بارت 16
.
.
.
.
بعد ماصحو العصر راحو بيت ابو سلمان وجلسو معهم وانبسطو وسهرو معهم
بدر: يلا سِهام روحي البسي عبايتك وتعالي انتظرك
ام سلمان: اجلسو تو الوقت
بدر: والله يمه فيني نومم ووراي شغل
راحت سِهام تلبس عبايتها قبل تطلع سمعت هتان يكلم حبيبته
هتان بدلع مايع : احبكك مرهه انتبهي لنفسكك حبيبتي ولاتخوفيني عليك اذا ناقصك شي علميني بس زين قلبي امواحح
ضحكت سِهام وطلعت شافته يبوس الجوال وحاط منشفته على خصره غمضت عيونها ونزلت بضحك
سلمت على الكل وطلعت وهي تضحك
بدر: شفيك
سِهام : ولا شي
اتصل هتان على بدر
بدر: مسرع اشتقت
هتان: يعع اقول افتح السبيكر بقول لسِهاموه شي
بدر: اخس وراكم اسرار
هتان: افتح اخلص
بدر : يلا يلا فتحت
هتان : سِهام تسمعيني
سِهام مسكت الضحكه : اي
هتان : والله ان تكلمتي لا اموتك
انفجرت ضحك سِهام : بس لبدر
هتان : ياويلكك ارضى تعلمين ابوي ولاتعلمينه
بدر: وجعع وشو كلاني الفضول
سِهام: هتان ترا بقول لبدر بس
هتان : انتي ماتسكرين السر
سِهام: تستاهل انت فضحت نفسك ، المهم بعلم بدر ترا
هتان: اففف ي هالبدر الي لازم يعرف كل شي علميه بس والله ان تكلمتو انتم الثنين لا احرقكم
سِهام بضحك : ان شاء الله
بدر : شكله قويي يلا سكر بسمع وش مهبب
هتان: سِهام ودي ادعي انك تفقدين الذاكره ب ذي اللحظه
سِهام: وجعع استغفر بسم الله علي ادعي علي وبعلم كل العيله
هتان: بدعي لك يازوجة اخوي الشاطره
بدر : ايوووه كفوو سِهام يلا اذلف
سكر بدر من هتان
بدر: يلا قولي
سِهام : لا وصلنا اقولك
بدر: لا قولي الحين
سِهام : لا اذا وصلنا
بدر: شكل ريفان داعيه علي من كثر ما اسوي فيها ذي الحركه توني احس بشعورها
سِهام : الله لو تدري اني انتقمت لها بتسوي عرس
ضحك بدر: ما اهبل منها الا انتي
وصلو البيت وبدلو وجلسو
بدر : يلا قولييي الفضول كلاني اكل
سِهام قالت له كل شي بالتفاصيل
بدر انفجر ضحك : يعع طلع هالخايس يسوي كذا
سِهام: شفتتت كيفف انا معرفته
بدر: ولا بعد يتميع تكفينن هههههههههههههههههههههههههههههههه
اتصل بدر على هتان
بدر يقلد صوت هتان الدلوع : حبيبتي انتبهي على نفسك احبك مرهه
هتان: اورييكككك ياا سِهامممممم
بدر بضحكك : اخس يالرخمه كذا تسوي عشان تحبك
هتان: تحبني بكل حالاتي اصلاً
بدر: يعععع لو اني بنت ماحبيتك بالله قل نفس كلامك بالصوت المايع بضحك زياده
هتان : اذلف والله ما اقول
بدر: يعني بس تقول لحبيبة القلب
هتان بدلع : اي فديتها
بدر : يععع بعلم ريفان تمسك طقطقه
هتانن : بديرررر وربييي لا اجيك اصفقك واصفق سِهام معك
بدر : اي تعال وبعلم ريفان
هتان : ياشينكك ، لاصدق بدر تكفى اسكت لاتقول لأحد ترا الحين احس مالي وجه اشوف سِهام احس تفشلت منها
بدر : ماعليك مابنقول ل احد بس نبي نبتزك
هتان : بدر لاتقهرني في نفسي
بدر : امزح معك ياولد مصدق اني بقول مابقول وشسمه انتبه لنفسك من ذا الحب ولاتحب الا بالحلال وماتدري يمكن طمعانه بفلوسك اهجد ولاتبذر فلوسك واشيائك لا الغي بطاقتك
هتان: ابشر
......••.....
من بكرا العصر اتصل فهد على سِهام
فهد: صباح الخير ياحلوه
سِهام: صباح النور هلابك حبيبي
فهد: في ثنتين اسمهم سِهام ورولا وعدوني ب شي وسحبو علي
سِهام: يجونك اليوم بأذن الله ويقنعون امك وش تبي اكثر من كذا
فهد: يازييييننككككك
سِهام: الحين يازيني
فهد: انتي بكل وقت زينه اصلاً
سِهام: ايه ايه
سكرو الخط واتصلت سِهام على رولا
سِهام: هلا بالحلوه
رولا: هلا باللي صحيت ومالقيته
سِهام: وش نسوي
رولا : لاتسوين شي اقعدي عنده
ضحكت سِهام: طيب اسمعي ترا اليوم لازم تجين عند امي عشان بنقنعها بموضوع فهد
رولا: اي من شوي كلمني يقول اننا سحبنا عليه
سِهام: اي حتا انا
رولا: زين اجل اليوم بنروح ونقنع امي
سكرو وبدت سِهام تتجهز وكانت تنتظر بدر يرجع لانه طالع
اول مادخل بدر حصلها تسوي شعرها
بدر: هلا هلا بالزينن كلهه
ابتسمت سِهام له وراحت حضنته
بدر باس راسها : متى صحيتي ي عمري
سِهام: من شوي
بدر: حلو اجل يلا عشان باخذك بنزلك عند امي والبنات وانا بطلع مع اخوياي
سِهام: لا ابي اروح عند امي بتجي رولا وفهد بيكون يوم اجازته
بدر: اجل زين الي تشوفينه بس خلصي بسرعه عبال ما البس
سِهام: زين
خلص بدر وخلصت سِهام ووداها بيت اهلها وهو طلع مع اخوياه
دخلت سِهام وحصلت رولا وامها وابوها
سلمت عليهم وجلست معهم وسولفو
بدت رولا تقول : الا يبه ماتبي تزوج فهد؟
ابو فهد: والله مدري اذا لقت امك بنت زينه له بنخطب له
رولا: واذا قلت لكم اعرف وحده خوشش بنت وبتعجب فهد وبتعجبك ي امي
ام فهد : من هي بنته
بدو يقولو لها سِهام ورولا عنها وبدت تقتنع هي وابو فهد
بعدها ب شوي دخل عليهم فهد
وسلم عليهم
ابو فهد: فهد وانا ابوك امش معي ابيك
فهد : سم
راح مع ابوه لمجلس لوحدهم
ابو فهد: فهد ياولدي انا ودي افرح بك وودي اني ازوجك موافق؟
فهد بصدمه وخايف ان ابوه يخطب له بنت غير رنيم : هاه والله مدري بس بفكر وارد لك
ابو فهد: مايحتاج تفكير بس انت قول لي اي ولا لا
فهد : اي
ابو فهد : زين
راح ابو فهد ل ابو سلمان يسولف معه ويعلمه انه بيخطب لفهد
وفهد راح لخواته لقاهم لوحدهم
فهد: قلتو ل امي وابوي
سِهام ورولا حبو يمقلبونه: لا شويات وراح نقول
فهد مسك راسه : لا ابويي اجل من بيخطبب لييي
سِهام: يمكن بنت عمي
فهد: والله ما اتزوجه
رولا: انتبه تقول ل ابوي شي عشان مايثور فيك
فهد : تكفون قولو تكذبون مابي بنت غير رنيمم افهموني
سِهام حست ان الموضوع بيكبر وفهد راح يبكي من القهر: نمزح معك قلنا لهم وابوي راح يخطب لك رنيم
فهد بصدمه: احلفيييي
سِهام بضحك على شكله : والله ولا غيرت رأيك اروح اقول ل ابوي بنت عمي؟
فهد: لااااا ثابتت رأييي
سِهام: العاشق الولهان بيتحقق حلمك اخيراً
فهد مسك قلبه : اهخخ قلبيي احس الدنيا مب سايعتني
سِهام : اهدأ لاتموت علينا وتذبحنا رنيم
فهد : اههخخ لو اموت عشانها عادي
صفقته رولا :بسم الله عليك لاتفاول على نفسك كذا لا اروح اقول ل امي ماتصلح لفهد
فهد: امزح امزح شفيك صدقتي ، المهم انكم حبايبي وعشانكم قلتو ل امي وابوي بطلعكم تتعشون على حسابي وتاخذون اي شي على حسابي
ناظرو رولا وسِهام بعض : ليتنا خاطبين رنيم منزمان
فهد: وجع يعني ما اطلعكم ولا اوديكم؟
سِهام: تطلعنا وماتقصر لكن بالسنه حسنه
فهد: اقول امشي ولا بكنسل
سِهام: اي كنسل وانا بقول ل امي تكنسل
فهد: ياشينك تجين على الوتر الحساس امشي بس
سِهام: ايووهه يازينك تسمع كلامي
رولا ضربتها مع راسها : اقول امشي امشي
قاطعهم جيت ام فهد: وين رايحين حبايبي
سِهام: بنطلع مع فهد امشي معنا
ام فهد : لا ماودي ي عيني انتم اطلعو وانبسطو وانتبهو لنفسكم فهد انتبه لخواتك وانتم انتبهو ل اخوكم
كلهم : ابشري
طلعو يتعشو وينبسطو كانو فالينها على الاخر اتصل بدر على سِهام
بدر : هلا وغلا بذا الصوت
سِهام : هلابك ي عيني
بدر : بجي اخذك اجهزي
سِهام : انا مو بالبيت
بدر : وينك
سِهام : مع اخواني طلعت
بدر : زين اجل متى ماخلصتي كلميني اخذك
سِهام : زين
بعد ماسكرت سِهام من بدر اتصل محمد على رولا
محمد : هلا بالحلوه
رولا : هلافيك
محمد : ها انبسطتي اجي اخذك؟
رولا : والله انا مب بالبيت مع اخواني طلعت
محمد : اجل لاخلصتي دقي علي اجيك
رولا : تمام
سكرت رولا من محمد
وقالت : فهيد رجعنا البيت في مطالبات لنا
سِهام : صحيح صحيح
فهد : يع عليكم تسحبون علي عشانهم
سِهام : بتتزوج رنيم وتسحب علينا اذكرك
فهد : هاه من قال
رولا : بتشوف مع الايام
وداهم للبيت وجا بدر اخذ سِهام ومحمد اخذ رولا
عند بدر وسِهام
سِهام: عسا انبسطت
بدر: الحمدلله بس اني فقدتك كثيررر
سِهام: ي عيني والله
جلسو يسولفو عبال مايوصلو البيت
.
.
.
.
.
يتبعع
