ان شاء الله انها تنال رضاكم وتعجبكم وتوصل لحب كبير ويكون لها اثر كبير علي وعليكم ♥︎..
.
.
اتركم مع بداية روايتنا👍🏻 ( الكاتبه ✍🏻/أميره )..
.
.
.
( "سعادتي تجتمع فيها ")
.
.
الشخصيات
بيت ابو سلمان
ابو سلمان : شخصيه راقيه جداً وشخص مسالم وطيب وكلهم يعترفون بكرمه وطيبته وهو من اهم رجال الاعمال ومن أهم اهتماماته اولاده وشركته الكبيره
ام سلمان : احن واطيب انسانه تمر عليكم علاقاتها مع عيالها واهلها شي كبيرر
سلمان : الابن الاكبر اخذ حنية امه وطيب ابوه انسان هادي ومسالم وراقي ومتفهم عمره 36 سنه متزوج سحاب عن حب يشتغل مهندس وعنده ولد اسمه عبدالمجيد عمره 4 سنين
سحاب : اجتمعت بسلمان وهي تبادله نفس الحب انسانه راقيه وخلوقه وكلهم متفقين على حبها
بدر( البطل ) : الابن الثاني عصبي شوي لكن حنون وحبيب وطيب والكل يحبه عمره 32 سنه انسان جدي بشغله يشتغل مع ابوه بشركته واهم ماعنده رضا امه وابوه عليه
هتان : اصغر العيال انسان فاهي وهمه جواله واكله ونومه عمره 20 ويدرس بالجامعه
اسيل : انسانه تجنن حرفياً عسل وطيبه وهاديه عمره 27 متزوجه وعندها ولد اسمه تركي عمره 4 سنين
رفيف : حبوبه وفلاويه عمره 23 تشتغل سكرتيره عند ابوها
ريفان : اصغر فرد بالعائله الدلوعه والكل يحبها تدرس بثالث ثانوي عمرها 18
.............••..............
بيت ابوفهد
ابوفهد : انسان متشدد وعصبي شوي ومعروف عنه بالكرم والطيب وماينذكر الا بالخير هو وابو سلمان جيران لهم سنين وعشرة عمر كأنهم اخوان واكثر
ام فهد : طيببه مره وعلى نياتها وكلهم يحبونها وتساعد كل الي تشوفهم وتحب كل احد
فهد : الابن الاكبر انسان عاقل ومتفهم يشتغل بالمطافي عمره 29
رولا : الحلوه خفيفة الدم طيوبه عمرها 27 تشتغل دكتورة اسنان
سِهام ( البطله) : انسانه كتكوته كل حياتها ضحك وياكثر ماتتهاوش على كثر ضحكها تدرس مع ريفان كلهم مع بعض ونفس بعض حركاتهم عمرها 18
.........••..............
باقي الشخصيات نتعرف عليهم مع البارتات الجايه
.
.
.
.
البارت الاول >
يوم من الايام رجعو ريفان وسِهام من المدرسه وشعرهم منكوش وتيشرتاتهم متقطعه واظافرهم متكسره
عند بيت ابو سلمان
ابو سلمان : بسم الله عليك ي بنت شفيك كذا من جالدك !!!!
ام سلمان : ريفاني من مسوي فيك كذا؟؟؟
هتان بضحك : ههههههههههههههههههه يالخبله من مصفقك
رفيف : ليكون متهاوشه بعد ؟
ريفان بتوتر : وشفيكم مافي شي طحت بس
ابو سلمان : كلل ذا وطايحه؟ تكلمي وش صاير
ريفان : تهاوشت مع وحده كريهه ضربتني انا وسِهام
هتان بضحك : ايا الخبول صفقتكم ههههههههههههههههههههه
ابو سلمان : روحي روحي بدلي الله يعييننا على هواشك ذا
بيت ابو فهد
رولا : سِهام شفيه شكلك كذاا !!
فهد : من ضربك؟
سِهام : شفيكم حبايبي مافي شي تهاوشت مع وحده وضربتني الله ياخذها
فهد بضحك : هههههههههههههههههههههه يالخبله انتي لو انفخ عليك طرتي يوم انك تتهاوشين معها ليه؟
سِهام : شقصدك ترا اعرف اضرب بس الله ياخذها وزنها 10 طن صفقتني انا وريفان
فهد ورولا : ههههههههههههههههههههههه روحي روحي بدلي الله يصلحك
.......••.......
بالشركه عند بدر الي كان يكلم ابوه
بدر : هلا يبه شويات وجاي بخلص كذا شغله واجي تامر على شي يالغالي ؟
ابو سلمان : سلامتك ي حبيبي بس لاتتأخر وانتبه على نفسك
بدر : ابشر
......••.......
بيت ابو سلمان
وصل بدر البيت
وكانو على السفره بيتغدو
جت ريفان وجلست شافها بدر واشتدت ملامحه لغضب
بدر بغضب : وشفيه وجهك كذا من ضربك !!
ريفان : ريلاكس بيبي تهاوشت مع وحده الله ياخذها
بدر : انا وش قايل لك عن هالهواش مع الرايح والجاي شفيك ماتفهمين ودك تنهين على نفسك صح؟
ريفان : يازيييننكك تخاف عليي؟ ماعليك قويه اختك وتراها كريهه هي الي بدت وضربتني
بدر : اعقلي وانتبهي لنفسك تراك بأخر سنه لاتخربينها على اخر السنه
ريفان : من عيوني
......••......
بيت ابو فهد
نزلت سِهام وشافت ابوها جالس ينتظر الغداء
سِهام : السلام عليكم
ابو فهد : وعليكم السلام ، التفت وشاف وجهها الي فيه كدمه ويده الي فيها جرح ، وشفيك يابنتي حبيبتي من مسوي فيك كذا ؟
سِهام : لاتشيل هم ياعمري مافيني الا العافيه
ابو فهد : تعالي تعالي حبيبتي
راحت سِهام جلست جنبه
ابو فهد : ايوه حبيبتي قولي لي ليش كذا وجهك من مسوي فيك كذا
سِهام : ابد ياقلبي تهاوشت مع وحده ضخمه ويدها كبيره اعطتني كف بيدها خلا وجهي كذا
ابو فهد : بسم الله عليك يا بنيتي وش لك بوجع الراس والمشاكل لاتعيدينها ياحبيبة قلبي ولاتدخلين هوشات كثيره
سِهام : ابشر يا روحي
ابو فهد : عاشت بنيتي
ام فهد الي كانت نايمه قامت وشافت سِهام وجهها كذا
ام فهد : سِهاااممم حبيبتي من مسوي فيك كذاا!!!!!
قالت لها سِهام كل شي ولايمنع شوي تهزيء 😂
.
.
.
يتبع...
