بارت 36
.
.
.
.
مرت الايام والسنين وخلصو سهام وريفان جامعه واحتفلو فيهم وسوو حفله كبيييره لهم
وقضو اجازتهم كلها سفريات وراحه
في يوم من الايام كانو بدر وسهام ببيت ابو سلمان
ابوسلمان وبدر كانو يتكلمو وجالسين مع بعض
ابو سلمان : بدر ياولدي
بدر: سم
ابوسلمان: ياولدي لاتزعل مني بس اسمع بقولك
بدر : افا قول بس
ابوسلمان: ياولدي انت الحين متزوج منزمان وسهام توها خلصت جامعه ياولدي ماشفت عيالك ابي اشوف عيالك وهم حولك وياولدي اذا تحس ان زواجكم غلط وانا اخترت قرار خطأ بقول لعمك واخليك تتركها اذا انتم جالسين مع بعض عشاننا
بدر : اصبر اصبر يبه انا ابي سهام وانت اخترت قرار صح واحسن قرار اتخذته لحياتي انك اخترت سهام تكون مُلك لي وزوجتي واذا على العيال بيرزق ربي ان شاء الله
ابو سلمان : زين ياولدي بس شوف انت تعرف طبعنا وعاداتنا اذا سهام ماحملت بعد شهر بزوجك وحده ثانيه وبتبقى معك سهام
بدر الي بدأ يعصب : يبه والله ما المسها ولا اتزوجها ولا اتزوج وحده غير سهام وتراك بتدمرني ب ذا القرار واذا ربي مارزقني بعيال سهام مكفيتني
ابو سلمان : يابدر انت تدري انك اغلى عيالي وودي افرح واشوف عيالك
بدر : بتشوفهم بس من سهام غير سهام والله ما يجون ولا يجيك ولدك بعد
ابو سلمان : الله يهديك ياولدي
عند سهام الي سمعت كككلللل شييي وكانت وراها ريفان وعرفت انها درت بس سهام ماتدري ان ريفان شافتها راحت ريفان غرفتها وسهام اول ماشافت بدر رايح لهم فوق ركضت عند ريفان
اول مادخلت
سهام : ريفان ريفان
ريفان: يمه وشبك
سهام : بدخل الحمام ( يكرم القارئ) واذا جا بدر قولي تبي تتروش وحوسه كثير خليه يروح امانه
ريفان عرفت ان سهام ماتبي تشوف بدر عشان الي سمعته وقالت: زين يلا
دخلت سهام ودخل بدر بعده بشوي
بدر : وين سهام
ريفان : تعال اجلس
بدر : وشو
جلس بدر عند ريفان
ريفان : سهام قالت لي اقولك انها تتروش لكن هي لا بس اسمع تراها سمعتكم وانت تتكلم انت وابوي وضاق صدرها حيل
بدر بصدمه : سألتك بالله صادقه؟
ريفان : اي والله انها سمعتكم لمن الاخر اسمع تكفى لا تخلي ابوي يزوجك والله ياويلك تتركها
بدر : صاحيه انتي؟ والله ما اخذ عليها ولا اتزوج غيرها
ريفان : طيب اسمع لاطلعت تكلم انت وهي انا بروح تحت
طلعت سهام وشافت بدر سرحان
سهام: وش تسوي هنا
بدر : انتظرك تخلصين امشي بنروح البيت
سهام: مابي ابي اجلس هنا عند ريفان في كم موضوع بنتكلم فيه
بدر : نجي بكرا امشي الحين وماراح ننام زياده انا تحت انتظرك
تأففت سهام بضيق ولبست عبايتها وراحو بيتهم اول مادخلت بيتهم راحت صاده عن بدر بضيق هو ماله ذنب وصح انه دافع عنها لكن تحس بغصه وماودها يكلمها او تشوفه تبي تجلس وحدها
راح بدر وراها الغرفه وهي كانت صاده عنه وماتبي تشوفه وبدر ما استحمل ابداً حركتها مسكها مع يدها وثبتها قدامه وخلاها تناظر فيه
بدر: وشفيك
سهام : مافيني شي
بدر : ترا ادري انك سامعه كل شي
سهام: بما انك تدري اتركني
بدر: ماني تاركك
سهام : يالليل ياخي خلاص اتركني عشان ما نتهاوش صدق
بدر : سهام انا فاهمك انك ماتبين تشوفيني ولا تبين تجلسين معي ياخي مو ذنبي وانا مستحيل اتزوج غيرك وانتي لي وانا لك ومستحيل احد يفرقنا وربي بيرزقنا ب اطفال ومابيصير شي وابوي تعرفين معزتي عنده مابيجبرني
سهام نزلت راسها وبكت
حضنها بدر بقوه : لاتبكين ياروح بدر بتنحل ماعليك
مسحت سهام دموعها وهدت وراحت جلست هي وبدر بصمت وجالسين يفكرون
قاطع الصمت بدر: امشي ننام تعبت
دخلو فراشهم وكان كل واحد يحاول ينام
بدر كان يحسب سهام نامت وراح طلع بشويش للحديقه وجلس يبكي ويطلع الي بداخله لانه يحس بكتمهه وضيقه كبيره لان كيف بيتخلى عن سهام وهي كل حياته
كان منزل راسه ويبكي وحس بيدين تحاوطه وتحضنه الي وهي سهام حضنته وكانت تطبطب عليه وبدر اول ماحس انها سهام وذي ريحتها حضنها بقوه وزاد بكاه وكانت ليلتهم حزينه مره
بعد يومين اجتمعو كل عيال ابوسلمان وبناته ببيته وكان الوضع وناسه وفلله
كانو تركي ومجود ماسكين سهام وحاضنينها مو راضين يفكونها
اسيل : تركيي بجيك اصفقك اتركها
سحاب : عبدالمجيد اترك سهام لا اجيك
تركي ومجود : لاااا
سهام: خلاص اتركوهم مجود تركي تعدلو وفكو يدي واجلسو جنبي يلا بسرعه
سمعو كلام سهام وسوو الي قالته
الا شافت سهام ايتين
سهام: سحابب هاتيها هاتيها يارببيييي
مجود : يع هذي مو حلوه انا بصير بحضنك
سهام : افاا
سحاب : تشوفيين الغيرهه
سهام : مجود شوف ايتين حلوه وانت حلو وتروك حلو كلكم حلوين بناخذها نلعب معها
مجود : لااا مابيها يع
سحاب: لاتحاولين ماش
عند ابوسلمان وعياله كانو مجتمعين الا بدر راح يكلم وكان مشغول واستغل ابو سلمان الفرصه
ابوسلمان : ياعيال
العيال: هلا يبه
ابوسلمان: اسمعو انا ناوي اذا اخوكم خلال شهر ماجاب عيال بزوجه وابيكم تقنعونه
سلمان : يبه تمزح؟
هتان: مزحك يبه ذي المره قوي انتبه بدر يسمعك
ابوسلمان : ما امزح
هتان : والله ما اقنعه
سلمان : ولا انا
ابوسلمان: ليه
هتان : يبه تذكر انت شلون بغا يموتني يوم سويت فيه المقلب وانت شفت كيف اختفى وسهام الله يجزاها خير هي الي خلته يجي عندي يكلمني وبكل وقتها تسامحنا على اخطائنا معها وتعتبرنا اهلها وتجي انت يبه الي انت اكثر واحد يعزها وهي اكثر وحده تحبك تجي تقول بزوج بدر
سلمان : يبه ابد مايصلح بدر متعلق فيها وربي بيرزقهم ماهي مشكله اذا تأخرو
ابوسلمان بحده: انتم تعرفون طبعنا وعاداتنا واكيد بنطبقها
دخل بدر
بدر : وشفيكم سكتو
هتان بتغيير للموضوع : خلصت السالفه المهم شرايك نطلع فوق مع يارا
بدر : قدام امش
.
طبعاً مر شهرين وسهام باقي ماحملت وابوسلمان الا والا يزوج بدر
بدر : يبه خلااصص مابيييي لاتخليني ادعي انه مايجيني عيال ابد
ابوسلمان: اعقل ياولد
هتان : يبه خله بيرزق ربيي
سلمان: يبه مو كل شي ينحل بالزواج مره ثانيه
ابوسلمان: مالكم دخل انتم
بدر: يبه والله ان خطبت وحاولت انك ماتشوفني
ابوسلمان ضرب بدر كف وكان هذي اول مره يمد يده على بدر من لما كبر : انا قلت كلمه يعني تنفذه
بدر: وصلت كذا يا ابوي ابد ابشر اضربني باللي تبي صفقني سو كل شي زواج ماني متزوج
ابوسلمان : سلمان خذه من قدامي
اخذ سلمان بدر هو وهتان وطلعو
بدر : اتركوني
سلمان : اهجد يابزر
بدر صد بضيق وصوته فيه غصه : سلمان ابعد واتركني انا اعرف لأبوي
هتان : بدر تكفى لاتروح له راح يجلس يحلف عليك
بدر : ماني برايح له بنادي سهام بمشي
هتان : انا بناديها لك اجلس هنا
راح هتان ونادا سهام وطلعت له سهام وراحت مع بدر وبدر واااضح متضايق ويحاول يصد ويمسح دموعه الي تنزل لا ارادي طبعاً بدر ماراح لبيتهم راح للوادي البعيد
سهام: ليش رجعنا هنا
بدر بصوت مكتوم مره : بنبقى هنا لمن بكرا
نزلو للبيت الي كان موجود وبدت سهام تشيل الحوسه وتنظف وتعدل كل شي وبدر في الحمام ( يكرم القارئ) مشغل المويه عشان ماتسمعه سهام وكان يبكي
اول ماطقت عليه الباب سهام غسل وجهه وطلع لها وكان واضح عليه مره
هنا جلسو على الكنبه وانسدح على رجول سهام وسهام تلعب بشعره
سهام : ارخي اعصابك واهدئ انا معك مابخليك
هنا بدر ما استحمل ومسك يد سهام وحطها على عيونه
سهام : بيحلها ربي اذا هو عن موضوع الاولاد اهدئ انت وماعليك
بدر : سهام انتي ماشفتي ابوي شايش علي بقوه صدقيني اني باخذك وبنهج بكرا
سهام : ماراح نروح عمي بيقتنع لان اذا هجيت وش بتستفيد بيزعل عليك عمي وخالتي بتحزن وهتان بيقلق وكلهم بيحزنون ويقلقون خلك بينهم وماعليك
بدر : ياخي سهام انا مقدر ابوييي اسلوبه قهرني
سهام : ياروحي كل شي بأجره ماعليك ذا ابوك انت عشان يمشي الموضوع قول اي سم وحاضر ماعليك
بدر : طيب
نامو ولما جا الصباح رجعو بيتهم وكملو نومتهم
ومر اسبوع
اتصل هتان على بدر
بدر: ارحب
هتان: هلابك ، كيف حالك
بدر: بخير وانت
هتان : بخيرر ، اسمع امش بننام عند ابوي يومين كلنا بنتجمع عنده
بدر : لا بجي بس اشوف له واجلس شوي واروح ماني نايم
هتان: يابدر لاتكسر بخاطري امش
بدر : ياليل طيب
جا في الليل وراحو لبيت ابو سلمان وانبسطو وكان بدر يضحك بمجامله ولا هو ضايق مره
عند البنات
لمى: سهام تعالي شوي
راحو سهام وهيا بعيد عن البنات
لمى: اسمعي سهام لاتزعلين مني لكن بعطيك تحليل حمل وحللي شوفي
سهام : لاتحاولي حللت كله مافي شي
لمى: جربي ذي المره
سهام : طيب
جربت سهام وطلع خطين
لمى: حامللل
سهام : لاتنبسطين طلع نفس كذا ورحنا المستشفى وطلع مافي شي
لمى:انا ثقتي بالله قويه واقول التحليل ذا صدق
سهام : ان شاء الله
رجعو للبنات وجلسو يسولفو وينبسطو سهام كانت تحاول تنبسط وتمثل انها مبسوطه لكن هي العكس
جا وقت نومهم وراحت سهام لغرفتهم
وشافت بدر جالس وراحت له
سهام: بدر
بدر : هلا
سهام: من شوي حللت من عند لمى وطلع خطين
بدر الي انفلتت اعصابه : سهام لاعاد تحللين كلهم يطلع كذب ونروح ويطلع كذب خلاص تراني كرهت ذي السيررهه
طلع كل ذا الكلام من بدر من غير وعي لانه انضغطط من ابوه وجته سهام بالوقت الغلط مره
صدت سهام وطلعت برا الغرفه وراحت عند ريفان
ريفان اول ماشافت سهام وواضح عليها انها متضايقه نادتها وجلست جنبها
ريفان: وش الي مضيق خاطرك
سهام: ولاشي بس ابي اجلس عندك شوي
ريفان : زعلك بدر؟
سهام : لا بس ابي عندك
حضنتها ريفان وجلست تطبطب عليها
بعد مده جا بدر عندهم
بدر : سهام امشي
ريفان جت بتنطق وقاطعها بدر: مافيه
ريفان : يالليل يا ذا
راحت سهام مع بدر لغرفتهم
وجلست تفكر وضايقه مره وبدر انسدح وحاول ينام
قاطع تفكير سهام وسرحانها بدر الي ناداها : سهامي امشي نامي
راحت سهام وانسدحت لفها بدر لحضنه وحضنها
بدر : اسف ياعيني على الي قلته لاتزعلين مني والله اني مضغوط
سهام :لاعادي مازعلت جيتك بوقت غلط معليش
لفت سهام ونامت
في الصباح
صحو سهام وبدر على طق الباب
ركض بدر وفتح الباب الا ابوه
ابو سلمان : يلا يلا تجهزو
بدر : وين
ابوسلمان : بنطلع للديره
بدر: ابشر
راح ابو سلمان ورجع بدر وقال لسهام
سهام : لاا مالي خلق
بدر : الشكوى لله امشي نروح بيتنا نجيب ملابس
راحو بيتهم وتجهزو ومسكو خط الديره وكانو هدوء وسهام نامت
وصلو الديره
والكل دخل ينظف ويرتب كل شي بعد ماخلصو قال ابوسلمان يجهزو القهوه لانه عازم ابوخالد وكم رجال ومع اهاليهم
هتان : بدر امش نذبح عشان مايجي
بدر : اعقل تراني بسحب عليه اليوم ولا بكلمه ماني رايق ابد
يقصدون ابو خالد
جا المغرب وبدو يقهوون الرجال وكان في اهل ابوخالد وكم حرمه وكانو البنات قايمين في البيت وبالمعازيم جا المغرب وكانت سهام تمشي ونازله مع الدرج عادي وتفكر جتها ترف ودفتها من الدرج
صرخت ريفان : سهامممم
ترف بتوتر وكذب: يمهه بالغلط
كانت ريفان تحاول تصحي سهام ماش ماتصحي وارسلت مجود ينادي بدر
مجود : عمو بدر
بدر: هلا حبيبي
مجود: عمتو ريفان تبيك وتبكي
استغرب بدر وراح لها شاف بيدها سهام وراس سهام دم
بدر : وشفيهااا
ريفان ببكاء : طاحت من الدرجج امانه بدر ودهاا
اخذ بدر سهام وطلع مع الباب الخلفي وكان ماسك راسها وكان جرح سهام مو عميق مره خفيف اسرعع وراح لأقرب مستشفى
دخل واخذو سهام وخيطو جرحها وعقموه وحطوها في غرفه لحالها واعطوها مسكن وينتظرونها تصحى
كان بدر عندها وماسك يدها ويبكي فجأه حس بيدها تتحرك
.
.
.
.
يتبع
