«لا أبــيـح الـقراءة بدون لايــك ‼️»
.
"أنا أرضُ المعزّي سيد الديار
أنا العرب و أصلُ العروبة بِلادي"
___
«عند غادة»
كانت جالسة تسرح شعرها البني الطويل المجعد بكل سرحان لكن دخول مفاجئ وهجومي من ابوها خلاها تصرخ بخوف وهذا شي طبيعي في حياتها
قاسم «بو يوسف» بشك: ليه خفتي وش كنتي تسوين؟
رفعت له المشط بدون ما تتكلم
قاسم طلع من جيبه فلوس وجوالها الي ما يعطيها الا وقت بيسافر تركه فوق التسريحة وتحته الفلوس: انا مسافر ويمكن سفرتي هالمرة تطول
غادة بتردد شجعت نفسها داخليها وقالت بثقة: خلص عقابك رجع لي بطاقتي الجامعية ما ابي أخذ حرمان الواسطات ما عاد تفيد
قاسم طلعها من جيبه وقبل ما يسلمها لها قال بتهديد وحدة: واياني اياك تعيدين الحركة مرة ثانية لو عدتيها مراح اسحب بطاقة الجامعة لا راح افصلك بشكل كامل فاهمة!
غادة بقوة متصنعة وهي مثبته عينها بعينه: فاهمه
سحبت البطاقة منه وهي تروح تحطها في شنطتها وتجهز كتبها الي اهم ما عندها والمنقذة الوحيدة من وحشية واقعها هي دراستها
دخل اخوها زياد وهو بيده شنطة متوسطة الحجم حقت ابوه: يلا يبه اوصلك
قاسم وهو يعطيها ظهره: لا بروح مع السايق ما يحتاج اجلس انت واخوك وانا رايح
زياد: أبشر
طلعوا وجلست كالعادة وحيدة ويا انها تعشق وحدتها احسن من العالم السيء لكن خرب دخول ابوها من جديد خرب عليها رفعت راسها له ببرود
قاسم قرب وهو يمسك شعرها الطويل ويشده بيده وبحدة: عيديها يا غادة وجربي تنحاشين او تطلعين الي يصير بالبيت لاحد يوصله للشرطة والله ان اضحي بك واطلعك زكاة
غادة ببرود: ليه انت مسلم عشان تزكي ولا تحلف بالله!
قاسم بغضب رفع يده ورجعها بقوة على فكها ومن قوة الضربة طلع الدم من فمها وغادة الي تعودت ناظرته ببرود وقالت بهمس: حسبي الله ونعم الوكيل الله ياخذ حقي منك انت وعيالك
قاسم رماها بقرفه على الارض: يا من شرى من حلاله عله ليتك رحتي ومتي مع امك وفكتيني
غادة بسخريه: تاركه شرف موتي لك
طلع بغضب وهو يركب السيارة مع السواق وقاله بصراخ: امش جعل ربي يفكني منها بذي الليله
«فهد-بالمركز»
كان يسمع تسجيل صوتي محادثة بين سعود ال سيف وسعود ال حامد وكان مضمونها
⏳
" سعود ال سيف: يا سعود مقدر اضحي ونبدأ واحنا نهاجم واحنا ورانا عوايل وراي ثريا لو رحت انا وانت من لهم عيالنا يا سعود انت تنتظرك بنتك الثانية عندك بنتين بتتركهم لساري تحمله فوق طاقته ليه؟
سعود ال حامد الي ساري ورث الشعر منه قال:
ياسعود لو دنياك يبطي شهدها
مرات بعض المر ياسعود خيره !
قال سعود ال سيف بيأس وحيرة:
لو إنها ياسعود صارت على الكيف
ماصرت انا يا سعود مابين مُرين...، مر حمايه اهلي ومر حمايه بلدي
سعود ال حامد ربت على كتفه: لازم نبدأ نخطط على قاسم الجوهي واهالينا معهم الله استودعهم يا اخوي خلنا نكمل شغلنا"
⌛
فهد وقف الصوت ورفع راسه لضابط أصيل: مو هو نفسه الي قبل فترة مسكت قضية لولده وتقفلت بسبب مجهول؟
أصيل: الا الا هو نفسه ليكون هو الي قتلهم؟!
فهد بتفكير: مدري يمكن هو
أصيل: شغل شغل خلنا نكمل نشوف وش يقولون
ورجعوا يكملون التسجيل الي كان طويل جدا حول الساعتين
وقف فهد ويده على راسه: قم قم يا أصيل قاسم وعياله لازم نقشهم فساد بالارض ااخخخ يا وجه الله كل هالسنين وينهم عن هالصوت!
أصيل بنفس صدمته: أنت ناسي وين شفنا الفلاشه بالموت جبناها العم سعود الله يرحمه مخبيها كويس بروح اجهز الدوريات خذ الأذن
وفعلا طلع أمر اعتقال قاسم وعياله يوسف وزياد الي انكشفت اسرارهم وانحرق كرتهم بتسجيل صوتي وبخلال ثوني انتشرت الدوريات والجنود حول بيت قاسم الجوهي وبدت الاشتباك بين الطرفين
أنت تقرأ
ما قتل سَارّي اللياليّ العِتام، إلا نُور شامة الثُريّا
General Fiction"يا خفوق بالثرى مدفون ويا ساري بالقصايد والشعر " هُنا مخرج وترجمة لِمَ في داخلي من صمت اترجمهُ على هيئة احداث وابيات شعرية مقتبسة أو من كتاباتي، ونصوص... أن كُنت لا تتحمل المشاعر التي تختبئ وسط حُروفي وكلِماتي أو إن كُنت ليس عميّق الخيال لتستخرج...
