عسل اسود

البارت الاول

اختاري ذلك الذي يقرأ لك ، بدلآ عنك وانتي متعبة ، بلطف وحنان صوته ، علي مسمعك خشية علي عينيك من الارهاق ، ذلك الذي جبلت رائحة عطره برائحة الكتب ... اختاري رجل يقرأ 💙

# رائف علي
كتبها دكتور رائف علي صفحته في احدي مواقع التواصل الاجتماعي
ياسلام عليك ياض يارائف وانت بتتكلم بعمق كدا كأني بوصفني بالظبط
قال ذلك رائف لنفسه كنوع من التشجيع يعني قاطعه رنين هاتفه نظر اليه وعلم هوية المتصل علي الفور
رائف : اهلا بهادم اللذات
احمد : ازعجتك ولا ايه
رائف : اه يافصيل عايز ايه
احمد : ولا حاجه يادكترة متصل عشان ازعجك بس
رائف : طب اقفل بدل ما اجيلك
احمد : هتعمل ايه يعني مش قافل ياوحش
رائف : اتقي شري يااحمد الساعه دي
احمد : مالك يارائف انت لسه بتفكر فيها
رائف بتنهيده طويله وحزن : هو انا امتي بطلت افكر فيها اصلا بقيت بنزل م البيت مستني الاقيها ف الشارع ف المستشفي في اي حته بس تظهر
احمد بزعل علي صاحبه : ياعم دا حلم مجرد حلم بتحب واحده ومعذب نفسك وانت مشفتهاش غير ف احلامك اصلا شكل قعدتك مع الحالات اثرت عليك فوق ياصاحبي
رائف : ياريته كان مجرد حلم وعدي يااحمد انا دايما بشوفها ف احلامي بقيت بحس بيها تخيل زعلانه فرحانه حصلها حاجه قلبي بيوجعني من غير ما اشوفها
احمد بمرح : هتسيب الطب وتبقي شاعر ولا ايه يادكتره
رائف : اقفل ياض انا غلطان اني بكلم مع واحد تافهه زيك فصيل
احمد بمشاكسه : خلاص ياعم هتقلبها دراما ليه انا غلطان اني بفرفشك امال فين رائف اللي قارفني في عشتي هزار وضحك ياض دا الحالة اللي بتدخلك تطلع من عندك مخها لاسع اكتر ماهي
رائف بمرح : الحق عليا بنسيهم احزانهم يعني
احمد بضحكه : نسيهم ياسطا قفل المستشفي ع ايدك المهم هنتقابل فين الواد محمود كلمني ومصدق خلع من البيت
رائف : اهو محمود دا اللي عايزله قاعده نعدله فيها
نتقابل في مكانا هتغدي واجيلكو
احمد : اشطا مستنينك يادكتره

في مكان تاني بعيد كل البعد عن رائف

في بلكونة اوضتها التي تطل منها علي جنينة واسعه تريح البال لمن ينظر لها تجلس فتاة جميلة الروح والقلب والشكل ايضا اسم علي مسمي فرح وهي فرح لكل اللي يعرفها تسرح بخيالها لبعيد بعيدآ جدا عن الواقع في بطل روايتها المنتظر
يااااااه امتي الاقي بطل روايه زي اللي بقرأهم دول طويل القامة عريض المنكبين ذو لحيه جميله زيه
....: فرح يافرح رحتي فين يابنتي بنادي عليكي
فرح : ايه يامريم سرحت ف بطل من ابطال الروايات
مريم : يادي الروايات اللي كلت عقلك دي طب سيبي رواياتك ع جمب وركزي ف الواقع شويه لو مش هدايقك يعني
فرح : اهو ياستي ركزت احكي بقي
مريم : تعالي بقي اختاري معايا لبس لمقابله الشغل بكره عشان محتاره
فرح بصت ع الهدوم المرميه ع السرير بصدمة : كل دا ومحتاره ومش عارفه تلبسي ايه يامريم حرام عليكي بهدلتي السرير وبعدين ما الهدوم كتييير اهي وما شاء الله كلهم حلوين وشيك
مريم : ايوه بس مش عارفه اختار منهم حاجه
فرح بأبتسامه جميلة اخدت بليزر عجبها : دا هيبقي قمر عليكي اوووي اللون الكافيه بيبقي حلو فيكي اصلا وعليه طرحه بيج او ابيض وبنطلون ابيض هيبقي حلو وهادي كدا ايه رايك
مريم : اشطا عجبني كملي جميلك بقي ووصليني معاكي الصبح وانتي رايحه المستشفي
فرح بأبتسامه : عيوني ليكي يلا لمي الهدوم بقي ويادوب نلحق ننام
مريم : اوكيه ياموزة
فرح ضحكت علي اختها المجنونه وروقو الدنيا ونامو

عند رائف قاعدين الثلاثي المرح قدام البحر
رائف : ياجدع اتقي الله الست قيدالك صوابعها العشرة شمع ومحافظة علي بيتك وعيالك وصيناك ف غيبتك وانت بتبص بره عايز ايه اكتر من كدا يعني
محمود بحزن : مبقتش مرتاح يارائف غصب عني اهملت ف حياتنا مبقتش الشخصيه اللي حبتها واتجوزتها زمان كل اهتماتها العيال قعدتها كلها مع العيال وانا فين من دا كله دنا برجع من كل مؤموريه اقول هلاقيها مستنياني بروح الاقيها نايمه وجمب العيال برضو انا عارف ان ضغط عليها بس انا برضو راجل يارائف ومحتاج اللي تشاركني حياتي تسمعني تحكيلي محتاج ونس
احمد : ماشي ياعم حقك بس متروحش ع طول كدا تتعرف علي بنات وتدور ع احتياجاتك بره اكلم معاها يامحمود بهداوه اشرحلها اللي مدايقك ادي فرصه لعلاقتكو يابني ان مكنش عشانكو عشان العيال زمبهم ايه في اللي بيحصل دا راجع حسباتك ياصحبي مضيعش حياتك وحبك
رائف بمرح : شوف هو طول عمره تافهه ومبيقولش كلمة جد في حياته ابدا بس عندو حق احسنت يابني
احمد بمشاكسه : قعدتي مع ناس كئيبه زيكو عدتني انا بقول كفايه كدا استحملتكو كتييير كفايه كدا ع الصحوبيه انا مش مستغني عن تفهتي
رائف : غور فداهيه جتكو نيله اصحاب عره واحد كئيب والتاني مجنون
احمد بشهقه : حوش ياض العقل يادكتور المجانين انت
محمود بحده مصطنعه : اقسم بالله ان ماسكتو لفرغ سلاحي فيكو
رائف واحمد ف صوت واحد وخوف مصطنع  : تمام يافندم
محمود بصلهم وضحك علي اصحابو المجانين اللي مهونين عليه دايما

في مكان تاني وبلد تانيه خالص
ايطاليا وما ادراك ما ايطاليا بقي 😂
في احدي الملاهي الليليه يجلس شاب وسيم جدا ذو لحيه مهندمه ولبس يبين لمن يراه ثراء صاحبه( بيلبس ماركات يعني ) ورائحة برفان جذابه يلتف حوله البنات بملابس لا تعليق عليها
مازن : روز يلا نرقص
روز : يلا يابيبي
بيتمايله علي موسيقي صاخبه جدا
تلاحظ روز انزعاج مازن
روز : مالك يامازن مش ف المود النهارده يعني
مازن بتأفف : ابويا عايزني ارجع مصر بأي شكل بيتحجج انو تعب وعايزني اشيل المستشفي معاه بس انا عارف السبب الحقيقي ورا كل دا عايز يجوزني واقعد معاه ف مصر واسيب ايطاليا
روز : وايه يعني يابيبي نفذلو طلبو
مازن : انتي اتجننتي مش مازن المحمدي اللي يسيب حياته ومكانه عشان حد حتي لو كان ابويا
روز : بيبي مش قصدي هو كدا كدا بيزن من زمان ف ريح دماغك وهاوده بس بمزاجك انت
مازن بنتباه : ازاي
روز بخبث : يعني انزل مصر واجوز واعمل انك بتنفذ رغبته بس بطريقتك انت  نجوز يعني
مازن : اه دا انتي بتخطتي بقي وبترسمي ع حاجات تانيه
روز بسهوكه : ابدا ياحبيبي انا بس بحاول اريحك لو مش عايز خلاص ولا كأني قلت حاجه
مازن بتفكير : سبيني افكر واحسبها ف دماغي الاول واعرفي حاجه حتي لو اجوزنا هناك وعملنا التمثيليه دي هيبقي جواز بوقت وشروط انا اللي احددها واما نرجع هطلقك انا مليش ف الجواز والحوارات دي
روز بتمثيل البراءة : اوكي يابيبي زي ما تحب انا معاك في اي حاجه تعالي نشرب كاسين واظبطلك مودك بقي

استووووووووب لحد كدا
تفتكرو اي اللي هيحصل واي حكايه مازن وروز وياتري رائف بيحلم بمين وحكايته ايه وفرح هتلاقي بطل زي ابطال الروايات ولا لا
توقعاتكو للبارت الجاي ياقمرات ♥️
لو البارت عجبكو فرحيني واعملي نجمة وشجعيني ب كومنت حلو زيك ياللي هتقريه 😍