بارت 25
.
.
.
.
رجعو سلمان واسيل من سفرهم واخذو مجود وتركي
•
•
بعد اسبوع دخل الشهر الفضيل عليهم وكان ابو فهد وابو سلمان مشهورين بعادتهم في ليلة اول يوم رمضان يوزعو اكل على كل الي بحيهم وعلى المحتاجين وبدر سوا مثلهم هو وفهد بما انهم نقلو بيوت لحالهم
مر اول رمضان لسهام وبدر وكانو سعيديينن انه اول رمضان مع بعض
خلص الشهر الفضيل وجا العيد السعيد
....••.....
ببيت ابو سلمان
كانو الكل موجودين
كانت سحاب بتكلم سلمان الي ماسك مجود يصفقه
سحاب: سلمانوه
سلمان: وشفيك
سحاب : تعبت وانا اصوت اخلص تعال بقولك شي
راح سلمان ورا سحاب
سلمان : فيك شي يوجعك شي
سحاب : لا بس بقولك شي
سلمان: وشو
سحاب : احم احم من شوي رجعت من برا تعرف وين رحت؟
سلمان: السوق
سحاب : لا رحت المستشفى
سلمان بهلع: ليه وشفيك
سحاب : اهدى اصبر خلني اكمل ، احم وسويت تحاليل وطلعتت حامللل
سلمان: هاه تكذبييينن قولي والله
سحاب : والله
سلمان حضنها : ياربيي لكك الحمددد بيصيرر العيد عيدييينن
....••....
عند البنات
ريفان : سهام بطلب طلب
سهام : كلي لك
قاطعهم بدر : تخسين انتي لي
ريفان : يالليل ياذا
سهام : ماعليك قولي وش تبين ياعمري
ريفان: سوي لي ميكبي
سهام : من عيوني
بدر : خيرر تدلعينها وانا لا
ناظرته سهام بضحك : تبي احط لك ميكب بعد انت تامر امر
بدر : لا ابيك انتي
ريفان ورفيف: وععع
بدر : يع عليكم غيورينن
ريفان : اقول قم اذلف وخلنا نخلص بعدين خذ سهام يع عليك وعليها
سهام : مافي ميكب
ريفان : يع عليك انت لحالك
جلسو كلهم يضحكو عليها وبدو البنات يتجهزو
جا صباح العيد وكان الكل يركض
راح بدر لسهام
بدر: سهامم وين عقالي
سهام: شوفه فوق السرير
حصل بدر عقاله وجلس يضبط نفسه وكانت سهام تتمكيج وتجهز ملابسها وما انتبهت لبدر اول ما انتبهت له شافت جماله وكيف كشخته تجنن
سهام: ياحظييي وش هالجمال والكشخه
بدر اخذ طرف شماغه وحطه على وجهه : يازييينكك بس سوي مقدمات شوي استحيتت
جلست سهام تضحك عليه وراحت تلبس وهو جلس بيشوف كشخة سهام قبل يطلع
لبست سهام فستانها وعدلت شعرها وطلعت من غرفة الملابس تحسب بدر راح لكن انخرشت اول ماسمعت صوته وراها
بدر: يازيييينن الزييينن بشويشش على قلبييي
سهام بخوف : يمه
بدر: وشبك
سهام: خرشتني احسبك طلعت
بدر : اخلي كل هالزين واطلع
قاطعهم هتان الي يطق الباب
هتان: بدر وجع ابوي ينتظرك اخلص
بدر: يابثر اصبر ماخلصت
هتان: والله لو انك بتتزوج ترا بتصلي
بدر: اذلف بس خلني اخلص
كان بدر يكذب مايبي يروح بدري يبي يتأمل سهام وهي تتضبط
سهام: يالكذوب هذا انت جاهز
بدر : ابي عندك
سهام : بترجع لي بتجلس شويات وبترجع
بدر : حضن اخير وبذلف عشان ابوي وعمي بيخلوننا نقهوي الرجال ونحوس ومابجي الا متأخر
سهام فتحت يدينها : يلا
اسرع بدر وحضنها : اللههه ينفع ما اروح؟
سهام: احس دلعتك كثير يلا اخلص لاتخليهم ينتظرون
قاطعهم هتان مره ثانيه : بدر اخلص اقامو الصلاة وانت توك بالعاده انت اولنا ولا سلقتك اخرتك
طلع له بدر : وجع انت السلقه
هتان: ماركزت الا على ذي يلا امش اخلص
وهم نازلين بدر حب يرجع لسهام يحضنها مره ثانيه الخفيف
بدر: يوهه اصبر نسيت شي
هتان: والله ان تأخرت اني لا ارسل لك ابوي
بدر: لا باخذه بسرعه واطلع
هتان: عجل
راح بدر يركض لسهام
سهام: بسم الله وشبك
ركض بدر وحضنها بقوه
سهام بقلق: صاير شي
بدر بضحك: لا بس بحضنك اخر مره ويلا باي
سهام: انت بس خلص شغلك وبجلدك خرشتني
بدر: بسم الله عليك يلا بروح الحين هتان يصفقني
طلع بدر ونزل ركض لهم
ابو سلمان: وشبك ياولدي تأخرت
بدر: جلست اتجهز واحوس
هتان: يبه كذاب ماسكته سلقته
ضرب بدر هتان مع كتفه: وجع
ابو سلمان: استح على وجهك ياولد ماتقول لزوجة اخوك كذا
هتان: ابشر
بدر جلس يضحك عليه ويعانده
راحو صلو ورجعو سلمو عليهم وعايدو بعض بعدها راحو الرجال لبيت ابو سلمان والحريم لبيت ابو فهد
ببيت ابو فهد
كانو البنات كلهم متجمعين نادت رنيم سهام على جنب
سهام : وشفيك
رنيم : سهامم ساعديني
سهام: وشوو
رنيم: احم انا اول شي حامل من نص الرمضان وفهد مايدري للحين وابي افاجئه بس معرف كيف
سهام : كذاابببهههه الللههه اخيراً بشوف عيال فهدووهه مبرووكك ياعيونيي
رنيم: الله يبارك فيك ياقلبي بس الحين ساعديني كيف افاجئ فهد
سهام : احم اول شي العبي بأعصابه بعدين قولي انا حامل ترا اذا ابي افاجئه كذا اسوي وتضبط ينسى كل عصبيته
رنيم : تمم بس خليه يصفقني بجيك واصفقك
سهام: ماعليك مضمونهه
رجعو للبنات وعلموهم ان رنيم حامل وسحاب علمتهم بعد وجلسو يباركون ومبسوطين
بعد ماخلصو عيدهم راح فهد ورنيم بيتهم
بدت رنيم تطبق تعليمات سهام
فهد: رنيم حبيبتي انطقي وشفيك ترا اعصابي تلفت
رنيم: مستعددد؟؟
فهد: ايي اخلصيي
رنيم: احم انا حامل
فهد وهو مب مصدق: هاه؟
رنيم: حامل
فهد: مين ؟
رنيم : والله سهام ماقالت انك فاهي لذي الدرجه
فهد: سهام حامل؟؟
رنيم مسكت راسها: اناا ياغبيي
فهد بصرخه: احلفييي
رنيم: والله اخيراً فهمت
حضنها فهد وجلس يعطيها شروط منها انك ماتتعبين نفسك وماتشتغلين ولا تسوين شي يجهدك
....••.....
بعد اسبوع جت ملكة هتان على هيا
هتان ركض لريفان يحضنها
ريفان : يعع وشبك
هتان: يازفتت متوترر ادخلي معي
ريفان: احسن هذا الي تبيه
هتان: ياحظ فهد وبدر بسهام تهديهم مب انتي ياسلقه
ريفان: يع عليكم كلكم
هتان : مالتت بروح لرفيف احسن لي
راح هتان لرفيف
رفيف: ارحبب
هتان: هلابك
رفيف: وشفيه وجهك مقلوب
هتان: ياخيي متوتر احس ام الركب جتني
رفيف : تعال تعال
جلست رفيف تتكلم معه وتهديه
.....••....
راحو للملكه وكانو البنات مبسوطين ان هيا اخيراً بتبقى معهم
اول مادخل هتان على هيا كان مستحي ومتوتر وهي اكثر منه اتصورو مع بعض وطقطقت عليهم ريفان وطلع هتان وانبسطو مع هيا ورجعو بيوتهم
......••.....
بعد يومين اتصلت هيا على هتان
هيا : السلام
هتان: وعليكم السلام
هيا : هتان بتكلم معك بموضوع واتمنى ماتزعل
هتان: وش بغيتي قولي
هيا: الصراحه هتان انا احس اني ما ابغاك وابي اقولك من الان عشان نقدر نسوي شي قبل الزواج والمهر برجعه لك كامل بس خلاص حاول تنهي الموضوع لاني ما ابيك
هتان حس كل شي بداخله تكسر ويالله نطق : طيب ليه وش انا مسوي عشان ماتبيني
هيا : الصراحه كنت مرتاحه بعد ما استخرت لكن الحين كل ماقرب زواجنا احس بضيقه ف كنسل كل شي بهدوء
هتان: كيفف ما اقدرر وش بيقولون بياخذ بنت الناس لعبه! بس ملك عليها قال ما ابيها؟
هيا: ماعليك ابوي واخواني بقنعهم وانت اقنع اهلك وخلاص كل واحد يروح بطريق يلا مع السلامه
سكرت هيا وهتان انهار
اتصل هتان ببدر ملجئه الوحيد
هتان ببكى: بدر تكفى تعال
بدر: ياولد وشبك
هتان: تعال واقولك كل شي
جا بدر وقاله هتان كل شي
هتان بأنهيار وبكي : ياخي يابدر انا كل ماحبيت احد يطلع يكرهني ومايبيني ليه انت قلت بالحلال وانا خذيته بالحلال من دون لا اكلمها قبل الخطبه حتا
حضن بدر هتان : ياروح اخوك انت ماعليك يمكن شر وابعده ربي عنك اهدى وانا اخوك بتجيك بنت الحلال الي تسر خاطرك لاتبكي يابعدي ماتستاهل دموعك وابوي بقنعه لك لاتخاف
حضن هتان بدر وجلس يبكي ومانطق شي
....••....
فسخو كل شي بينهم هتان وهيا وكل واحد راح بطريق
مر شهر وهتان باقي مكتئب وقلبه يوجعه وبدر مبتلش فيه يحاول يسعده لكن ماغير يمسك يد بدر ويحطها على قلبه ويقول احس بسكين داخله اتركني اطلعها لوحدي وفي يوم راحت سهام لبيت اهلها عشان فهد فيه هو ورنيم كانو نايمين وراحت هي لهم الساعه 1 الظهر عشان بدر بيطول بدوامه
دخلت سهام وشافت امها ورنيم جالسين مبسوطين دخلت وسلمت عليهم وجلسو يسولفو وراحت ام فهد غرفتها وبقت سهام ورنيم جلسو يسولفو وبعدها اختلفت ارائهم على شي وجلسو يمزحو ويمسكو شعر بعض بشويش
سهام بضحك : فكي وافك
رنيم: فكي انتي اول
دخل عليهم فهد وشافهم ماسكين شعور بعض وكان هو قافله معه ونفسيته خايسه وشافهم ماسكين شعر بعض خصوصاً سهام كانت مسكتها تعبر انها قويه وهي خفيفه وكان مايبي رنيم يجيها شي لاهي ولا ولده
راح لسهام واعطاها كف ومسك يدها ولفها
سهام: اهه فهدد شفيكك
فهد بعصبيه وصراخ:من قالك تمدين يدك عليها ولا عشانها حامل وانتي لا! ان شفتك ماده يدك عليها مب احسن لك تسمعينن
وترك يدها ودفها على الارض واخذ رنيم وطلع غرفته
كانت سهام مصدوومهه من ردة فعله ورنيم كذلك
اتصلت سهام على بدر وجا بدر اخذها
كانت سهام طول الطريق تبكي وبدر يسألها شفيك ماترد عليه
.....••....
عند رنيم وفهد
رنيم: فهدد خيررر تضربها ترا كنا نمزح ونلعب وش ذا الكلام الي قلته لهاا وربي يافهد اذا هذي سواتك والله ما اجلس عندك دقيقه وحده وبربي ولدي لحالي عشان مايسوي فخواته كذا
فهد الي استوعب الي سواه والي قاله : اسكتيي انتي بعدد وولدي بيجلس عنديي اناا
رنيم : والله ما اجيبه عندك الا لما تسامحك سهام وانا مالي قعده عندك ولاتكلمني ولا تنطق بحرف
اتصلت رنيم على ابوها وجا اخذها
ابو رنيم: وشفيك ياعين ابوك ليش فهد ماجابك
رنيم: بس يبه انا اشتقت لك وقلت ابيك تاخذني وبجلس عندكم كم يوم فهد مشغول بشغله
كانت رنيم ماتبي تقول ل ابوها باللي سواه فهد عشان ماتخرب صورته قدام ابوها
....••...
عند بدر وسهام
بدر: ياروح بدر انتي وشفيكك
سهام قالت له كل شي
بدر: بروح العن شكله
مسكته سهام: اتركه بدر تكفى مابيه خلاص ولا ابي اي شي يخليني قريبه منه
بدر حضنها: ياروح بدر انتي لاتشيلين بخاطرك اهدي تكفين لاتتعبين نفسك واذا على سالفة انها حامل وانتي لا مايهم ماعليك انتي ركزي في دراستك وبعدين العيال
كانت سهام تبكي وتحضن بدر وماتبي تتكلم عشان ماتنهار مره
بعد مده من البكى مسحت سهام دموعها واخذت جوالها وراحت ارسلت لفهد هذي الرساله
اخر شخص توقعته ممكن يمد يده علي ولا يقول لي كذا انت مدري كيف سويت كذا مع اني ماسويت شي وكنا نمزح وانت كبرت الموضوع وعشانها حامل انا مستحيل اضرها تراني اعتبرها نفس رولا واذا انا مب حامل مايهم بجيب ولدي الي بيرفع راسي راس ابوه بس بعد ما اخلص دراستي ولاتفكر تكلمني ولا تجيني ولا تحاول اني اسامحك كسرتني بقوهه مع انك كنت اعز ما املك لكن الحين ماتعني لي شي
شاف فهد رسالتها واوجعه قلبه كثيرر وندم كثيرر
وحس كل الدنيا مقفله فوجهه
طبعاً رنيم علمت ابو فهد وام فهد وقالت لهم انا مني راجعه الا لمن سهام تسامح فهد واذا ماسامحته يبعد عني وانا بجلس عند اهلي
نزل فهد وشافه ابو فهد
مسكه ابو فهد مع ثوبه : انا مامديت يدي عليها ولا عمري جيتها ولا قلت لها اي شي انا ابوهاا تجيي انتت يا اخوها الي ماتتسمى اخو الي كانت تضحك وكنت تاخذها من بيت زوجها عشان تونسك وتسوي لك كل شي تجي انتت تضربها!! على اي اساسس على اساس انها مسكت رنيمم!! ورنيمم حتا ماتبيك اذا انت بتسوي كذااا
فهد الي ماتحمل دموعه وبكى: يبه والله كنت جاي من الشغل ونفسيتي مخيسه ومن مسكت سهام مبينه انها تضربها وماتحملت نفسي وطلعت حرتي فيها تكفى يبه مدري كيف سويت فيها كذا يبه سهام اغلى ماعلى قلبي مدري كيف ضربتهاا يبه سهام شايله علي بقلبها كثيرر يبه تكفى خلها تسامحني وربي ما المسها مره ثانيه
شاف ابو فهد فهد الي منهار مره على ضربه لأخته وحضنه
ابو فهد : يابوك انت اهجد يومين بعدين روح لها وكلمها
فهد: يبه مقدر الحين احس سكاكين داخله بقلبيي وبكل مكان فينيي ابي اشوفها يبه الحينن
ابو فهد: اذا تبي تحرج نفسك روح لها
هجد فهد شوي وجلس عند امه وابوه
...••...
عند سهام وبدر
سهام: بدر تكفى خلنا نهج نسافر احس خلاص ضايق فيني كل شي
بدر الي كان بعد وده يهج من كثر ما ابوه يتصل عليه ويقول له شوف هتان وهم هتان والحين سهام الي ضربها فهد
بدر : ابشري ثواني واحجز لنا على اي شي خارج المملكه
راح بدر يحجز وحصل حجز لبريطانيا كان الحجز من بكرا الفجر
رجع لسهام
بدر: امشي نجهز الشنط
راح هو وسهام يجهزو شنطهم وكانت سهام بس تفكر كيف فهد سوا فيها كذا
خلصو شنطهم ونامو صحو على الساعه 3 قريب للفجر راحو يلبسو وياخذو شنطهم
اتصل بدر على ابوه وعلمه انه بيسافر ومايدري متى يرجع
وسهام كذلك راحو المطار
بعد رحله طويله وصلو بريطانيا اخيراً اول ماطلعو من المطار جا هو يفتح النفس تنفست سهام لعل تنشال الضيقه منها شوي
راحو الفندق
و اول ما وصلو نامو وصحو بالليل راح بدر وجاب اكل ورجع
بدر: سهامي تعالي كلي
سهام: مابي ياعمري انت كل بس
بدر مسكها وجلسها جنبه: يلا بس شوي
اكلت سهام شوي معه بعدها رجعت جلست تشوف جوالها
خلص اكل بدر وراح انسدح بحضنها واخذ جواله وكلهم جلسو يشوفو جوالاتهم
جا الصباح وطلعو اخذو فطور وراحو يفطرو على البحر
ويطلعون الطاقه السلبيه الي فيهم
.
.
.
.
يتبع
