عسل اسود

البارت الخامس عشر

دع القهوة تبرد، لا ترد على الهاتف، ضع كلتا يديك في جيبك وراقب الفرص تمر أمامك، دع القلق يأخذ منك ما يأخذ، إقترب مما تخاف، رحّب بحقيقة أن كل شيء لن يصبح بالضرورة على ما يرام وأنك لا تمانع هذا على أية حال، لا شيء يهم إذا إبتعدت عنه مسافة كافية لا شيء يهم الآن، تخفّف من الناس، لا توفَّق بين الطقس والثياب، لا تشتري مظلة للشمس أو مطر، قلل كلامك، تأكد أن كل ما يُحتمل أن يفسد فسد، بعد أن تجرب  كل هزيمة مُمكنة ستعود بقلبٍ جرّب الخيبة ولم يعد يخشاها، بوجهٍ نال حظة من الكدمات، ستشعر للمرة الأولى بشجاعة حقيقية، ستمضي في الحياة بغير عائق وسيتجنّبك الناس، وفوق كل شيء ستنام مُطمئناً في الليل .
                                                                    #رائف علي
فرح : انت
......: ايوه انا يافرح مستغربه ليه
فرح بعصبيه : جبت رقمي منين
......: ابتسم وقالها مش عيب تسألي ابن صاحب المستشفي جبت رقمي منين
فرح بعصبيه : بتكلمني ليه وبعدين افتكرت حاجه ثواني كدا هو انت اللي بتبعت الرسايل
مازن ضحك بصوته كله : ايوه انا اللي ببعت الرسايل ايه رايك
فرح ب استغراب : انت اللي بتبعت الرسايل طب ليه
مازن  : تفتكري ليه يافرح
فرح سكتت معرفتش ترد
مازن : فرح انا بحبك
فرح بصدمة : نعم
مازن : بحبك يافرح وعايزك شريكه حياتي موافقه
فرح مردتش
مازن : بصي انا عارف ان احنا ناقر ونقير دايما ومن واحنا صغيرين بنشد ف شعر بعض بس اعمل ايه اما رجعت حبيتك
لقيت فيكي اللي ملقتهوش في حد بره مصر وجوه مصر مش هكدب عليكي واقولك اني ملتزم بقي ومبعرفش بنات لا انا عرفت بنات بعدد شعر راسي بس ملقتش ف واحده اللي لقيتو معاكي
فرح كل دا ساكته بتسمعو بس ودموعها نزلت

رائف : ياامي دا هو شهر 
ام رائف بعياط : وهو الشهر دا شويه ياابني هعمل ايه انا وختك من غيرك
رائف بزعل : خلاص ياامي لو مش عايزاني اسافر مش هسافر مش مهم انت اهم حاجه عندي
ام رائف : حقك عليا ياابني عارفه انك شايل المسؤليه من بدري
رائف بتأثر : متقوليش كدا ياامي انا يادوب بحاول ابقي زي بابا الله يرحمه ومهما عملت مش هاجي زيه ولاهعرف اشيل اللي كان بيشيله
ام رائف : ربنا يخليك لينا يارائف يابني سافر يابني ومتشلش هم افرح وانجح يابني بس مترجعليش بأيدك فاضيه
رائف مسك ايد والدته باسها : انت تؤمري ياست الكل نفسك ف ايه اجيبهولك من بره
ام رائف بمرح : يعني كل نظر بقي يابني شعر اصفر عين خضرا اللل تلاقيه بقي
رائف بتفكير : شعر وعيون ايه عايزة بروكه ولينسس يعني
ام رائف بغمزه : ياواد مزه حلوه كدا عايزه افرح بيك بدل ماتعنس
رائف بصدمة : مزه واعنس
ام رائف بتأكيد : ايوه هتعنس وتبقي زي البيت الوقف ياحبه عين امك
رائف بتمثيل التأثر علي وشك البكاء : للدرجادي
ام رائف : متزعلش يابني ربنا يكرمك وتلاقي المزه
رائف : هلاقي المزه حاضر اي طلبات تاني مع الاوردر
ام رائف : كتر الكاتشب والبطاطس عشان بحبهم وهات بيبسي كانز
رائف : كمان كانز انتي اخر مره قعدتي مع بسمه امتي ياامي
ام رائف : امبارح كنا سهرانين سوا بنتفرج ع فيلم
رائف بتفكير : قولتيلي ياريت ياامي متقعديش معاها تاني
ام رائف : ليه بس
رائف وهو ماشي : هتفسد اخلاقك ياحجه 😂

عند فرح
مريم دخلت عليها لقتها ساكته وسرحانه
مريم : بس ...بت افرح
فرح مش مركزه معاها
مريم بصوت عالي : اللي واخد عقلك ياختي
فرح : بتقولي ايه
مريم : انتشي حالتك صعبه خالص يااوختشي
فرح : مش فيقالك خالص ع فكره
مريم بجديه : مالك يافرح
فرح بسرحان : طلع مازن هو اللي بيبعت الرسايل
مريم بغمزه : اوبا الواد المز
فرح : قومي يابت من جمبي مش هحكيلك حاجه
مريم :لا خلاص خلاص هسكت اهه احكي بقي
فلاش باك
مازن : بصي انا عارف ان احنا ناقر ونقير دايما ومن واحنا صغيرين بنشد ف شعر بعض بس اعمل ايه اما رجعت حبيتك
لقيت فيكي اللي ملقتهوش في حد بره مصر وجوه مصر مش هكدب عليكي واقولك اني ملتزم بقي ومبعرفش بنات لا انا عرفت بنات بعدد شعر راسي بس ملقتش ف واحده اللي لقيتو معاكي
فرح كل دا ساكته بتسمعو بس ودموعها نزلت
مازن : فرح انتي معايا الو
فرح ساكته
مازن : فجأتك انا عارف
فرح ساكته برضو
مازن : فرح اي رأيك تديني فرصه ويكمل بمزاح واستفزاز ولا انا وحش للدرجه عشان مستاهلش فرصه
ملقاش رد
مازن : فرح ممكن تردي عليا
فرح مسحت دموعها : ايوه يامازن
مازن : ايوه ايه بتحبيني ولا موافقه تديني فرصه
فرح : مازن انت فعلا فاجأتني
مازن : عارف
فرح : سيبها للايام يامازن
مازن : لا بصي منا مش هقفل الا لما تقوليلي كلمه مفيده يااه يا لا
فرح : طب هفكر وارد عليك
مازن : ماشي يافرح وانا مستني
باك
فرح : بس هو دا اللي حصل
مريم : طب وانتي ناويه علي ايه بتحبيه
فرح : منكرش اني معجبه بيه شبهه ابطال الروايات كدا وباد بوي بس لسه موصلتش لدرجه الحب دي
مريم : طب هتقوليلو ايه
فرح : مش عارفه هفكر وارد عليه

عند محمود
بايت ف المستشفي مع هالة بعد ماردها لعصمتو تاني ورافض تماما يسيبها وكل يوم اما يصحي بيفتح شبابيك الاوضه ويشغل قرءان وكمان بقي يصلي ويقعد جمب هالة يكلم معاها كأنها صاحيه بيطلب منها تسامحه كتير وبيقولها اد ايه بيحبها واتعلم م الدرس ومش هيسيبها ابدا بس هي تفوق
واحمد ورائف كل يوم بيروحوله المستشفي ولو معرفوش بيكلمو كلهم مكالمه سوا يطمنو عليه

اما بقي عند احمد
دا عايش جو صغيره ع الحب خالص
اعجب بمريم وكل يوم بيروح شغله يخلص ويعدي علي شركه والده اللي بقي مستغربه جدا
بيروح يدايقها ويغلس عليها لالا دا بيجننها اكتر الله يسامحه😂
اما بقي عند دكتورنا رائف
بقالو كام يوم بيروح مستشفي المحمدي كتير بس مبيشفش فرح اصلها خدت اجازة يومين وهو ليل نهار بيفكر فيها نفسو يقابلها تاني حتي لو من بعيد
اما عند فرح
خدت اجازة يومين من المستشفي عشان تعرف تفكر وعشان متشوفش مازن ويأثر علي قرارها لحد ما خلاص اخدت قرارها
فرح مسكت تلفونها وبعتت رساله لمازن
( موافقه اديك و ادي نفسي فرصه يمكن )
مازن شاف الرساله وع طول كلمها : الو
فرح لقتو بيرن عليها : الو
مازن : انا قولت برضو اني متقاومش وهتوافقي علي طول
فرح بنرفزة : انا قولت برضو اني غلطت اني وافقت اصلا
مازن بضحك : خلاص خلاص بهزر
فرح : مفيش هزار ف الحاجات دي يامازن
مازن : خلاص يافرح بقي بجد مبسوط انك وافقتي
فرح : يارب متخلنيش اندم اني وافقت يامازن
مازن : مستحيل ياحبيبتي

استووووووب
وحشتوني وحشتوني بجد والله
كل سنة وانتو طيبين بمناسبه الايام المفترجه اللي احنا فيها دي 🤍
عارفه اني طولت عليكو اوي اوي بس حقكو عليا
ادعولي ارجع اكتب تاني وانا هنزل كل يوم بارت زي زمان
بس بس انتي ياست البنات ايوه انتي شوفتي البارت صح طب فين نجمة ممس 🤭
والكومنت لو سمحتي يعني مع الاوردر 😂
قولولي رأيكو ف البارت بسرعه بسرعه 😘
تتوقعو هيحصل ايه بقي ف اللي جاي 🤔
يارب البارت يعجبكو ونتقابل ف البارت الجاي ياسكاكر ❤