عسل اسود

البارت التاسع

مهما تطورت وسائل التواصل الاجتماعي لا يمكنها أن تعوض بهجة لقاء الإنسان بالإنسان، مهما تطورت وسائل التواصل ستبقىٰ اللقاءات التقليدية هي الأفضل، لهفة اللقاء وجهًا لوجه لا تعوضها أي وسيلة تواصل أخرىٰ، لا النظرة تُعوض، ولا مصافحة اليدين، ولا وقت الإبتسامة، ولا ريحة العطر، وحتىٰ إلتزامك بالموعد له قيمته، حماسك للمقابلة، واختيارك لملابسك، كل هذه الأشياء لا يعوضها هذا التطور.💛

# رائف علي

كتبها رائف ف مذكراته قبل مغادره المستشفي
احمد يدخل عليه المكتب فجأه دون استأذان : دكتورنا اللي مشرفنا
رائف : ياجدع حد يدخل علي حد كدا
احمد : ايه يعني ياعم هو انا دخلت عليك الحمام
رائف : دا اللي ناقص والله خايف تعملها مره
احمد بغمزه : عيب عليك يادكتره انا ميدو اه بس راجل اوووي
رائف : طب ياميدو اتحرك قدامي
احمد : هتخطفني يادكتره ولا ايه
رائف بحده مصطنعه : هخطفك اهبب بيك ايه انجر قدامي
احمد بمرح : بموت ف الشتيمه وبخبي

عند فرح
مريم نزلتلها وراحو الفيلا عند الدكتور محمدي
فرح : مين اللي حاطة عربيته قدام باب الفيلا كدا هندخل ازاي احنا دلوقتي
مريم : مايمكن ضيف جاي لانكل
فرح : ضيف ويركن عربيته كدا عم سليمان
عم سليمان البواب : اهلا ياانسه فرح نورتي يابنتي
فرح : بنورك ياراجل ياطيب عايزين نعدي ياعم سليمان مين اللي راكن العربيه بالطريقه دي
عم سليمان : دا استاذ مازن ابن الدكتور رجع من بلاد بره
فرح بضيقه : اه قولتلي كان لازم اعرف من طريقه الركنه انه المغرور جوه
عم سليمان : بتقولي حاجه يابنتي
فرح : لا ياراجل ياطيب بفكر هعدي ازاي سكتت ثواني عم سليمان معاك مفتاح العربيه
عم سليمان : ايوه يابنتي الاستاذ مازن سبهولي عشان انضف العربيه
فرح بصوت واطي مغرور وتنك : طب ادهوني وانا هوسع عشان ادخل واركنلو عربيته زي البني ادمين
عم سليمان : اتفضلي يابنتي
فرح لمريم: تعالي مكاني وانا هروح اسوق عربية استاذ مغرور
مريم : ماشي يلا
فرح تنزل ومريم تقعد مكانها وفرح تروح عربية مازن تسوقها
فرح : ان ما وريتك مبقاش انا فرح صلاح يابن المحمدي
فرح تسوق عربية مازن وتدخل الفيلا ومريم تدخل وراها بعربية فرح
فرح تركن عربية مازن عادي ومريم تركن عربية فرح
فرح : مريم معاكي كريكتور ولا قلم فلوماستر
مريم : هشيل الحاجات دي معايا ليه لسه جايه م المدرسه مثلا وبعدين عايزه الحاجات دي ليه
فرح : هعلم المغرور الادب
مريم : واما تتخانقو زي زمان يعني
فرح : يبقي يوريني هيعمل ايه ابو عضلات وتاخد قلم روج نبيتي وتكتب ع ازاز العربيه من قدام " ياريت تتعلم تركن كويس مش مغرور وقليل الذوق وكمان مبتعرفش تركن "
وسابتها ودخلت ولا كأنها عملت حاجه
( جدعه يابت يافرح 😂😂 )

جوه الفيلا عند دكتور محمدي
محمدي : افتح الباب ياعم عبده
عم عبده : حاضر يادكتور
فرح ومريم بصوت واحد : انكل وحشتني
محمدي بضحكه : حلويات العيله وحشتوني
فرح ومريم بطفوليه ومرح : وانت كمان يا انكل طنتي فين
محمدي بضحكه : ف المطبخ من الصبح بتعملكو كل الاكل اللي بتحبوه
مريم لفرح بمرح : مش قولتلك الريحه دي اكيد من الفيلا هنا مناخيري عمرها متغلط ف ريحه الاكل الحلو ابدا
محمدي وفرح ضحكو عليها
فرح : طب انا هروح لطنط اساعدها
مريم ل محمدي : بقالنا كتير ملعبناش دور شطرنج اغلبك فيه ياانكل
محمدي بضحك : صراحه ايوه
مريم : طب يلا بينا دور شطرنج ف السريع كدا قبل الاكل
محمدي بضحك يلا مجنونه

في المطبخ عند فرح ومامت مازن
فرح بمرح : انطي سلوي
مامت مازن سلوي : قلب انطي سلوي فرحتي
فرح : عامله ايه يانطي وحشتيني كتييير
سلوي : لو وحشتك كنتي سألتي عليا يابكاشه بقالك اد ايه مجتيش اتغديتي معايا
فرح : غصب عني انتي عارفه الشغل ف المستشفي كتير جدا خالص
سلوي : يابت
فرح لسه هترد
مازن بعصبيه وصوت عالي : مين اللي عمل كدا ف العربيه ايه لعب العيال دا
بره ف الصالون طلع محمدي وفرح ع الصوت
محمدي : فيه ايه يامازن بتزعق ليه
مازن : في اني طلعت ارد ع الفون اللي جالي ف الجنينه وشفت عربيتي مركونه قدام الباب الداخلي للفيلا والازاز متبهدل مين الحيوان اللي عمل كدا
ف نفس اللحظه طلعت فرح وسلوي م المطبخ
فرح بكل برود وهدوء : احترم نفسك
مازن : ابعدي عني يابت انتي مش فايقلك وموجهتلكيش كلام
فرح بنفس البرود : اولا انا ليا اسم ايه بت انتي دي وثانيا بقي وجهتلي الكلام عشان انا اللي عملت كدا
مريم بصوت واطي اشبه بالهمس ل محمدي : شكلنا هنرجع لذكريات زمان يا انكل
محمدي بضحكه مكتومه : جاهزه نسلك الخناقه
مريم بمرح : متقلقش خالص ياانكل بعون الله هولعها
محمدي بضحكه مكتومه : ربنا يستر
مازن بعصبيه : ايه قلة الذوق دي في دكتوره محترمه تعمل حركات العيال دي
فرح ببرود لاغاظته : مش انا عملت يبقي فيه
مازن بعصبيه وعجرفه : انتي عارفه العربيه اللي بهدلتي ازازها دي بكام ولا هتعرفي منين بعربيتك موديل الستينات دي
فرح بضيق تفننت ف عدم اظهاره وتمثيل نفس البرود : هو بالموديل يااستاذ وبعدين دا شئ ميخصكش اصلا ولا ف ايطاليا متعلمتش انك متدخلش ف حياة حد و العربيه اللي مش عجباك دي عجباني
مازن لسه هيكلم
محمدي : مازن عيب كدا اعتذر لفرح
مازن بعجرفه : انا اللي اعتذرلها مش شايف هي عملت ايه
محمدي : ايوه تعتذر ولو علي العربيه عم سليمان هيغسلها وترجع زي ما كانت
مازن بتكبر : مش هعتذر لحد
محمدي : مازن انا قولت اعتذر ايه كبرت علي كلمت ابوك ولا ايه
مازن بتكبر : متزعليش
محمدي ل فرح : وانتي يافرح اعتذري لمازن
فرح بضيق واعتراض : يا انكل
محمدي بصرامه : فرح اعتذري
فرح بضيق : متزعلش
مريم بمشاكسه : ليه كدا يا انكل خلتهم خلصو الخناقه بدري كان نفسي اشوفهم لما يدشو ف شعور بعض زي زمان
محمدي بضحكه : تموتي ف الخناقات انتي
مريم بمرح : بحب اهدي النفوس اووي
محمدي بضحكه : طب يلا يامجنونه عشان نتغدي

عند محمود

هاله مسكت قطعت ازاز ف الارض : يبقي هموت نفسي يامحمود
محمود : اهدي واعقلي ياهاله ارمي الازاز دا
هاله بعصبيه اكتر : مش ههدي طلقني يا هموت نفسي مش هقعد ع ذمتك دقيقه واحده تاني
محمود بعصبيه : مش هطلق ياهاله
هاله : يبقي هموت نفسي يامحمود وذنبي ف رقبتك
محمود بخوف وقلق عليها وعصبيه : انتي طالق استريحتي كدا
هاله رمت الازاز وبتمثيل القوه : اه استريحت جدا وهلم هدومي وهاخد عيالي واروح عند بابا وابقي ابعتلي ورقه الطلاق رسمي
محمود بزعل مش عارف ليه : اعملي اللي تعمليه وسابها وطلع
نزل م البيت وماشي ف الشارع لقي نفسه بيكلم رائف
محمود : رائف محتاج اكلم معاك تعالي مكانا وقفل من غير مايسمع الرد وراح مكانهم ع البحر وقعد لقي نفسه بيعيط وصرخ بعلو صوته ( ليه يارب ليه )

( مش هو مفتري بس صعب عليا 🥺 )
استووووووب لحد كدا النهارده
رأيكو يهمني ياحلويات 😍
انتي ياللي شوفتي البارت وجريتي مش ناسيه حاجه مثلا 🤔 ايوه النجمه لو سمحتي يعني ولو مش هتقل عليكي 😂 كومنت كمان حلو زيك يشجعني اكمل ♥️