«لا أبــيـح الـقراءة بدون لايــك ‼️»
.
"عَراهُ سُكُوتٌ؛ فاستَرابَت عِداتُهُ
وما هُوَ إلَّا شاعِرٌ كَلَّ خاطِرُهْ"
___
«ساري وثريا»
ساري ركب عربة الأدهم مع سيارته الجيب وركب الأغراض بالسيارة ومشوا بصمت من الطرفين ساري ساكت على غير العادة وثريا سكتت من صمته وكان الصوت الوحيد هو صوت عبد المجيد عبدالله لكن لمن وصل لبارت معين شاركه ساري:
ما علمك صوت المطر كيف احتريك!
ولا المطر ما جاب لي طاري ابد
ثريا لفت عليه: ساري
ساري خفض من صوت الأغاني وبدون: لبيه يا عيونه
ثريا مسكت يده وشبكت اصابعها باصابعه: ايش فيك مين مضايقك؟
ساري حاول يبتسم: لا ابد ما بي شي
ثريا ناظرت فيه بتمعن وصمت
ساري بتضيع للسالفه: الحين لوصلنا ندور لنا مكان كويس وبعيد عن كل شي وننعزل لوحدنا وناخذ لنا جولة مع الأدهم
ثريا: مراح نضيع؟
ساري بفخر: ولد الصحرا والبران معك كل بين فترة وفترة شلت قشي ورحت جلست بالبر لحالي وقبل يتزوج غيث كنا نخيم بالشهر بالبر والحين يرافقنا عناد لا تخافين ما نضيع
___
"و غَدًا يَصيرُ الحلمُ أمرًا واقعًا
و تطيرُ من فَرَحِ البشارةِ ضَاحكا"
___
«في امريكا عند عهد والوافي»
اليوم حفل تخرج عهد من الجامعة بعد دراستها العُليا بعد تعب حققت حلم كان بالامس مستحيل اصبح واقع!
عميد الجامعة بنبرة ركيكه كون الإسم عربي: أهد سأود ال حاميد « عهد سعود ال حامد»
وقف وافي بفرح وصراخ وهو يصفق بحماس وفخر وهو ينقز ويطمر: ععهههدددد ههووووو
صعدت عهد واستلمت الوثقية والابتسامة الفرح تعتليها لفت وهي ترفع الوثيقة وتلوح فيها لوافي وباليد الثانية رافعة الوشاح الي هي لابسته بعلم السعودية، وهي تبي الكاميرات ترصد وتوثق فخرها بلدها ونفسها، حققت حلمها صغيره الي ناقشته مع ابوها لمن كانت صغيرة وشجعها عليه ودعم قرارها وقال بأنه يفتخر فيها وين ما كان تجمع الدموع بعينها على طاريه وهمست: افتخر بي يبه سويتها
نزلت وهي متوجهة بسرعه له، وقف وافي وركض لها وهو يضحك بفرح نطت عهد عليه وهي تحضنه بفرح
وافي احتضنها وهو يدور فيها بفرح: يا كبر الفخر الي رفع راسك يا الوافي يا كبره ااخخخ عهدي
عهد بكت وضحكت بوقت واحد: حققت حلمي وحلم ابوي يا وافي حققته ودرست باحسن جامعة ودرست دراسة عُليا وتفوقت وافي فرحانه فرحانه
وافي وهو يبتسم بقوة ويمسح دموعها: والله العظيم فرحان لك وبقوة بقوة رفعتي راسي وراس ابوك واخوانك ليتك رضيتي نعلمهم عشان يجون يحتفلون معنا
عهد ضحكت: لا لا انا عارفة انهم هالفترة كيف مشغولين وكلها يومين واحنا عندهم
وافي رجع لكرسيه الي كان جايب باقة ورد كبيرة وكيس صغير قدمه لها: باقي هدياك بالبيت
عهد ناظرته بحب: والله اني احبك
وافي قَبل جبينها: احبك يا اجمل عطايا الله لي
اعطى وافي جواله واحد من الحاضرين وقاله يصورهم
__
"وإنّ الأختَ في النّعماءِ رزقٌ
عظيمٌ ليس تنصفهُ القوافي"
___
«عند غيث بالشركة»
جالس بين ملفاته يراجع هذا ويوقع هذا لكن صوت الرسايل الي ورا بعض من جواله ازعجه
ابتسم لمن شافها من قروب الي يضم «عهد وغيث وساري وام ساري»: وش عندك يا عهد
دخل وشاف صورة مكتوب تحتها «تخرجت اليوم 💃🏻»
صرخ غيث بعزوة: اخو عهد
ضحك بقوة وفرح وفخر: يولي يولي سوتيها يا عهد وتخرجتي يويلي ااخخخ
شاف رسالة صوتيه من ساري يقول فيها بضحكة فرح «اخوك يا عهد اخوك مبروك يا عيون اخوك مبروك والله ورفعتي راسي ياخوك»
وصوت من ام ساري الباكي بفرح «ككككللووييشش يمه مبروك مبروك مبروك يا بعد حيي مبروك يا امي انتي وراه ما قلتي لنا نجيك»
غيث ضحك وسجل لها «عهوده عهوده سوتيها ياخوك مبروك وربي شاش راسي ودي اقوم واوزع على كل من اشوفه وردة»
راح بسرعه واتصل فيد جماعي بسناب
عهد ضحكت: الله يبارك فيكم جميعا
ساري بفرحه وفخر كانت واضحه عليه: وربي اني فرحان ببقووهه حققتي حلمك الي ابوي كان يشجعك عليه من صغرك
غيث بعتب محب: ياختي انا عتبان عليك وراه ما قلتي لنا نجي لك وانتي عارفه ان نبي نحضر حفل تخرجك
جاهم صوت وافي: حيلك فيها يا غيث والله قلت لها ما طاعتني
عهد: لا والله مو على ما ابيك ولا شي بس انت يا غيث توك مسوي عقد شراكة جديد ما بتقدر تجي وساري توه عريس وغير كذا بكره احنا عندكم الرياض إن شاء ﷲ
ام ساري: جيبوني الرياض قبل تجي ابي استقبل بنيتي من الرياض
غيث: تم يمه الحين اجحز لك وتجين عندي
ساري: تم أجل انا بكره إن شاء ﷲ راجع نستقبلك ويا عهد ثريا توصل لك سلامها وتبارك لك
عهد بتهديد: اسمعوا تستقبلوني لو سمحتوا بالدبكة خلوا يطلع عرقنا الشمالي
غيث بضحكة: لزوم لزوم ما تكمل مناسبة الا بالدبكة لو سمحتي
ام ساري: انا بقوم أجهز شنطتي وعلمني يا غيث متى طيارتي
غيث: ابشري يمه الحين احجز لك يلا كل واحد وشغلة
وسكروا وهم الفرحة تغمرهم وراسهم مرفوع بفخر بعهد
غيث قام وطلع من مكتبة لكن شاف بوجه السيكرتير وبعض الموظفين الي استغربوا صراخه وضحكته
غيث ناظرهم بابتسامه: بسبب تخرج اختي اليوم من الجامعة بكره وبعد بكره وبعده لكم إجازة مني يعني 3 ايام اجازة
ارتفع صوت التصفيق والتبريكات له وهم فرحانين بالاجازة
غيث تقدم من السكيرتير: شوف لي متى اقرب حجز من الشمال الى هنا وارسل لي انا طالع
طلع غيث الي اتفق هو ساري بالرسايل انهم بيستقبلون عهد بسيارة طويلة بيضا وتكون مزينة من برا وداخل وطلع يدور لها هدية تليق فيها مع عناد ويحجز ويسوي لازم يستقبل عهد بافضل ما يكون
أنت تقرأ
ما قتل سَارّي اللياليّ العِتام، إلا نُور شامة الثُريّا
General Fiction"يا خفوق بالثرى مدفون ويا ساري بالقصايد والشعر " هُنا مخرج وترجمة لِمَ في داخلي من صمت اترجمهُ على هيئة احداث وابيات شعرية مقتبسة أو من كتاباتي، ونصوص... أن كُنت لا تتحمل المشاعر التي تختبئ وسط حُروفي وكلِماتي أو إن كُنت ليس عميّق الخيال لتستخرج...
