ما قتل سَارّي اللياليّ العِتام، إلا نُور شامة الثُريّا

بارت 6

«لا أبــيـح الـقراءة بدون لايــك ‼️»
.
"لو أتيتكِ مُحمل بالندم والآسف والدمع
هل سيغفر قلبك الجرح الذ فعلته به؟"
___
«الجد مسفر بالشركة»
كان مع المحامي ومع اولاده «فاهد، خالد، ماجد» يتناقشون حول الشركة لكن الجد مش معهم باله بعيد انتبه له ماجد "بو ضي وسحاب" ومسك يده: ابوي علامك تشكي وجع؟
الجد مسفر رفعه نظره عليه: لو دورتها بتغفر وتسامح؟
فاهد"بو جهاد ونجد"بحذر: منهي؟
الجد تنهد بحزن: اختكم الصغيرة الي قدمت حبها لواحد مدري شقول عنه علينا
المحامي حس ان وجودة غلط استأذن وطلع تاركهم في نقاشهم
ماجد ببرود: وللحينك يبه ترمي لومك على الريم؟ تتوقع اصلا راح تسامحك وتغفر لك زلاتك واخطأك الكثيرة يا ابوها كانت الأقرب لك لكن لمن جات لك وقالت لك يبه انا حبيت واحد لكن حالته المادية اقل منا وش سويت رحت حبستها بدون ما تقدر الحب ومشاعرها كانت تتعذب لوحدها حرمتنا من اختنا وحرمتها منك وبتجي بعد 30 سنة وتقول الريم بتسامحني؟ لا مراح تسامح وش بعده يبه وش بعده بعد سنين مديدة تبيها تسامحك؟ يعني لو الي تحبه ما هربها منك كان ماتت بنتك الصغيرة في بيتك وفي غرفتها
الجد مسفر بحدة: وهذا هي هربت معه ولها 30 سنة ما جات وطلت على ابوها واخوانها لو انها حاولت كان سامحتها!
خالد "بو همام وجيهان" بصدق وتذكير: الريم! اووهه يبه كم مره جاتك اذكرك كم مره جات وترجتك ولمن قالت لك خلاص بتطلق منه وتسامحني وش سويت يبه اذكرك؟ وتراك محلفنا ما نقرب لها وخيرتنا يا اما الريم او أنت
ماجد كمل: قلتها بصريح العبارة 'اطلعي من السعودية لو شفتك وشفت الي قدمتيه عليّ وقتها مراح يصير لكم خير ماني بنتي' انت طردت بنتك من بلدها وقسيت عليها وحرمتنا من شوفتها او ان نلتقي فيها خيرتنا بين اختنا ورضاك يبه
خالد وقف وقال بقهر وضيق: لا تنسى ان أمي راحت وهي ما شافت بنتها الصغيرة الي ما تنام الليل كله تبكي على سجادتها انها تكون بخير وترجع لها، وقتها حتى لو الريم بتسامح لو عرفت بموت أمي وبكيها كل ليله عليها مراح تسامحك
وطلع بضيق وهو حيل متضايق من ذا الشي الريم ما غابت عن بالهم طول السنين الطويلة تبقى اختهم الصغيرة لكن ابوهم لوا ذراعهم برضاه
ماجد وقف ببرود: مو غريب عليك يبه اجبرت زوج شجون يسكن في بيت زوجته تحت تهديد انك بتطلق زوجته منه وتحرمه من عياله وشوفه عينك الرجال شايف نفسه ثقيل علينا وطول وقته مسافر وبرى البيت لين توفى بعيد عن عياله، نجي لي؟ زوجتني وفاء بالغصب والاخير شصار؟ أنت اخبر بالي صار، اغلاطك كثيرة يبه كثيرة انتبه تكثر ويبعدون عنك احبابك وتصير وحيد ما حولك احد، برجع البيت
طلع ورى اخوه وبقى فاهد والجد مسفر الي ما يدري يتضايق ولا يعصب عليهم ولا وش يسوي بضبط، لف على فاهد الساكت بغضب وحده: يلا كمل الناقص مع اخوانك كمل يا فاهد اصرخ بوجهي نفسهم!
فاهد تنهك بضيق وقام باس راس ابوه الي صد عنه بزعل: محشوم يا بو فاهد محشوم أمر أنت وش تبي وانا بسويه لك اهم شي رضاك يبه
الجد مسفر بلهفه حاول يخفيها لكنها ظهرت عليه: جيب الريم لي، القى لي الريم يا فاهد وجيبها
فاهد بضيق: طيب كيف واحنا ما نعرف اسم زوجها حتى!
الجد مسفر وقف بحزم: مالي شغل جيبها هي وعيالها
وطلع تارك فاهد يتنهد بضيق وحيرة كيف بيجيب الريم وهي برى السعودية ما يدري وين اي بلد هي وزوجها راحوا، ولا يعرف اصلا اسم زوجها، كيف بيلقى الريم الحين؟