အချစ်ဦး

Part-5

ဒုန်း

ကျယ်လောင်သောတံခါးဖွင့်သံသည်
တိတ်ဆိတ်နေတဲ့အခန်းတွင်း
ကျယ်လောင်စွာ ထွက်ပေါ်လာသည်။

အခန်းကြမ်းပြင်ပေါ်တွင်
လဲနေ‌သောကောင်မလေးတစ်ဦး
ပျံ့ကျဲနေသော ပစ္စည်းများ
နှင့် အခန်းသည်ရှုပ်ပွနေခဲ့သည်။

ကြမ်းပြင်တွင် တစက်စက်
ယိုစီးကျနေသော သွေးစက်များဖြင့်
ကြမ်းပြင်တစ်ခုလုံး
ရဲရဲတောက်လျက်ရှိသည်။

အခန်းတွင်းရှိ ကောင်မလေးမှာတော့
အပူအပင်ကင်းစွာ အိပ်ပျော်လျက်

ဖြူဖျော့နေသော မျက်နှာနှင့်
နှေးလွန်းနေသော အသက်ရှူနှုန်းအရ
အသက်မြှေးမြှေးသာ ကျန်ကြောင်း
သိနိုင်ပေသည်။

"မြတ်နိုး!!!!!!!!!!!"

--------------------------------------------------

ထိုနေ့အဖြစ်အပျက်ပြီးသည့်နောက်
မြတ်နိုးတို့အဖွဲ့ သိပ်မဆုံဖြစ်ခဲ့ပါ

မြတ်ပွင့်တို့သည်
ဆုအား တွေ့သည့်အခါတိုင်း
အကို့အားစွန့်လွှတ်ရန် နားချကြသည်

ဆုဟာ အကို့ကို
ပွဲအတွက်စီစဉ်ရင်း
အလုပ်ရှုပ်နေခဲ့သည်။

September 1

လှပလွန်းတဲ့အပြင်အဆင်တွေ
လှမ်းမြင်နိုင်သော ရန်ကုန်မြို့ရဲ့
ညရှုခင်းအလှအပ
စားပွဲပေါ်တွင်ခင်းထားသော
ကိတ်မုန့်လေးနှင့်ဝိုင်နှစ်ခွက်
ညရှုခင်းကို ကောင်းစွာမြင်နိုင်သော
မိုးမျှော်တိုက်၏ထိပ်ဆုံးအထပ်

ကြမ်းပြင်တွင်ပြည့်နှက်နေသော
နှင်းဆီပန်းများ
ချိတ်ဆွဲထားသော
"Happy 1th month anniversary"
ဆိုတဲ့စာတမ်းလှလှလေး

အရမ်းလှပပြည့်စုံနေခဲ့ပေမဲ့
ဆုအတွက်တော့
နှလုံးသားနေရာမှ
တစ်စစ်စစ်နာကျင်နေခဲ့သည်။

ချစ်ရသူ တခြားတစ်ယောက်နှင့်
ပျော်ရွှင်နေရန်အတွက်
စီစဉ်ပေးရသည့် ဆုအား
နတ်ဘုရားမှ ဘယ်လို
ဒဏ်ခတ်မှုမျိုးပါလိမ့်

ပွဲအားအစစအရာရာစီစဉ်ပေးကာ ပြီးဆုံးသည့်အချိန်သည်
5:30 pm

အကိုနှင့်ထိုမမချိန်းထားသည့်
အချိန်သည် 7:30 pm