي تعدل مكياجك
جت حقت المكياج تمكيج لمى وتعدلها وجلست عندها سهام تهديها وتنسى التوتر شوي
.....••....
عند الرجال
بدر كان كل شوي عند هتان يمسكه ويهديه
بعدها بمده قصيره جا هتان بيدخل على لمى
بدر: يلا اهدى الحين لازم تتصرف بعقلانيه وادخل بهدوء يلا
هتان: يلا انتبه لنفسك
،
دخل هتان على لمى وسلم عليها وصورو مع بعض واخذها وراحو للفندق
عند الرجال كان بدر يرقص ومبسوط بزواج هتان هو وسلمان وابوه وفهد وابو فهد
وهم يرقصون بجهه بالسيوف والجهه الثانيه بالسلاح
كان في بينهم واحد مايحب ابو سلمان ولا عياله وشاف بدر على الطرف واطلق عليه مع رجله
بدر طاح على الأرض وسلمان وفهد ركضو يمسكونه الي اطلق على بدر
ابو سلمان : بدر ياولدي لاتغمض عيونك تحمل شوي ياعيون ابوك كان ابو فهد وابو سلمان والعيال الي من جماعتهم ماسكين بدر يركبونه سيارة ابو فهد
اخذوه للمستشفى ركض وفهد وسلمان مسكوه الي اطلق على بدر وودوه للشرطه
في المستشفى اخذو بدر بالناقله ركض
ودخلوه غرفة العمليات
وابو سلمان وابو فهد ينتظرونه
ابو سلمان: نايف تعبتت انهد حيلي الولد هذا روحي كله روحي توجعن كل ماتوجع والحين كله من سعود وعياله
ابو فهد: اهدى يابعدي بيطلع بالسلامه ان شاء الله لاتكدر خاطرك
......••....
في الشرطه كان سلمان ماسك احمد ( الي اطلق على بدر)
ويدفه داخل
الشرطي: امر وشفيك جايبه كذا
سلمان: امسكوه لا اموته
الشرطي : اهدا اخوي قول وش مسوي
سلمان: كان بيذبح اخويييي
الشرطي مسك احمد ورماه في التوقيف وراح للمستشفى مع سلمان وفهد عشان بياخذ افادة كل واحد فيهم اول ماوصلو راح لأبو سلمان
الشرطي : السلام ياعم
ابو سلمان وهو يمسح وجهه ودموعه: هلا فيك ياولدي
الشرطي : ياعم اهدئ الي يطول لي بعمرك
ابو سلمان : كيف تبيني اهدئ وولدي بين الحياة والموت
الشرطي : طيب ياعم ليش اطلق على ولدك؟
ابو سلمان: لانه بيننا عداوه منه هو واخوانه وابوه
الشرطي : يعني انتقام
ابو سلمان: والله ياولدي اننا ماضريناهم ولا جيناهم وهم وابوهم حاقدين علينا وخربو فرحتي بولدي الي زفيته عريس وكانو بيذبحون اخوه
الشرطي : ماعليك ياعم بيطلع سليم بس قول لي سبب العداوه
ابو سلمان: زمان اول كنا اخويا ونويت اني اخطب وجاني واعترض قال لا ماتتزوج هذي واقوله ليه يقول انا ابيها انت خذ وحده ثانيه وكل مابخطب يجي يعترض علي الا يوم جا فيه ورحت خطبت وحده وسويت كل شي وملكت وتزوجت بدون لايدري ولما عرف من الي تزوجت انجن علي وقال انه هو كان يحبها واني غدرت فيه وكانت حركاته حركات مراهق وانقطعت علاقتنا ولما اجتهدت زياده واسست شركتي جلس يتمصلح ولما رفضته يجي يتوظف عندي راح لكل الشركه وقال لواحد واحد تراه متزوج الي احبها وغدر فيني وجلس يكسر فيني وانهارت شركتي ومافي احد اشتغل عندي وتهاوشنا انا وهو هوشه قويه وصلت للمحاكم وسجنته ومن بعده حقد علي وانا رجعت اسست شركتي وبنيت عايلتي وهو للحين يبي يذبحني ولا يذبح احد عيالي
الشرطي : ولا يهمك ياعم بيطلع ولدك وانا اعلمك فيه هو وعياله
ابو سلمان : جزاك الله خير ياولدي
طلع بدر من العمليات وكان يتألم مره
الدكتور : ابشركم بخير الحمدلله بس كانت الرصاصه عميقه شوي لكن الحمدلله تطمنو بخير بس اعتنو فيه ولا يشد نفسه او يمشي عليها وادويته خلوه ياخذها اول بأول بس لازم يتنوم عندنا يومين ويطلع عشان نتطمن عليه تماماً
ابو سلمان :زين جزاك الله خير
راح ابو سلمان لبدر وكان يبكي
بدر فز : يبه وشفيك يوجعك شي
ابو سلمان: حتا وانت في عز تعبك تفكر فيني ماعليك ياولدي دموع فرحه عشانك طلعت مافيني شي وترا بتنام هنا يومين عشان يتطمنون عليك
بدر: لايبه تكفى مابي تدري فيني اكره اجواء المستشفى الحين مكتوم ابي اطلع
ابو سلمان بحده: والله ماتطلع هذاني حلفت اجلس وخلهم يتطمنو عليك
بدر : ابشر بس خلو عندي سهام
ابو سلمان: انا بجلس عندك خلها ترتاح
بدر: لا يبه انت ارتاح انا ابيها عندي
ابو سلمان: زين
راح ابو سلمان للبيت وكانو البنات متجمعين
ام سلمان: وينكم مختفيين
ابو سلمان : اجلسو بكلمكم بموضوع
جلسو وكلهم يسمعو لأبو سلمان وهو يقول كل شي
سهام: عمي تكفى وينه الحين بروح له
ابو سلمان : هو اصلاً يبيك قالي ارجع وخلي سهام تجي عندي
سهام: طيب ببدل واقول لفهد يوديني
راحت سهام تبدل وكلمت فهد يوديها ونزلها ورجع لرنيم
راحت سهام لبدر و اول ما شافها صار بحضنها
بدر : سهامي ليش طولتي
سهام : معليش ياقلبي
بدر الي حضن سهام بقوه: سهام انا ليش دايماً المستهدف مايدرون انها تطلع روووححييي بسببهم كلها عشان حقد بحقد وانتقام انا تعببتت تكفين سهام خليك معي
سهام وهي تحضنه: ببقى معك وانا معك اصلاً بس لاتخاف ياروحي بتتشافئ قريب بأذن الله وراح نتسابق مع جبل
بدر : ياربب
جلسو شوي وكان بدر بس ماسك يد سهام ويتألم
سهام : بروح ادعيهم يعطونك مسكن
بدر: لا بيخف انتي اجلسي عندي
سهام: بدر والله لا ازعل عليك اصبر هذاني بناديها
عند الباب
راحت سهام تناديها ورجعت بسرعه لبدر وجلست عنده تسولف معه تحاول تخفف عنه شوي من الالم
جت الممرضه وبتعطيي بدر ابره منومه ومهدئه ومسكنه
بدر بس شاف الابره كيف كبيره وبيحطو مغذي زياده كان بينهار : سهام لاتكفين خلاص ماعاد صار يوجعني
سهام مسكت راسه ولفته وخلته يناظر بعيونها ومسكت يده
وطقته الابره وكان يتألم شوي لكن كان يتأمل عيون سهام
بعد ماطلعت الممرضه
بدر بدأ يهدى شويات ونام وهو ماسك يد سهام لما نام بدر راحت سهام واخذت بطانيه ونامت على الكنبه الي جنبه
من بكرا ببيت ابو سلمان جاهم هتان هو ولمى وسلم عليهم
هتان: الا وين بدر ماله حس حتا ارسله مايرد
ريفان : بالمستشفى
ناظر ابو سلمان ريفان بحده
هتان بخوف: هاه وش تقولين وشفيه
ابو سلمان: اوعدني ماتسوي شي
هتان : يبه تكفى وشفيه
ابو سلمان : اوعدني
هتان : وعد
ابو سلمان قال لهتان السالفه هتان نط وراح لبدر ولمى اخذها
وصلو المستشفى
وراحو لغرفة بدر وفتحت لهم سهام
هتان : سهام وينه
بدر: تعال ياعيون اخوك
دخل هتان بسرعه وحضن بدر وسهام اخذت لمى وطلعو
هتان: بدر ليش ماعلمتني يوجعك شي الحين فيك شي؟
بدر بأبتسامه: لايهمك ياعيون اخوك انا بخير ان شاء الله وبطلع بكرا او بعده بس انت لاتشيل هم خذ زوجتك وروحو انبسطوا
هتان : ماني رايح الا لما تطلع
بدر بحده: هتان
هتان: امر
بدر: روح وانبسط انا مافيني الا العافيه بطلع قريب وبترجع تلقاني حصان
هتان الي مسك يد بدر وبدأ يبكي: بدر تكفى قلبي يوجعني عليك مابي اخليك والله واذا يدري سالم بعد بيقول اجلس عند اخوك حتا لمى
بدر حاول يجلس ويتعدل بعدين ناظر هتان بحده : هتان ياعيون اخوك روح انا مافيني الا العافيه بطلع قريب وانت روح مع زوجتك ونسها لاتجلس مكدر خاطرك وساحب عليها كأنك مجبور انتببه تسوي كذا روح انبسط وخلها حتا هي تنبسط اذا تعزني ياعيون اخوك روح
هتان قام وحضن بدر : ابشر ياروح اخوك ابشر بس امانه كل يوم ورني كل شي تسويه وطمني عليك
بدر: ابشر بس انتبه لنفسك واسمع الكلام
هتان بأبتسامه: من عيوني يلا مع السلامه
طلع هتان وشاف سهام ولمى جالسين
هتان : سهام بكلمك
سهام: هلا
هتان: اسمعي امانه انتبهي لبدر وتكفين لايصير له شي واذا اوجعه شي ولا يبي شي علميني تكفين بدر امانه عندك بروح انا وبخليه امانه انا واثق بك
سهام : ابشر ماعليك انتم روحو وانبسطو وانتبهو على نفسكم
هتان ولمى : ان شاء الله
.
.
.
.
يتبع
