عسل اسود

البارت الثاني عشر

عزيزتي المرأة، جميل اهتمامكِ بمظهرك وأنا من المُهتَمّين بهذا وأشجّع عليه، لكن اهتمّي أيضاً بعقلِكِ بجانب اهتمامك بمظهرك الأنثوي من لباس ومُلحقاته.
حصولكِ على شهادة جامعية من سنوات طويلة ليس كافياً ولا يصنع منكِ امرأة مثقفة وذات كيان؛ عليكِ الاجتهاد على ثقافتك، فعقلكِ بحاجة حلّة جديدة وأفكار جديدة وتحفيز على التفكير وتنشيط.
لا تجعلي ثيابكِ أغلى وأهم منكِ ومن عقلِك؛ عقلكِ وصدقك وإنسانيّتك هي شخصيّتك وقيمتكِ الحقيقية وليس مقدار ثمن ثيابكِ المادية.
سيدتي، لا تُثبتي للمجتمع أنكِ فعلاً قاصر وعقلكِ محصور بالماديات والمظاهر؛ في الوقت الذي تفتقدين فيه لكل مُقوِّمات المعرفة والثقافة. فقط حاولي، أرجوكِ ..
# رائف علي

كتبها رائف علي صفحته الصبح وهو في مكتبه ف المستشفي فجاأه رن تلفونه
رائف : بتتصل بيا وانت ف الاوضه اللي جمبي
احمد : ياعم كسلت اجيلك قولت اتصل بيك اسهل
رائف : كسلت اه طب احكي
احمد بمشاكسه : بطمن عليك يادكتره انت عامل ايه واحشني
رائف : دا علي اساس اننا مش بنيجي كل يوم سوا وبنتقابل خمستلاف مره ف المستشفي وقارفني تلفونات اهه
احمد : بهزر معاك يادكتور
رائف : طب ياسيدي هزرت اقفل بقي
احمد بجديه : في ايه ياجدع مالك م الصبح مش عاجبني
رائف بجديه وحزن : زعلان علي محمود واللي بيعمله ف نفسه
احمد بحزن علي صاحبهم : صعبان عليا عياله اكتر منه والله
رائف : لازم نبقي جمبو يااحمد النهارده اه احنا مش طايقين الفرح ولا اللي بيعمله بس صاحبنا ولازم نبقي جمبه
احمد : لما بشوفه قدامي ببقي عايز اكسر عضمه والله علي غبائه دا بس عندك حق صاحبنا ولازم نبقي معاه
رائف : تمام بليل هجهز واعدي عليك نروحله الفرح
احمد : ماشي يارائف يلا هقفل عشان عندي شغل
رائف : ماشي
عند محمود
سالي بتكلم محمود ف الفون
سالي : اخيرا يابيبي مش مصدقه ان فرحنا النهارده
محمود سرح ومردش عليها
سالي : الو محمود رحت فين
محمود بانتباه : معاكي ياسالي
سالي بدلع : فرحان اننا هنبقي مع بعض ياحبيبي
محمود بلامبلاه : اه عادي يعني
سالي : وانا كمان يابيبي مش مصدقه نفسي اصلا هبقي مرات الضابط محمود ايمن
محمود : طب ياسالي هكلمك تاني مشغول ف الترتيبات باي ويقفل
بيبص علي نفسه ف المرايا : انا ايه اللي هعمله دا كله بسببك ياهاله انتي اللي وصلتينا لكدا
عند فرح
قاعده مع ملك ف مكتبها
فرح : زي مابقولك كدا اتخضيت م المسج دي
ملك بهزار : شكلو معجب
فرح : معجب ايه بس ويبعتلي كدا ليه يعني
ملك : عايزاه يبعتلك ايه يعني قدك المياس ياعمري وتسكت لحظه وفجأه تكلم بتأثر
هتقبي عروسه يافرح وتسبيني هلاقي مين غيرك اكلمو هغلس علي مين هشل مين كل يوم الصبح ف المستشفي الجواز هياخدك مني
فرح بستغراب : جواز ايه يابت منا مرزوعه جمبك اهه
ملك : كلهم بيقولو كدا ف الاول ياختي وبعد كدا البيه ياخدك مني وانتي تسبيني عشانه صحوبيه واطيه
فرح : هو مين دا اللي هياخدتي منك هو انا اعرف غيرك يامنيله
ملك بصتلها بنص عين : يعني مش هتسبيني
فرح : لا ياهبله
ملك في ثانيه اتحولت وفرحت وبتكلم بحماس : طب ها يلا مفيش وقت نختار الوان الفستان بصي شوفي هتلبسي فستان لونه ايه وانا اوعدك مش هلبس نفس اللون ما انتي العروسه بقي
فرح : عرسه لما تبقي تخنقك انا ناقصه ياربي مش كفايه عليا اختي انا قايمه وسيبهالك
ملك : استني يابت ياعروسه طب متفقناش علي الوان الستاير طيب
فرح : مشيت ومسألتش فيها
ملك : طب اسامي عيالكو يابت طب اما يبعتلك قوليلي ها يلا سسسلام سلام 😂
( دول صحابي جدا يعني 😂😂😂)
بليل في فرح محمود
رائف بيسلم علي محمود
رائف : مبروك ياعريس
محمود : الله يبارك فيك يارائف عقبالك فين احمد مجاش معاك
رائف : بيركن العربيه بره وجاي
يجي احمد ع السيره
احمد : مبروك ياصاحبي ربنا يسعدك
محمود : الله يبارك فيك يااحمد عقبالك
احمد يبصله ويسكت
فجأه تلفون محمود رن شافو لقي ابنه اللي بيتصل استغرب وقام وقف ف مكان هادي عشان يعرف يكلم ورد عليه
محمود : ادم حبيب بابا وحشتني
ادم : وانت كمان يابابا وحشتني بس انا زعلان منك
محمود : ليه بس يابابا
ادم : ازاي تسبنا ومتجيش يابابا وسايب ماما في المستشفي لوحدها
محمود بقلق: مستشفي ايه ياادم
ادم : المستشفي اللي عند بيت جدو ماما تعبت الصبح جامد وجدو اخدها المستشفي يابابا ولسه مجوش وانا خايف علي ماما ممكن تروحلها وتبقي تيجي عند جدو تاخدنا نشوفها
محمود : طب ياحبيبي سلام دلوقتي عشان اكلم جدو واجي
ويسيب الفرح واصحابه يشوفوه وينادو عليه ميردش ويجري ع عربيته
رائف بيجري هو واحمد ورا محمود
رائف : راح فين دا هو اجنن ولا ايه
احمد : شكل في حاجه حصلت ربنا يستر
رائف : يارب
عند فرح بليل
قاعده ف اوضتها بتشرب الايس كوفي بتاعها ف البلكونه وبتتأمل ف الجو اللي حواليها وفجأه فونها رن برساله
بتفتح الرساله لقتها من نفس الرقم
( بيقولو ما محبه الا بعد عداوه مكنتش بقتنع بالكلام دا الا لما حصلي معاكي )

استوووووووب
حبايبي وحشتوني اد البحر وسمكاته ♥️
اتأخرت عليكو كتير كتير بس لوزة الايام دي مش لطيفه خالص معاها وعشان خاطركو هتفق معاكو اتفاق هنزل بارت كل اسبوع لحد ما الدنيا عندي تبقي تمام وارجع انزل كل يوم بارت زي الاول ميعادنا هيبقي اخر الاسبوع الجمعه او السبت اللي يعجبكو قولولي ف الكومنتات
متنسيش النجمه ياقمر ياللي بتقرأي البارت😍 وتوقعاتك للي جاي واخر حاجه بقي ادعولي دعوه حلوه 🤍
نتقابل ف البارت الجاي ياحلويات 💖