«لا أبــيـح الـقراءة بدون لايــك ‼️»
.
"اواه يا خصرٍ ليا هب الهوى ميّل بهون
عليه مجدولٍ تشبّع فوضويّة وانهمر
يا ملهمة وإنتي قوامك فتنة تسرّ العيون
يا فارقه عن كل ربات الحسّن بيض وسمر"
___
ساري ابتسم وهم يطلعون من المطبخ ويده لسه بمكانها على خصرها ويد على اكتاف امه: وش حالها الملسونه هي ومجنونها
ضحكت امه وهي تجلس: ابد مثل ما هم فار وقطو
ساري ضحك: والله يمه اترحم على عيالهم من الحين مجنون وتزوج مجنونه مثله وعيالهم وش بيطلعون غير مجانين
ام ساري: كنت بقولك حدك على بنتي بس صادق ههههه وايه يا ثريا تبارك لكم الزواج
ثريا وللحين خجلانه: يبارك فيها
ام ساري بعد مدة لفت على ساري: الا صدق يا ساري الليل
ساري عقد حواجبه من اللقب وهو باقي يده تحيط خصرها: لبيه
ام ساري بحنيه: كيف اخوك غيث السحاب يا ساري الليل
ساري ابتسم الكل عارف بعمق علاقته بغيث وهذي الالقاب الي ينادون فيها بعض لين ما صار اسم غيث وساري مرتبط ببعض: غيث السحاب بخير الحمد لله بخير على ان عناد مطلع له طوره ولا اموره بالتمام
ام ساري ابتسمت بحنيه: حبيب قلبي هو والله وصل له سلامي وقله اني زعلانه منه ما يزورني ولا يجيب لي حفيدي
_____
«بالرياض عند غيث»
كان ينتظر عناد يطلع من الروضة وما هي الا دقايق وطلع له يمشي بهيبة ورثها من ابوه ونظرات حادة وبوجه بريء طفولي لكنه عكس كل ذا نزل غيث لمستواه وابتسم له: حي الله شيخ الرياجيل وحامل اسمي حياك يابوك
عناد باس راس ابوه وهو يحاول يضخم صوته: الله يحيك يا بو عناد
غيث ابتسم له بحب ونزل نظاراته الشمسية ولبسها اياه وحمله لسيارة: اي قول لي اليوم من كفخت كالعادة؟
عناد نفخ خدوده بضجر وبطريقه كلام اكبر من عمره وهو يشرح بيدينه: تخيل بس ان في واحد غبي اليوم من صف الكبار ماسك له واحد ويضرب فيه اخخ والله انه ملعون رحت بعدته عنه وصفقته تصفق لحد ما جات المديرة وخذتنا كانت بتتصل عليك بس لمن قال لها الولد السالفه مدحتني واعطتني حلاوه بس رفضتها وعطيتها الورع المتصفق وطلعت عنهم
غيث انفجر ضحك من ولده الي كلامه اكبر من عمره بكثثييرر لف عليه وهو باقي يضحك: يابوك انت من مجالسك الكثير معي كلامك اكبر من عمرك مدري افرح ولا احزن والله مدري
عناد ابتسم ونزل النظارة شوي وناظره بطرف عين بغرور: الوكاد انك فرحان ومن حقك تفرح طبعا دام عناد بكبره ولدك
غيث ابتسم ولده نسخة مصغره منه نفس طبايع والكلام: اسمع هالحين احنا بنروح لبيت رجال اشتغل معه وعازمنا على الغدا ف بنروح البيت هالحين نبدل ونروح قبل نبطي على الرجال لا اوصيك بالعقل والرزانه ولسانك بحلقك سامع
عناد بملل وهو متعود على عزايم ابوه ومقابل الرجال: كنت مخطط اني العب اليوم مع فراس ولد الجيران
غيث ناظره بحده وناظر عناد ب حده وعناد اسم على مسمى غيث تنهد: غلطة عمري يوم سميتك عناد ولا امك تبيك هادي كان الحين انت عاقل راكد بس يا حيف
عناد بطوله لسان وتقليد لكلام غيث المكرر: يا حيف بس فيك يا عناد شرايك اغير اسمك؟ يا يبه خلاص والله كل يوم تقول كذا حفظت
غيث تنهد بيأس منه وحرك السيارة للبيت يغيرون ملابسهم
أنت تقرأ
ما قتل سَارّي اللياليّ العِتام، إلا نُور شامة الثُريّا
General Fiction"يا خفوق بالثرى مدفون ويا ساري بالقصايد والشعر " هُنا مخرج وترجمة لِمَ في داخلي من صمت اترجمهُ على هيئة احداث وابيات شعرية مقتبسة أو من كتاباتي، ونصوص... أن كُنت لا تتحمل المشاعر التي تختبئ وسط حُروفي وكلِماتي أو إن كُنت ليس عميّق الخيال لتستخرج...
