عسل اسود

البارت الثالث عشر

لماذا هي ؟!
- دعني أقولُ لكَ أنها عاديَّةٌ جداً، إلا أنَ ثمةَ شٌيء فيها يجعلُكَ تراها مُختلفةً تماماً عن غيرها، الأنوثةُ في ملامحها مُحاطةُ بسورِ حَياء، البساطةُ فيها مُرقمةُ بأعداد تصَاعُدية، كلما كُبرت اتضحت معالمُ براءتِها . مزاجيتها تقلبُ كيانَك رأساً على عقب، تبكي وتضحك في آنٍ واحدٍ حتى تشكَ بأنك السبب، تُحيركَ في أمرها، تدهشك بعطائها، تشعلكَ وتطِفئك بنظراتِها، لها ضحكة تأتي بالقلب العاصي تأئباً مطيعاً. هي عادية حتى إذا خالط خيالك الواسع حقيقتها، أقسّمت أن نسَاء العالمين فيها اجتمعن . 💛🦋
                                                              # رائف علي
فرح نزلت الصبح الشغل واول ماوصلت دخلت من باب المستشفي لقت مازن في وشها
فرح في سرها : ياساتر يارب ع الصبح كدا
مازن ببرود : متأخره عن معادك نص ساعه يادكتوره
فرح بنفس البرود : هو انت مدير المستشفي وانا معرفش اتأخر متأخرش دي حاجه متخصكش ولا ايه
مازن : لا تخصني طبعا ادام تخصك
فرح ببرود : ودا من ايه ان شاء الله
مازن ببتسامه : من ساعه ما العداوه بقت محبه يافرح
سابها ومشي وفرح فضلت متنحه
فرح لنفسها : يكونش هو اللي بيبعت الرسايل ولا بيقول كدا رخامه
ملك : فرح يافرح
فرح انتبهت ليها : ايوه ياملك انتي جيتي امتي
ملك : من شويه وناديت عليكي وانتي مردتيش غمزتلها بمشاكسه اللي واخد عقلك ياعروسه
فرح : عرسه اما تخنقك امشي يابت قدامي ورانا شغل
ملك : طب متزقيش طاه
عند مريم ف الشغل معاها ورق رايحه بيه لمكتب مستر حسين و مش واخده بالها خبطت في حد  ووقع الورق كله من ايديها
مريم بعصبيه : مش تفتح يااستاذ
.....: انا برضو اللي افتح دا انتي واخده في وشك زي القطر
مريم : متلم نفس ياجدع انت اي قطر دي
.......: والله دا اقل واجب  دا كأني خبطت في بندوزر
مريم : لا دا انت زودتها اووي انا هطلبلك الامن يتصرفو معاك
...... : ومالو اطلبيلي الامن
مريم بصتله بعصبيه وندت ع الامن : عم سيد طلع الاستاذ دا قل ادبه عليا طلعو بره الشركه
عم سيد لسه هيبص علي الشخص اللي هيطرده : اتفضل معايا يااستاذ من غير ياخبر دكتور احمد متاخذنيش يادكتور مخدتش بالي
احمد : ولا يهمك ياراجل ياطيب اتفضل انت
مشي عم سيد ومريم مستغربه وهتموت م الغيظ
احمد ابتسم باستفزاز : طلبتي الامن واتهديتي عن اذنك بقي وسابها ومشي
مريم بصتله وهو ماشي وبتشتمه في سرها بكل اللغات 😂
ولمت الورق وكملت طريقها  لمكتب مستر حسين وهي مش طايقه نفسها
عند محمود
راح المستشفي وعرف اللي حصل من ابوها
" فلاش باك "
محمود جاي يجري ف المستشفي
محمود للاستقبال : اوضه مدام هاله فهمي فين
الاستقبال بصت ف الكمبيوتر : مدام هاله حاله القلب في الدور التاني يافندم غرفه ٢٥
محمود بصدمه : قلب وفضل واقف شويه مش مستوعب وبعدين مشي خطوات بطيئه جدا ورجليه مش شايلاه
طلع الدور لقي والدها قاعد قدام الاوضه والحزن باين عليه
هنا محمود بدا يفوق م صدمته وجري بخوف عليه
محمود : عمي طمني هاله عامله ايه
والد هاله : تعبانه يابني عندها انهيار وعضله القلب ضعيفه
محمود بصدمة : ايه وايه سبب دا كله حد زعلها
والد هاله بصله بعتاب : يعني انت مش عارف ليه
محمود بص ف الارض بحزن وسكت
والد هاله : ليه يابني توصل اللي بينكو لكده
محمود : غصب عني ياعمي كل حاجه بينا اتغيرت هاله اتغيرت وانا اتغيرت
والد هاله : يابني انتو بتعنده في بعض عيالكو اللي هتدفع التمن عيالكو اللي شافه امهم وقعت من طولها قدامهم عشان عندت فيها ورحت اتجوزت زنبهم ايه يعيشو الضغط النفسي دا وهما اطفال
محمود بصله وسكت بحزن وتأنيب ضمير وبعدين بص ع اوضه هاله
والد هاله : ادخلها يابني
محمود بصله وبص للاوضه وقام
" باك "
محمود قاعد جمب هاله وهي نايمه وباصص عليها ودموعه مغرقه وشه مسك ايديها باسها وعيط
محمود : ليه ياهاله ليه عملتي فينا كدا وصلتينا لكدا ليه  اصحي ياحبيبتي اصحي ياهاله وهصلح كل حاجه وهنحب بعض من اول وجديد هنبني بيتنا وعيلتنا من تاني بس المره دي اقوي فوقي ياحبيبتي
عند رائف في المستشفي
رائف : ها جاهز يامراد تكمل النهارده
مراد : جاهز يادكتور رائف
رائف : اتفضل انا سامعك
مراد بص قدامه وبدأ يسرح ف اللي فات
مراد : من ساعت ما شوفتها وصورتها مبتروحش من بالي وبقيت كل يوم ف نفس الميعاد اللي شوفتها فيه اروح الكافيه علي امل اني اشوفها تاني معرفش ليه بس كنت عايز اشوفها قعدت شهر ع الحال دا كنت قربت ايأس اني اشوفها تاني وفي يوم لسه نازل م الشركه لقيتها ماشيه قدامي فرحت وكنت لسه هدخل الكافيه واكلمها لقيت راجل جه قعد معاها اتصدمت وزعلت معرفش ليه مع انو عادي يعني المفروض انها متهمنيش للدرجه دخلت قعدت ف الكافيه بعيد عنها شويه وحاولت مركزش معاها وطلبت قهوتي وقعدت اشغل نفسي ف الفون بقلب فيه وخلاص لحد ما لاقتني ببص عليها كان الراجل سايبها وماشي وهي قعدت تعيط كل دمعه كانت بتنزل منها كانها نار بتحرقني معرفش ليه حسيت كدا مهو مش معقول حبيتها يعني
ضحك ودمع ف نفس الوقت سكت شويه وكمل
رحت اقعد معاها غصب عني لقيتني بقوم واروحلها بصتلها وقولتلها هو دا بصتلي وسكتت ابتسمت بهدوء وقولتلها ميستاهلكيش ولا يستاهل دمعه واحده م اللي بتنزل من عينك عليه قامت وبصتلي قالتلي انت مالك اصلا وسابتني ومشيت
مراد بص لرائف : هو انا كدا حبيتها
رائف ابتسم : انت اللي تعرف لوحدك اذا كنت حبتها ولا لا بس عموما الحب احساس جميل واللي بتحكيه دا بدايه الحب
مراد : دمع وسكت
رائف : كفايه كدا النهارده يامراد مستنيك الجلسه الجايه
مراد : تمام شكرا لحضرتك يادكتور ومشي
تلفون رائف رن شاف الرقم و رد ع طول
رائف : اهلا يادكتور
.....: ازيك يارائف يابني ولا اقولك يادكتور رائف
رائف ببتسامه : وانا اجي جمب حضرتك ايه بس يادكتور دا انت استاذي
....: ربنا يخليك يابني المهم انا عايزك تعدي عليا ف المستشفي
رائف : انت تؤمر يادكتور هخلص اخر كشف واجيلك
......: مستنيك يلا م هعطلك بقي سلام
قفل ورائف خلص شغله وراح للدكتور المستشفي
دخل المستشفي وعرف مكتب الدكتور فين ورايحله وهو ماشي سمع الممرضه بتقول دكتوره فرح وواحده كانت واقفه بضهرها بتكلم دكتوره تانيه في الطرقه بين الاوض لفت للممرضه
رائف اول ما شفها تنح واتصدم ووقف مكانه متحركش
استوووووووب
تفتكرو اي اللي بيحصل دا 🤔
اولا كدا اسفه ع التأخير والفتره اللي مكنتش بنزل فيها بارت خالص غصب عني جدا جدا يعني
ثانيا بقي وحشتوني جدا 😍😍وعايزه اقولكو ان لوزة بدأت تفوق وتروق وهرجع انزل بارتين ف الاسبوع ان شاء الله
شجعوني بقي ومتقروش البارت وتجرو مستنيه رايكو والنجمه لازم النجمه عشان الناس متقولش علينا حاجه 😂
نتقابل ف البارت الجاي ياسكاكر ♥️