Darating kaya ang bukas? [PUBLISHED]

KABANATA 20

Arianna's P.O.V.

"O, anong ginagawa mo rito?"  Gulat na gulat na tanong ni Don Pedrito, nang makita niya ako sa kaniyang opisina.

"Eh..." Kakamot-kamot ako. "Nasesante po kasi ako."

Napatawa siya, "Nino? Ni Anton? Bakit, ano bang ginawa mo?"

"Ano po kasi eh." Mas lumapit ako sa harapan ng lamesa niya. "Nakulitan po yata sa akin."

Humalakhak ito.

"Eh. Mukha pong, hindi po ako talaga tatagal sa kanya dahil naturalesa ko na po ang pagiging makulit at pursigido kahit nire-reject ako. Kahit ano pong gawin ko, hindi ko na mabago-bago ang ugali ko. Eh..."Kumamot ulit ako, "Meron po ba kayong bakante dito sa inyo?"

Nag-isip ang matanda.  "Makulit at pursigido,  Hmmm..."

"Huwag po kayong mag-alala, hindi po ako maselan."

"Gusto mo ba sa Sales and Marketing? We always have vacancies there, since most people doesn't want to sell."

"Talaga po?!"  Para akong nabuhayan ng loob. Iyon kasi ang forte ko. "Dati po akong Sales and Marketing Manager sa dati kong pinagtrabahuhan. Pero ayos lang po sa akin kahit magsimula ako sa pinakamababa."

Ngumiti sa akin si Don Pedrito, "I really like your enthusiasm and persistence, Aria.  That's exactly what I need in my company.  Well--" Tumayo siya at kinamayan ako. "You are hired then. Tatawagan ko lang ang HR do'n sa kabila para ma-transfer ang employment mo rito."

"Naku, maraming salamat po, Don Ped--Sir pala." Tatawa-tawa ako, "Hindi po kayo magsisisi.  Ito po talaga ang linya ko."

"O sige. Tatawagan ko lang ang head ng departamentong 'yon para siya na ang mag-brief sa 'yo sa nature ng negosyo, produkto at trabaho. Hintayin mo na lamang siya sa receiving area, is that Ok with you?"

"Opo. Sige po. Maraming salamat po ulit."

***

"Cedrick?!"  Gulat na gulat ako nang siya ang nakita kong dumating. "Ikaw ba ang boss ko?!"

"Nope." Nakangiti siya. "Executive assistant ako ni Big Boss. Nakita lang kitang dumaan sa cubicle ko.   Kumusta? Saan ka?"

"Sa Sales daw ako."

"Ah, kay Mrs. Roa?"

"Siya ba ang head?"

Tumango ito, "She's been here in the company the longest 35 years na."

"Wow."

"Yes. Wow. She's been all around 3 companies. Kaya't kahit anong itanong mo regarding the businesses, she knows them all.  Don't worry, she's very nice."

"Miss San Carlos?"  Boses iyon ng isang babae.  Napalingon kami ni Cedrick. "Hi, I'm Mrs. Medel Roa." Kinamayan niya ako. Mukha naman itong mabait at maaliwalas ang mukha.

"Hello po."

"Is it ok kung i-brief kita after Lunch?" Tumingin siya sa kanyang relo. "5 minutes na lang kasi lunch time na. Tapos may eye appointment pa ako with my optalmologist around 1 PM. Ok lang ba if I'll see you around two-thirtyish?"