" سعادتي تجتمع فيها "

بارت 11

بارت 11
.
.
.
.
من بكرا الصباح بدا بدر وسِهام يخلصو اخر الاشياء عشان يروحو المطار
سلمو على الكل وراحو المطار
كانت رحله متعبه بالنسبه لهم لانهم مانامو كويس
وصلو لندن
بدر: سِهام ولاعليك امر طلعي لي لبس رسمي شوي باخذ لي شور سريع
طلعت له سِهام ملابسه وكانت ميته تعب
اول ماطلع ولبس
سِهام : ماراح تنام؟
بدر : لا وراي شغل كثير انتي نامي وريحي ولارجعت باخذك ونطلع
سِهام : طيب
راح بدر لشغله وكان كل الوقت يروح يشتغل ويخلص ويرجع ل سِهام ويطلعها ويحاول يبسطها ب اي طريقه ومايسحب عليها ولما بقي على رجوعهم للرياض 10 ايام تعب بدر جته حراره ومايقدر يتحرك من التعب
قامت سِهام الصباح وشافت بدر ماراح شغله استغربت لكن ما اعطت الموضوع اهميه تحسبه يوم اجازته وراحت تسوي فطور رجعت تصحيه عشان ياكل لكن كان يون بتعب لمست وجهه وكان حار مرهه اسرعت وجابت كمادات وكل شي ينزل الحراره وكانت معه طول الوقت تنزل حرارته وهو يصحى ويرجع ينام بعد مانزلت حرارته صحى ومسكته سِهام تساعده يروح دورة المياه ( يكرم القارى) راح لبس ملابسه وبيطلع شغله مسكته سِهام
سِهام : على وين ان شاء الله
بدر : وشفيك بروح شغلي
سِهام : ماراح تروح شايف حالتك؟ يالله يالله نزلت حرارتك وبتروح؟؟ امش اجلس مانت برايح
بدر: سِهام وراي شغلل مقدر اخليه
سِهام : يابدرر اجلس اقول / كانت سِهام تحس بالمسؤوليه وماتحب احد يمرض ويضغط على نفسه وهي ساكته
بدر الي كان منجد وده يجلس عشان مايحس فراسه من التعب : طيب
راحت سِهام تجيب له اكل وتعطيه ياكل عشان تبي تعطيه دواء شعبي اخذته من امها 😂
سِهام ضبطت الدواء له : يلا امسك اشربه
بدر : يع وش هذا
سِهام : صح يع بس عافيتك اهم يلا اخلص اشربه
تأفف بدر بقرف وشربه
وكانت سِهام طوال الايام تداريه وتساعده وماتخليه يروح شغله مرت ال10 ايام وهي تساعده وماكانت تنام زين عشانه تخاف يحتاج شي وهي بسابع نومه خلصو وبدا يتحسن بدر وتعلق ب سِهام مره كيف انها ماخلته طريح الفراش لوحده ولا خلته يروح يجهد نفسه بالشغل وكانت تداريه احسن مُداراة ورجعو الرياض بعد ماخلص بدر كم شغله ورجعو وكانت سِهام مبسوطه انها اخيراً بترجع وتشوف ريفان وامها وكل اهلها
وصلو بيت ابو سلمان
وكان الكل موجود ومبسوطين فيهم ويحضنونهم و اولهم ريفان
ريفان : اوفف يالشوق ترليونن بدر اوريك مره ثانيه باخذ سِهام ومابتاخذها معك
كلهم بصوت واحد: اييي لازم تخليها مره ثانيه
بدر : وانااا ماتبونيي🥲؟؟؟
ضحك ابو سلمان : اكيد نبيك
بدر : واضح بسم الله عليكم
بدو يسولفو وينبسطو بعدها راحو بدر وسِهام ينامو من التعب
كانو قبل لا ينامو سِهام تلمس بدر تشوف حرارته مرتفعه ولا وكانت مرتفعه بدت سِهام تحط له كمادات وتعطيه مسكن يخفف صداعه
بدر : نامي سِهام ماعليك عندي امي وخواتي الحين
سِهام : ماعليك مافيني نوم
سِهام كانت بتلمس بدر تشوف اذا حرارته نزلت ولا لكن يدها مويه ف لمسته بخدها حطت خدها بخد بدر ب اسرع شي كانت حركه تخوف بالنسبه لها لكن شتسوي عشان تشوف لحرارته
سِهام : ايوه نزلت حرارتك ، تبي اجيب لك شي تاكله؟
بدر : لالا نامي راعي وجهك تعبان
راحت سِهام تنام وبدر كان يفكر فيها وكيف انه بدا يكن لها مشاعر ويتعلق فيها
.......••........
بيت ابو فهد
عند رولا وفهد
فهد : رولا
رولا : هلا
فهد : اسمعي لو اقولك صديقي تقدم لك بتوافقين
رولا جلست تناظره بصدمه ومانطقت ولا حرف
فهد: وشفيك
رولا : خرشتني
فهد ضحك : طيب قولي توافقين ولا عشان يتقدم رسمي
رولا : هاه مدري اصبر استخير معرف
فهد: المهم اسمعي تراه زين ورجال بمعنى الكلمه وبيخاف الله فيك ومابلقى الي يحافظ عليك ويخاف عليك كثره
رولا : بستخير و اشوف 
ركضت رولا لغرفتها بتفكير وخوف وراحت اتصلت بسِهام
ردت سِهام الي ميته نوم: هاهه ماينام الواحد
رولا : مب وقتت نوممم تعالي عندييي ابيك بموضوع ضرورييي
سِهام : بنامم
رولا : سِهام تكفينن بسرعهه بقولكك
سِهام حست ان الموضوع جدي : طيب طيب
لفت سِهام تشوف بدر موجود ولا طلع مب موجود
راحت لبست عبايتها ونزلت لقت بدر وابو سلمان يتكلمو
ونزلت بسرعه
سِهام : السلام عليكم
ابو سلمان و بدر : وعليكم السلام
بدر : وشفيك لابسه عبايتك وين رايحه
سِهام : اذا تسمح بروح ل اهلي شوي
ابو سلمان: عسا ماشر اهلك فيهم شي؟
سِهام: لا مافيهم شي الحمدلله بس تبيني رولا شوي
بدر : طيب روحي وانتبهي لنفسك
دخلت لرولا
سِهام : اخلصيي وشفيك
رولا : تخيلييي صديقق فهد خطبني يمهه سِهام حسيت بشعوركك بالخوف والتوتر
سِهام : احسنن وبتبكين واقولك اسكتييي لايخرب المكياج
ضربتها رولا : اجيبك عون تصيرين فرعون؟
ضحكت سِهام : ماعليك ياخي يمكن زين استخيري انتي وان شاء الله يكون زين
رولا : ياربببب
بدو يسولفو مع بعض
بعدها بيومين تقدم صديق فهد ( محمد ) لخطبة رولا
وتمت الموافقه وانبسطو كلهم ل رولا وحددو الملكه الي هي بعد شهر ونص وكانو البنات يجهزو ومبوسطين ف رولا وبدر كان كل شوي يتعلق ف سِهام وهتان وريفان تصالحو وهتان عقل
وجا اليوم الموعود يوم ملكة رولا كان الكل يركض ويحوس
......••......
بيت ابو سلمان
كانت سِهام بغرفتها تسوي شعرها تفيره بالفير وكان بدر عندها وهي تسوي شعرها انحرقت
سِهام : اهههه اففف ياربي
فز بدر بخوف ومسك يدها: بسم الله عليك يوجعك؟
خافت سِهام من ردة فعله ماتعودت عليه كذا سحبت يدها : لا ماعليك عادي
رجع بدر واخذ يدها وشافها كان حرق صغير بس واضح يوجع : كل ذا وعادي اصبري بجيب كريم
سِهام : بدر ماعليك مافي شي مايوجع
بدر جاب الكريم: اذا مايوجعك انا يوجعني منظره
سكتت سِهام وجلست تناظره وهو يلف يدها ويحط الكريم
خلص بدر من لف يدها وراح ناداء ريفان تساعدها
ريفان : الست سِهام ليش ماتسوين لنفسك فاضيه لك
بدر : اقول ساعديها شوفي يدها انحرقت
سِهام : بدر ترا عاديه اقدر اكمل لنفسي ريفان روحي كملي شغلك
بدر : اقول سوو كل شي مع بعض وكل وحده تنتبنه للثانيه لاتحرقون بعض انا بطلع
بدو يخلصو ويجهزو عشان يروحو الشاليه
......••.....
في الشاليه عند رولا
رولا: سِهام وينك اخلصي تعالي ابيك عندي
سِهام : يلا يلا جايه مسافة الطريق بس
وصلو كلهم الحين عند رولا وبدو يجهزو
سِهام : هذا انا وصلت وشفيك
رولا : اهه ي سِهام متوتره مره
سِهام : اهديي يالحب توك بالملكه ماشفتي العرس اصبري ترا بترجعين مع امي ماعليك اهدي مابتروحين معه
هدت رولا شوي وبدو يخلصو وبدو يجو المعازيم
كانت الليله مرهه حلوهه
دخل محمد على رولا وكان معجب فيها مررهه بجمالها وبكل شي فيها تجنن صدق سلم عليها وبدو يصورو مع بعض ويسولفو وارتاحت له رولا
بعد ماخلصت الملكه بسلام راحو كل واحد بيته
..........••.......
بيت ابو سلمان
سِهام دخلت غرفتها وبدلت ملابسها ومسحت مكياجها وارتمت على السرير بتعب : اهخخخخ يالتعب احس الصداع شال مخي فزت اول ماشافت ريفان داخله تركض
ريفان : امشيييي
سِهام: وشفيك
ريفان : امشي اجلسي معي تابعي المسلسل نزلت الحلقه
بدر : وانا احسب عندك سالفه
ريفان : وش عليك انت الحين انا ابي سِهام
سِهام : وسِهام تبي فراشها
بدر :  ايوووه
ريفان قبصت سِهام : امشي اقول نامي عندي طيب
سِهام : قدام امشي يلا
بدر : سِهام
سِهام : هلا
بدر : ناظري يدك اليسار شوفي صبعك الرابع وشفيه
سِهام ب استغراب وهي مافهمت وش قصده : خاتم
بدر : خاتم ايش
سِهام : زواجنا
بدر : طيب وانا مين
سِهام : مسخن شي؟ وشفيك
بدر : يعني في زوج اسألي يمكن انا ما اوافق تروحين معها
ريفان : بدرر لاتصير نذل
سِهام : ايي صحح طيب بروح معها عادي؟
بدر : لا نامي هنا
ريفان : بدر تكفى
بدر : لا زوجتي خليها
ريفان : مب زوجتك بس بالورق هي حبيبتي منزمان مب انت تجي بيوم وليله وتاخذها مافيه بعد مسكت ريفان يد سِهام بقوه وسحبتها
بدر ركض ومسك يد سِهام الثانيه وسحبها وبدو كل واحد يسحبها
بدر : زوجتييي ياريفانن خليها
ريفان : حقتيييي
سِهام بملل من حركتهم : خلاااااصصص فكوني بروح انام عند رفيف لا انت ولاهي ماراح انام عندكم ويلا سيو
راحت سِهام لرفيف
سِهام : هاييي
رفيف : ارحبييييي
سِهام : هلابك ابد اليوم ترا جايه بنام عندك نتفوني بدر وريفان
رفيف : اطلقق من ينام عندي حياك حبيبتي امشي
ونامت سِهام عند رفيف وانبسطوا
.
.
(عرس رولا كان بعد الملكه بشهرين عشان محمد يبي كل شي بسرعه عشان بيسافر خارج المملكه ويبي رولا معه )
.
.
.
يتبعع