عسل اسود

البارت الرابع

الي المسافرة بداخلي ومعي ، صاحبة هاتين العينين التي اختطفت بهما ما تبقي بي من عقل ، الجميلة الذي يليق بها غزلي دائما ..... احبك بعدد المرات التي زرتي فيها احلامي ، واحبك بعدد الايام التي تمنيت فيها ظهورك في عالمي 💙

# رائف علي

خطها رائف بقلمه علي صفحته في احدي مواقع التواصل
ينادي رائف علي الممرض عم سعيد
سعيد : صباح الخير يادكتور رائف اؤمرني
رائف : صباح النور ياعم سعيد عندنا حالات كتير النهارده
سعيد : ايوه يادكتور واول حاله استاذ مراد
رائف : طب والنبي ياعم سعيد عايز القهوه بتاعتي عشان اليوم هيبقي طويل واما يجي مراد دخله
سعيد : حاضر يادكتور

عند مازن في المستشفي
مازن : وكمان قليله الذوق وبجحه انا هعرفك انا مين وازاي تكلميني ب الاسلوب دا من النهارده اعتبري نفسك مرفوده ومشفش وشك هنا تاني
الدكتوره بعصبيه : اي الغرور اللي بتكلم بيه والاسلوب الحقير دا انت مين عشان ترفدني اصلا انا هنديلك الامن
.....: ملك بتزعقي ليه في ايه وبعدين يابنتي مش وراكي عمليه
ملك : مفيش يافرح الاستاذ قليل الذوق دا بيقل ادبه عليا وكمان عايز يرفدني
فرح : ليه هي سايبه ولا ايه كانت مستشفي ابوه يعني
......: اي الصوت دا في ايه يادكاتره
ملك : يادكتور محمدي دا واحد قليل الذوق ومعطلني اني اطلع العمليات
محمدي : مازن مقولتليش انك جاي نورت مصر يابني
ملك وفرح بستغراب وصوت واحد : ابنك
محمدي : ايوه ابني فين الراجل صاحب المشكله
فرح : هو دا يادكتور
محمدي : دا مين مازن
ملك لسه هتتكلم فرح ردت : ايوه يافندم قل ادبه دا غير الاسلوب اللي بيكلم بيه
مازن ساكت وبيتابع كل اللي بيحصل من بدري بعصبيه
مازن لفرح : اظن عرفتي انها مستشفي ابويا يلا بره انتي وهي مشفش وشكو هنا تاني بره
فرح : مش انت اللي تتكلم دكتور محمدي هو اللي يقول مش انت
محمدي : اهدي يامازن واحكولي اللي حصل تعالو نكلم ف المكتب مينفعش كدا

عند احمد
يدخل المكتب عند رائف
احمد : دكتورنا اللي رافع راسنا
رائف : بدأنا الصداع بقي معندكش كشف فاقولت اروح اقرف رائف ف عيشته صح
احمد : صح يازميلي انت بتقول حاجه غلط ابدا وحشتك صح قول الحقيقه
رائف : الحقيقه يعني
احمد بتأكيد ومرح : طبعا بس حاول اكدب عليا شويه يعني
رائف : اطلع بره
احمد : ياعم قولتلك اكدب عليا
رائف : لا دا انت صاحبي لازم اقولك الحقيقه ف وشك
احمد : مكنش العشم ياعم
رائف : كلمت محمود نتقابل النهارده
احمد : كلمتو ياعم دا واد مستفز
رائف : لسه برضو مكمل ف اللي بيعمله
احمد بزعل ع صاحبه : لسه امبارح كنت بكلمو عشان اقولو مردش عليا واما كلمني يقولي كنت مش فاضي قولتلو بتعمل ايه يابني مش المفروض روحت قالي اه وخلعت بسرعه عشان عندي ميعاد
رائف : كان بيقابلها يعني مش عارف اعمل معاه ايه هيبوظ حياته ويضيع كل حاجه لو مراته عرفت
احمد : ولا عيالو اللي هيبعدو عنو هيفضلو فاكرنهالو لحد ما يكبرو
رائف : ربنا يهديه ويهدك بقي وتتلم وتجوز
احمد : هاتلي عروسه طيب انا معنديش مانع
رائف : ع اساس انك مش بتطفشهم يعني
احمد : لالا هما اللي بيمشو لوحدهم
رائف ضحك ع صاحبه المجنون : ربنا يهديك والله

عند محمود

سالي بدلع : كدا برضو هنت عليك امبارح متجيش
محمود : اعمل ايه ف البومه اللي في البيت معرفتش اخلع
سالي بسهوكه : ولا يهمك يابيبي المهم انك معايا النهارده
محمود : طب ما نخليها ع طول اي رايك
سالي : ازاي
محمود : نجوز
سالي : طب ومراتك ولا ناوي جوازنا يبقي ف السر
محمود : لا سر ايه دا هيبقي عند ماذون واعملك فرح كمان والناس كلها تعرف
سالي بفرحه : بجد طب ومراتك وعيالك هتعمل فيهم ايه
محمود : ولا حاجه موجودين ولو هاله وافقت ماشي موافقتش وعايزه تطلق مش هطلق وهنجوز برضو
سالي : بتحبها
محمود : مبحبش غيرك انتي وبس

استوووووب
وحشتكو صح 😂وانتو كمان والله 😍
انتي ياست البنات ايوه انتي ياللي بقرأي البارت لو عجبك اعمليلي نجمه حلوه زيك ولو كومنت بقي ياريت يعني😂
رايكو يهمني ♥️