عسل اسود

البارت السابع

دافئه جدآ فكرة ان تجد شخصآ يشبهك تماما ، طاهر القلب ، لين القول ، جميل الروح ، بشوش الوجه ، يخاطب عقلك ويلامس قلبك ، يلاحق تفاصيلك الصغيرة عن ظهر حب ، يري فيك اختلافآ يستحق الوصل ، يستثنيك من بين البشر ، ويراك البعض والكل والجمع والجميع 💫💜

# رائف علي
راتها فرح كتعليق علي احدي فصول روايه ما تتابعها
فرح بتكلم نفسها : امتي هلاقي الشخص دا اللي يبقي شبهه قلبي وشخصيتي كدا وبرضو يكون بعضلات ووسيم زي الروايات اهه انا مش هتنازل عن كدا معلش يعني
وفجأة يرن تلفونها تشوف المتصل وترد ع طول
فرح : الو ازيك ياكتور محمدي
محمدي : مش قولنا بره الشغل تقوليلي انكل عادي يابت دا انا مربيكي علي ايديا انتي ومازن كنتي بتقعدي عندنا اكتر من بيتكو
فرح بضحك : ايوه عندك حق ياانكل وابنك كان دايما يرخم عليا
محمدي بضحك : قال يعني بطلتو ما انتو زي ماانتو ناقر ونقير مش طايقين بعض
فرح : معلش بقي ياانكل دا اسلوب حياه مش هنغيرو
محمدي بضحك : طب ايه رايك تيجي تتغدي معانا بكره ولا موحشكيش اكل طنطك ام مازن
فرح : طبعا وحشني وهي وحشتني والله
محمدي : خلاص جهزي نفسك انتي والبت مريم وتعالو اتغدو معانا هستناكو
فرح : اوكيه يااونكل بكره ان شاء الله هنيجي
يقفلو وتدخل مريم
مريم : هنروح فين سمعتك بتقولي هنيجي يعني انا وانتي ها فين بقي ها
فرح : انكل محمدي عازمنا هو وطنط ع الغدا بكره
مريم : الله عند الواد ابو عضلات بتاع بره
فرح : ايه الفرحه في كدا مش فاهمه وبعدين يارب ما يبقي موجود مش ناقصين عكننه
مريم بهزار : عكننه ايه بس هو الاجنبي دا يعرف يعكنن الكلام دا عند الست المصريه الاصيله بس
فرح : اصلك مشفتيش تناكته وتقل دمه متكبر كدا وكان مفيش زيو دا غير قله ذوقه اصلا
مريم : كالعاده ايه الجديد هتقولي عليه ايه غير كدا يعني ما انتو من زمان مبطيقوش بعض
فرح : ومازلنا وحياتك سيبك م السيره دي بقي ..صح نسيت اقولك دكتور محمدي رشحني احضر مؤتمر طبي ف ايطاليا بعد شهرين
مريم : الله طب حلو اووي وبعدين زعلت بس هتسبيني لوحدي يافرح هعمل ايه من غيرك شهرين
فرح بحنيه : هاخدك معايا مقدرش اسيبك اصلا
مريم بفرحه : طب وشغلي
فرح : خدي اجازه
مريم : هو انا لحقت اشتغل عشان اخد اجازة سافري انتي ياقلبي ربنا يوفقك بس ارجعيلي بسرعه بقي عشان ارخم عليكي
فرح : مفيش فايده برضو ماشي ياختي هجيلك وابقي رخمي براحتك
مريم تحضن اختها بحب : هتبقي اشطر وانجح دكتوره ف العالم ربنا يوفقك ياعيوني
فرح بحب : يارب ياحبيبي يلا بقي ننام عشان انا فاصلت جدا

عند محمود
محمود : انا قررت اتجوز
هاله تبصلو بصدمه : نعم انت بتهزر صح
محمود : لا طبعا ودي حاجه فيها هزار انا بكلم جد
هاله ودمعه نزلت من عيونها : هو ايه اللي جد ازاي وليه اصلا سكتت لحظه وبعدين بصتلو كنت قصرت معاك ف ايه عشان تعمل كدا
محمود : كتيير ياهاله قصرتي كتيير اهملتيني وكل اهتمامك بالعيال وانا فين من دا كله مبقتش موجود عندك
هاله بنهيار : تقوم تجوز عليا انا استاهل منك كدا
محمود بزعل : متستاهليش بس انا مبقتش مبسوط محتاج احس بالاهتمام حد يشاركني حياتي
هاله : ولقيت دا معاها صح
محمود سكت
هاله مسحت دموعها ومثلت القوه : طلقني يامحمود

عند مازن
ف اوضة روز ف الفندق سرحان كالعاده
روز : بيبي مين البنت اللي كانت ف المكتب عند انكل دي تعرفها
مازن : بتسألي ليه اصلا وانتي مالك
روز بدلع : عادي يابيبي انا بس حسيت انها بتبصلك ومدايقه كدا قولت يمكن تعرفها
مازن بحده : اعرفها او معرفهاش شئ ميخصكيش اصلا متنسيش نفسك
روز بدلع تمسك ايده : اوكيه يابيبي متزعلش نفسك هنخرج بكره
مازن : لا مش فاضي ابويا عازمني ع الغدا خليها يوم تاني اكون فاضي نخرج
روز : اوكيه يابيبي اقوم اعملك كاس يروقك
مازن يبصلها وميردش سرحان ف فكره انتقامه من فرح

عند رائف
قاعد ع البحر هو واحمد
رائف : ها ياعم مش ناوي تحل عني بقي وتفرحني فيك قصدي بيك
احمد : ايوه يعني اعمل ايه يعني انزل صورتي ف موقع الخاطبه عشان خاطر سيادتك
رائف : وماله مش يمكن تلاقي اللي بتخطف قلبك
احمد : لا انا مستني فتاه احلامك دي يمكن يبقي ليها اخت تنطلي في الاحلام زيك كدا واحبها
رائف : بسرحان تفتكر هتظهر بقي
احمد : مش متأكد بس باحساسك دا ان شاء تظهر وترتاح بقي
رائف : انتي فين بقي عارف يااحمد بقالها كتيير بطلت تيجي ف الحلم حاسس ان فيها حاجه
احمد بمشاكسه : مايمكن زهقت مثلا
رائف : اكلم جد مره في حياتك بقي
احمد : حاضر هكلم جدا ما يمكن مشغوله مثلا
رائف : قوم امشي يااحمد انا مش ناقصك
احمد : خلاص ياعم هسكت اهه  صحيح عرفت اللي حصل مع محمود
رائف : اكيد غبي وقالها وهيهد حياته
احمد : قالي هيقولها النهارده ومصمم انه يجوز
رائف : بيهد حياته وعلاقته بعياله بأيده دا غير المشاكل اللي جايه ربنا يهديه
احمد : يارب

عند محمود
هاله بتمثيل القوه : طلقني يامحمود
محمود  بعصبيه : مش هطلق ياهاله
هاله بعصبيه اكتر : يعني ايه مش هتطلق مستحيل اقعد لحظه علي ذمتك
محمود : انا قولت اللي عندي طلاق مش هطلق واعلي ما ف خيلك اركبيه
هاله : وانا مش هقعدلك فيها يامحمود وهاخد عيالي وامشي علي بيت ابويا وهو يتصرف معاك
محمود : هطلعي م البيت دا يبقي تطلعي لوحدك العيال مش هتاخديهم معاكي
هاله بعصبيه : انت اتجننت هتحرمني من عيالي يامحمود بتلوي دراعي دي اخرتها
محمود ببرود : انتي اللي اخترتي لو عايزه تسيبي البيت يبقي هتسيبي العيال كمان

استووووب لحد كدا
عايزه اعرف توقعاتكو جدا يعني 👏
انتي ياست حلويات ايوه انتي ياللي بتقرأي البارت وتجري فين نجمة ممس 😂😂♥️