عسل اسود

البارت الخامس

" لا شيء يخيفني أكثر من الإرتباط بإمرأة مثقفة، ذوقها ممتاز في الملابس والكلمات، تهتم بأدق التفاصيل منها ذكرى زواجنا وذكرى ولادة أول مولود لنا، لا تحب كرة القدم، تقرأ الكتب وتكتب الخواطر وتحفظ الكثير من عبارات الروائيين العالميين، تعرف كيف تنطق إسم " دوستويفسكي " تمارس الرياضة وتجيد الطبخ، ليس لديها وقت فراغ أبدا، لا تخجل من مناداتي ب حبيبي أمام العائلة والأهل وصديقاتها، مزاجية وتصرفاتها غير متوقعة .. 💛🦋

#رائف علي
بليل وامام بحر اسكندريه الساحر يجلس رائف يخط هذه الكلمات في مذكراته مستمتع بهذا المنظر الخلاب سارح في افكاره وما في افكاره الا هي معشوقة الفؤاد وسبب شقائه الساكنة في احلامه البعيده القريبه منه واليه
يجيي احمد فاجأه بمشاكسه وصوت انثوي : انا جيت يابيبي اتاخرت عليك
رائف بمشاكسه : لا ياريت تتأخر نفسي تتأخر هكون ممنون ليك لو تتأخر
احمد : محسسني اني قطعت عليك لحظاتك الرومانسيه مع الموزه في ايه ياعم مالك
رائف : ولا لم نفسك واظبط كدا
احمد : خلاص ياعم سكتت اهه مالك بقي قاعد حزين ليه ياحزين
رائف : وحشتني
احمد : هي مين انت ارتبط من ورانا كدا من غير ماتقولي دا انا حتي هفرحلك
رائف : ياض افصل شويه وبعدين لا ياعم مرتبطش
احمد : امال مين اللي وحشتك دي يسكت لحظه ويفتكر اهاا قصدك هي
رائف بسرحان وحزن : اه هي اللي حتي معرفش اسمها ايه ولا انديها بايه
احمد : يابني ارحم نفسك انت كدا بتعذب نفسك يارائف افرض مطلعتش موجوده ف الحقيقه اصلا ممكن تبقي من وحي خيالك من كتير الروايات اللي بتقرأها
رائف : طب واحساسي بيها كمان من وحي خيالي لا يااحمد انا حاسس انها حقيقه والا مكنتش تجيلي علي طول ف احلامي كأنها كل مره بتوصلي رساله
احمد بحزن علي صديقه : طب ولو طلعت مجرد خيال هتبقي عذبت نفسك ع الفاضي حاول تنساها ياصاحبي وبص ع الواقع اكيد هتلاقي اللي شبهك ف الحقيقه مش مجرد احلام
رائف : عندي احساس كبير انها حقيقه وهتظهرلي قريب انا حاسي بكدا
احمد : ياريت ربنا يريح قلبك ياصاحبي
يجي محمود يقعد جمبهم
محمود : شله الحزانه مالكو حزنانين ليه
احمد بصله ومردش
رائف : اهلا يارميو
محمود : لا خليها الحج متولي احسن
رائف بسخريه : ايه وسعت النشاط وبقو اكتر من واحده ولا ايه
محمود : لا ياخفه هي واحده بس وهبقي عريس قريب
احمد ورائف بصو لبعض وبصو لمحمود : عريس
محمود : ايوه عريس ايه مستغربين ليه ناوي اجوز
احمد : انت بتهرج صح انت عارف بكلامك دا هتعمل ايه
محمود : هعمل ايه يعني هعيش حياتي
رائف : قصدك هتدمر حياتك مش هتلحق تعيشها بعملتك دي هتهد كل حاجه ف حياتك هتخسر مراتك وعيالك واهلك
محمود : قصدك هتطلب الطلاق يعني مش هطلق
احمد : كمان يعني لا هترحم ولا هتسيب رحمة ربنا تنزل انت بجد اجننت
محمود : اطلقها عشان مع الوقت تحب وتتحب وتجوز صح
رائف بعصبيه : طب ما انت بتعمل ايه دلوقتي خونتها وحبيت وهتجوز عليها انت متخلف يالا
محمود : متزعقلييش ياض انت انا مبعملش حاجه غلط
رائف : دا انا نفسي اكسر دماغك كل دا ومبتعملش حاجه غلط دا انت مبتعملش غير الغلط اصلا انا قايم عشان تعبت منك ومن عمايلك اللي هتوديك ف داهيه وهترجع تندم خليك فاكر كلامي ويمشي
احمد : عندو حق علي فكره راجع حسباتك يامحمود قبل ما تخسر كل حاجه انا ماشي يمكن تفكر مره صح
يمشو ويقعد محمود قدام البحر لوحده يفكر ف كلام صحابه

عند فرح قاعده ف اوضتها بتفكر ومدايقه م اللي حصل النهارده
فرح مع نفسها انسان قليل الذوق ومغرور
مريم تدخل الاوضه تشوفها مدايقه : مالك يافرح شكلك مدايقه في ايه احكي
فرح تحكي لاختها اللي حصل ف المستشفي مع مازن
مريم : معقول ابن انكل محمدي بالاخلاق دي طبعا مهو عايش طول عمره بره وتسرح شويه واكيد بقي موز بقي طول بعرض بعضلات اه انا اسمع ان الناس اللي عايشين بره دول بيحافظه علي لياقتهم وبتوع رياضه وجيم وكدا
فرح بعصبيه : شوف انا بقولها ايه وهي بتقولي ايه عضلات ايه وزفت ايه بقولك بني ادم قليل الذوق ومش متربي اصلا وشايف نفسو كدا علي الفاضي قال يعني ابن صاحب المستشفي ف يدوس ع خلق الله عادي
مريم لسه فسرحانها : لازم يشوف نفسو طبعا من حق الجميل يدلع
فرح بعصبيه : صدقي انا غلطانه اني بكلمك اصلا انا قايمه وسيبالك الاوضه كملي سرحان بقي ومتنسيش تفكري ف الوان الشقه والستاير بالمره دا ايه الهم دا ياربي
تسيبها وتمشي ومريم مكمله سرحان فعلا
اوعو تسرحو معاها 😂

عند الكابتن قليل الذوق المغرور اللي شايف نفسه دا
مازن مع روز ف اوضتها ف الاوتيل بيفتكر اللي حصل النهارده ف مكتب باباه
فلاش بااك
يرحو كلهم ف مكتب الدكتور محمدي
الدكتور محمدي : اقعدو متقفوش كدا
يقعدو كلهم قدام الدكتور محمدي فرح تبدا تكلم
فرح : دكتور محمدي الانسان دا اللي شايف نفسه معرفش علي ايه اهان ملك وبهدلها وكمان طردها وطردني قدام حضرتك
محمدي بهدوء وضحك : لسه زي ما انتو ناقر ونقير من وانتو صغيرين
فرح وملك ومازن بستغراب يبصو ليه
محمدي بضحكه : معقول معرفتوش بعض دي فرح يامازن بنت صلاح محسن صاحبي اللي كان ساكن ف الفيلا اللي جمبنا قبل ما تسافر فاكرها
مازن بصلو وبيفتكر
محمدي لفرح : ودا ابني مازن يافرح اللي كنتي بتجري وراه عشان تشديه من شعرو وف الاخر كنتي تيجي تشتكيلي منه
فرح ساكته وبتبص لمازن وتفتكره

باك
مازن : ف سره هدفعك تمن كلامك ولسانك الطويل يافرح مبقاش مازن المحمدي ان معملت كدا

استووووووووب ياحلويات
فرح ومازن طلعو يعرفو بعض من الطفوله تفتكرو هيبقو اصحاب وهما كبار ولا ناقر ونقير برضو 😂
توقعاتكو للبارت الجاي ورأيكو طبعا ف البارت دا 🤩
اعملي نجمه او كومنت اي حاجه منك حلوه ياست البنات 🤍