«لا أبــيـح الـقراءة بدون لايــك ‼️»
.
"رأيت وجهك في الصباح فهالني
و الجو صبحٌ كيف تطلعُ ياقمر ؟"
___
«بيت ساري في مكتبه»
ساري الي كان نايم على كنبة المكتب وثريا بحضنه محاوطها بيدينه بحنيه ما حس بالوقت ولا يبي يقوم اصلا، لمن كانوا امس يسولفون والليل شاهد على ليلتهم لين ما غلبهم النعاس وناموا
ثريا صحت من ازعاج صوت جوال ساري الي كان مسكر عليها بيدينه بتملك، ثريا ببحه نوم: ساري جوالك يدق
ساري فتح عيونه بأنزعاج وهو يتثاءب بكسل ابتسم لمن شاف وجهها ابعد خصلات شعرها عن وجهها وببحه زادت على بحه صوته الشاعري بحه النوم: يا صباحي أنتي يا خير الصباح
ابتسمت بخجل: صباح النور
التفت بانزعاج لجواله الي رجع يرن سحبه وكان غيث رد بسرعه: غيث فيه شي؟ صابك بلا؟
غيث بصراخ وبنبره خوف واضحه: يا مال الجرب يا بهيم وينك لي ساعة اتصل ها مو من عوايدك ما ترد علي من ثالث رنه!
ساري ضحك بنعاس: معليش يا غيث السحاب والله كنت نايم غلبني امس السهر
غيث برفعه حاجب: وانت من متى تنام بدري دوم صديقك السهر والليل بس شكلك صارحت المدام وقضيتوا الليل سوا واضح من ضحكتك اصلا ولا من متى يضحك ساري الصباح؟
ساري ابتسم: وانت جني وش يعرفك فيني ها محسسني اني كل يوم مكشر بوجهك ودوم اصارخ فيك انقلع يا حمار
غيث: ياخ شكلك نسيت إني غيث مو حي الله وان وراك شغل وعندك اليوم موكل ومحكمة ساعة 2 الظهر ولازم تجهز لها من بدري
ساري بأستغراب: ليه كم ساعة مو 8؟
غيث صرخ: 8 وش يا تيس الحين 10 وربع تقول 8 اااخخ بس ودي امعط اذونك بس وينك عني بكره لوصلت الرياض إن شاء ﷲ امعطهم اصبر
ساري بصدمه: والله ما حسيت بالوقت والمنبه الحين اقوم ولشفتني امعط خشمي مع اذوني بس اذلف الحين
وقفل بوجه وقام وهي وقفت وراه وقالت قبل تطلع: بما ان تأخر الوقت بسوي فطورك توست تقدر تاكله بطريق ومشروب بالمطاره حقتك
ساري وهو يطلع وراها: بما اني تأخرت فلا تنتظروني انتي وامي على الغدا تأخرت مررهه
_____
«في احد جامعات الرياض عند نجد»
كانت بالحمام ترتب حالها وشعرها المموج متوسط الطول، وترجع تعيد على الروج الي من درجات الترابي على ثغرها لحتى يزيد ثباته ويغمق لونه، واخر لمسه كان عطرها الي يوصل ريحته لسابع جار تبخ بكثره ولا كأن العطر اصلا مركز وريحته فواحه، اعطت نفسها نظرة تقيم وابتسمت بغرور واخذت شنطتها وطلعت، اتصلت على صديقتها: الو إسراء وينك؟
إسراء: جيتي؟ لحظه انتي روحي عند مقهى الجامعه واجيك
نجد: طيب
سكرت منها وتوجهت للمقهى الموجود بالجامعه واخذت طاوله وجلست تنتظر إسراء وهي تطقطق بجوالها وحاطه رجل على رجل، ما هي الا دقايق ودخلت إسراء وحضنتها وسلمت عليها بشكل مبالغ فيه
نجد بغضب: ابك وينك انتي تأخرتي؟
إسراء حطت رجل على رجل وابتسمت بفخر: كنت مع حبيبتي ورى الجامعة عندنا سواليف شويات
نجد ناظرته ثم ضحكت: مراح تعقلين انتي وسوالفك كل يوم مع بنت جديدة
إسراء رفعت كتوفها: شسوي قلبي يحب البنات، اتركيني وقولي لي بس كيفك انتي؟
نجد: ابد ما فيه شي جديد غير ان جالسين نجهز لخطبة ضي
إسراء: اخت سحاب صحيح؟
نجد بكره: ايه قطع يقطع طاريها
إسراء بخبث وهي تدري بالخلافات بينهم من قبل وتعرف بغيرتها منها: هي الصراحه ما شاء ﷲ عليها سحاب مره جميلة بياضها يهبل غير ان جمالها جدا طبيعي يا حظ بس من له نصيب معها
نجد بحقد وغيرة الي ملازمتها من الصغر لسحاب كون الكل يمدح جمالها وافعالها: لا والله ما عندك نظر ابد هي بيضا صحيح بس بياضها مو حلو ابدا، اتركي الغبية عنك بس واسمعي وش صاير لي
إسراء بعدم اهتمام وهي تطقطق بالجوال: قولي وش صاير لك
نجد بحماس وغرور: قررت إني اجيب راس واحد اطيح الثقل الي مطلع لي روحي
إسراء لفت لها بأهتمام: وراه وش عاده مسوي لك؟
نجد رفعت اكتافها بدون اهتمام: ولا شي فاضيه وهو مشغول
إسراء بفضول: من هو ذا؟ ومن وين تعرفينه؟
نجد ضحكت: هههههه التقيته صدفه بمكتب جدي واستحقرني بنظراته وانا بعكسها واعلمه منهي انا، ايه نعم أنا نجد العذيّه على رمحٍ وسنّ
إسراء بسخريه: وكيف بتجيبين راسه بتفصخين يعني!!
نجد قلبت عيونها: يخسي ويعقب والله، اتركي كل شي علي بتشوفين ما اكون نجد اذا ما سويت الي ببالي -وقفت- قومي ورانا محاضرة ذالحين واعلمك بعدين وش بسوي
إسراء لحقتها: طيب وش اسمه على الأقل
نجد قالت بنبرة غريبة مخلوطة بخبث: غيث، الشريك الجديد الي جدي رايح جاي يمدح فيه
وتوجهوا للمحاضرة وبال نجد كله بخطتها وهي ضامنه انها بتنجح وهي بالأصل ما عرفت غيث صح
أنت تقرأ
ما قتل سَارّي اللياليّ العِتام، إلا نُور شامة الثُريّا
General Fiction"يا خفوق بالثرى مدفون ويا ساري بالقصايد والشعر " هُنا مخرج وترجمة لِمَ في داخلي من صمت اترجمهُ على هيئة احداث وابيات شعرية مقتبسة أو من كتاباتي، ونصوص... أن كُنت لا تتحمل المشاعر التي تختبئ وسط حُروفي وكلِماتي أو إن كُنت ليس عميّق الخيال لتستخرج...
