عسل اسود

البارت الحادي عشر

أبحث في الكتب عن قصص لم أعشها، أماكن لم يتسنى لي زيارتها، دروب لم تلمسها أقدامي، نوافذ لم تغمرني بالشمس وأسماء لم أسمع بها من قبل، أقرأها وأكتبها على ورقة وأُسمي بها أشيائي .💛🦋
                                                     # رائف علي
كتبها رائف علي احدي مواقع التواصل قبل ان يبدا ف قراءة روايه ما
بدأ في قراءة البارت وتعمق في الاحداث لحد ما نام
رائف بلهفه : وحشتيني بقالك كتييير مجتيش
حبيبة رائف : عشان اوحشك
رائف : انتي حقيقه صح هتيجي امتي
حبيبة رائف : قلبك هيقولك هيدلك عليا
رائف بحب  : صحيح انتي اسمك ايه
حبيبة رائف : مليش اسم من ساعة ماحبيتك
رائف : فرحتي اللي مستني اعيشها معاكي حياتي اللي مستنيكي عشان نعيشها سوا املي اللي عايش عليه
حبيبة رائف : الله اسمي حلو اوي زي قلبك
رائف بحب : هتجي
حبيبة رائف بصتله ولسه هتكلم وقعت ف بير
رائف بخضه : حاسبي
حبيبة رائف بصراخ وهي جوه البير : الحقني يارائف متسبنيش
رائف بخضه صحي م النوم بفزع وقلبه مقبوض
رائف : استر يارب يارب احميهالي وقربني منها
يسمع اذان الفجر ويقوم يتوضي ويصلي ويقرأ قرأن لحد م النهار طلع
عند فرح
صحيت الصبح قبل مريم صلت الصبح ونزلت ع المستشفي عندها اجتماع بدري
بعد الاجتماع
الممرضه : دكتوره فرح الحاله اللي عملتلها العمليه من اسبوع عايزاه حضرتك
فرح : تمام انا رايحالها
تروح فرح للحاله تخبط علي باب الاوضه وتدخل
فرح : الله الله دا احنا بقينا زي الفل صباح الخير ياقمر عامله ايه النهارده
الحاله ببتسامه : صباح الخير يادكتوره  الحمد لله بس زهقت بقي هو انا هخرج امتي
فرح بمشاكسه : ايه دا بقي هي ست البنات زهقت مني ولا ايه
الحاله ببتسامه : لا والله ابدا يا دكتوره بس مش بحب جوا المستشفيات دا
فرح ببتسامه ومرح : عندك حق انا كمان مبحبوش بس اعمل ايه بقي اكل العيش
الحاله ضحكت علي كلام فرح
فرح بعمليه : بصي هو انتي هتقعدي معانا اسبوع كمان بس نطمن عليكي اكتر ونعمل شويه تحاليل واشعات كدا عشان نطمن اكتر وبعدها ع طول هكتبلك علي خروج
الحاله : شكرا ليكي جدا يادكتوره
فرح : ع ايه بس ياقمر صحيح اما اهلك يجو خليهم يعدو عليا
الحاله بقلق : ليه يادكتوره
فرح بهدوء : متقلقيش مجرد روتينات المستشفي
الحاله : حاضر وتسكت شويه .... دكتوره فرح
فرح بهدوء : عايزة تقولي ايه
الحاله : هو انا اسمي ايه
فرح بستغراب : مش فاهمه انتي مش عارفه اسمك
الحاله بحزن : انا ناسيه كل حاجه حتي اهلي مش فاكراهم
فرح بحزن عليها  تبص ف الورق اللي معاها بتاع بيانات الحاله : اسمك اسماء
الحاله بنفس الحزن : شكرا يادكتوره
فرح : ع ايه ياقمر يلا هسيبك بقي وهعدي عليكي تاني بعد شويه سلام
تخرج فرح من عندها بزعل علي حالتها
عند مازن
راح لوالده المستشفي ومنها يضايق فرح ويبدا ف خطه انتقامه
مازن خبط ع باب المكتب ودخل
مازن : ازيك يادكتور
محمدي : الحمد لله يابني مستنيك من بدري اتاخرت ليه
مازن : كان عندي كام مشوار كدا خلصتهم وجيتلك قولتلي عايزني امبارح
محمدي : اه عايز اكلم معاك شويه
مازن : اتفضل
محمدي : اي رايك تصفي شركتك وحاجات اللي ف ايطاليا وتيجي تمسك المستشفي
مازن : طب ما حضرتك بتديرها
محمدي : يابني انا كبرت وتعبت ومحتاج ارتاح وف الاول والاخر كل حاجه هتبقي ليك
مازن : بس انا ليا كريري وحياتي الخاصه هناك مش هقدر اسيب هناك واجي هنا صعب
محمدي : طب فكر بلاش عشاني عشان امك اللي بيبقي نفسها تشوفك وتبقي جمبها
مازن بمهاوده : هفكر و ارد عليك يادكتور يلا سلام انا مش فاضي
محمدي بيأس منه : ماشي متنساش تيجي تقعد مع تمك شويه بليل
مازن بعدم اهتمام : اوك
محمدي بعد ما مازن خرج : ربنا يهديك ياابني
مازن خرج وف طريقه شاف فرح و وقف ف طريقها
فرح : وبعدين بقي عديني لو سمحت
مازن ببرود : و لو قولت لا
فرح : هو ايه اللي لا عديني ياجدع انت مش ناقصه ع الصبح
مازن : لسه زي ما انتي دبش وبتحبي الخناقات شرسه يعني
فرح : لا وانت اللي هادي اوي اسم الله عليك
مازن : مع اني مليش ف النوع الشرس بس نجرب
فرح بعصبيه  : ابعد من سكتي بدل ما اوريك الشراسه بجد
مازن وسع من طريقها : اوك
مازن بصلها وهي ماشيه : هتروحي مني فين
عند احمد
دخله اول حاله
احمد : اسم بطلنا ايه
.... : سيف
احمد : وبتشتكي من ايه ياسيف
سيف : مش عارف العب
احمد بضحكه  : معقول مش عارف تلعب ليه بقي
سيف : بطني بتوجعني كتير
احمد : طب يلا نكشف
سيف : لا انا بخاف
مامت سيف : سيف بلاش دلع اسمع كلام الدكتور عشان تخف
سيف : حاضر يامامي
احمد كشف علي سيف
احمد : خلصنا يابطل وبص لمامتة هو عنده برد ف المعده عايز يشرب حاجات دافيه ومينامش قدام المروحه ودي ادويه ياخدها بعد الفطار والغدا
مامت سيف : تمام يادكتور شكرا
احمد : ع ايه بس وبص لسيف اما تخف قولي اجي اللعب معاك بقي
سيف : ماشي بس مش هاخد حقنه
احمد بضحك : لا مفيش حقنه متخفش
سيف : ماشي يلا باي
احمد ابتسم ع الطفل الجميل دا وكمل يومه

عند فرح بعد ما روحت كانت بتقرا روايه وفاجأه جتلها رساله ع الفون
فرح لقت رقم غريب فتحت الرساله بستغراب لقت
"انتي لسه زي ما انتي قمر في عيني  "

استوووووووووب
وحشتوني وحشتوني اد كده 🤗😍
غيبت شويه غصب عني ورجعتلكو خلاص اهه
يلا فرحوني بقي وقولو توقعاتكو للبارت الجاي ورأيكو طبعا
تفتكرو الرساله اللي جت لفرح من مين 🤔
اوعي تمشي وتنسي النجمه ياقمر 😍
نتقابل ف البارت الجاي ياحبايب ♥️♥️