«لا أبــيـح الـقراءة بدون لايــك ‼️»
.
"إن الحروبَ في عيناكِ مَسْلَمةٌ
القتل شِعرٌ و الرموش جنودُ"
___
«اليوم الي بعده الصباح »
نزل بعد ما غير ملابسه وبيده شنطة سودة شافها جالسه بالصالة وبيدها كتاب شرد بشكلها شعرها أسود حالك قصير مموج كان طوله يداعب أخر رقبتها، وعيونها ناعسات وواسعة ورمش أسر طويل وكأنه سيف محارب، وشامه! هي الي محليه وجهها وملامحها الطفولية وأكثر شي جذاب في وجهها هي..
ساري حس على نفسه لمن قلبت صفحة كتابها وتنحنح وقالت بصوته الشاعري وبحه عميقة: صباحك خير
ثريا رفعت راسها بانتباه له وسرعان ما شتت نظرها بخجل وتوتر: صباحك نور -وقفت وهي تتوجه للمطبخ- الفطور جاهز
ساري باستغراب: فطور؟
ثريا لفت عليه باستغراب: ايه فطور وين حاب تاكل هنا ولا بالمطبخ؟
ساري ابتسم وهو يفتح ستار لونه سُكري كان مغطي جدار كامل وخلفه باب زجاجي شفاف مطل على حديقة حقت البيت، قال بعد ما فتح الباب وشاف الجو: الجو حلو ماهوب بالبرد بذاك الزود وغيم يشرح الصدر ودك برا؟
ثريا هزت راسها بالموافقة وراحت تجيب الفطور، نزل شنطته الجلدية السودة الي داخلها أهم الملفات والأوراق على طاوله المستطيلة الي تحت المؤايا في الصالة، والشماغ البيج حقه راح لفه حول وجه وثبت اطراف الشماغ في العقال.. واعطى شكله جاذبية مع ثوبه الشتوي الي بلون البني الغامق ومطرز في اطراف كمه بشكل حلو ورجولي، طلع للحديقة وتوجه للطاولة الموجوده وشال الكيس العازل عن الغبار والمطر من عليها وعلى الكراسي وتركها على جنب، ودقايق وكانت ثريا مقبلة عليه بصحن كبير يضم الفطور جلست تصف الفطور على الطاولة وصبت له شاهي وهو يناظرها بصمت
ثريا بهدوء: تبي معه نعناع او حليب؟ وكم احط معكب سكر؟
ساري بهدوء: نعناع بدون سكر
حطت له كم ورقة نعناع وتركته قدامه، وحطت لها برضو مع مكعبين سكر وجلست مقابل له بهدوء وعينها على الكوب الي تحتضنها اناملها يدفي يدها عن برد جبال الشمال الصباحي
ساري ارتشف من الشاهي: تسلم يدك ما عليك قصور
ثريا ناظرته ثم رفعت نظرها للغيوم: بالعافيه
بدأ ياكل بهدوء وهو ملاحظ انها ما كلت بس تشرب شاهي وتتأمل حولها قال: وراه ما تاكلين؟ ولا ما تبين تاكلين معي
ثريا بخجل وتوتر: لا مو على كذا بس مانيب مشتهية اكل شبعانه
ساري سكت فضل ما يضغط عليها، دقايق وقف: سفرة دايمة ويعطيك العافيه
ثريا وقفت معه بهدوء: الله يعافيك، وش حاب اطبخ على الغدا ومتى اخليه يكون جاهز؟
ساري ناظرها بصدمه انها تعرف تطبخ، واضح ان الروتين حقه بيتغير وكثير اولها الفطور والحين الغدا قال بتردد: معرف الي ودك فيه عادي
ثريا هزت راسها بموافقه وبهدوء: تحب مقلوبة؟
ساري ابتسم بحنين لذي الاكلة: ايوه
ثريا: تمام ابشر
لحقها وصارت تجمع الصحون بعد الفطور ودخلته داخل، للمطبخ وقال قبل يطلع: تأمرين بشي اجيب شي وانا جاي؟
ثريا ناظرته ثواني ثم قامت تتفحص المطبخ لفت عليه وقالت بتوتر: فيه اغراض ناقصه بالمطبخ
ساري: تمام ابشري ارسليها لي واتساب واجيبها الحين
ثريا بنفس التوتر: ما معي رقمك
ساري طلع جواله ومده لها سجلت رقمها وهو اعطاها رنه عشان تسجل رقمه
اخذ شنطته وطلع لشغلة
___
"أبعد وتبعد وألتقي فيك صدفة
كن الصدف ماودّها إنّا نْتفارق"
___
أنت تقرأ
ما قتل سَارّي اللياليّ العِتام، إلا نُور شامة الثُريّا
General Fiction"يا خفوق بالثرى مدفون ويا ساري بالقصايد والشعر " هُنا مخرج وترجمة لِمَ في داخلي من صمت اترجمهُ على هيئة احداث وابيات شعرية مقتبسة أو من كتاباتي، ونصوص... أن كُنت لا تتحمل المشاعر التي تختبئ وسط حُروفي وكلِماتي أو إن كُنت ليس عميّق الخيال لتستخرج...
