عسل اسود

البارت الرابع عشر

ولكنك اليوم لست أنت، تفتقد بريقك ، قهقهاتك في زوايا المكان، وأسنانك التي تشق شفاهك من شدة الضحك، تفتقد الأصدقاء، الذين ما عادوا أصدقائك، ولا عدت تعرفهم كالسابق، تفتقد روحك التي تبدّلت، وأيام مضت خلسة دون أن تشعر بها
                                                                   #رائف علي

فضل رائف ف صدمته شويه عيونه دمعت مش مصدق اللي شايفه مشي بخطوات بطيئه لحد ما وقف قدام فرح
فرح لفت للممرضه واكلمت معاها ومره واحده لقت راجل واقف قدامها بيبصلها بصدمه وبيعيط افتكرته قريب حد م الحاله اللي ف العمليه وزعلان وقلقان عليه وبحكم انها دكتوره  قالتله
فرح بهدوء : خير حضرتك اساعدك ازاي
رائف سمع صوتها وعيط اكتر
فرح استغربت سكوته وصعب عليها : اهدي يااستاذ متقلقش
رائف : ساكت وباصصلها وبس ودموعه علي خده
رائف مع نفسه : اخيرا يافرح ظهرتي طلع اسمك فرح فرحتي زي ما كنتي بتجيلي في الحلم واول ما اكلمت يااااه وحشتيني وحشتيني اوووي
فرح بحزن عليه : طب بص ممكن تروح تصلي اكيد هترتاح ادعي وربنا هيسمعك وهيستجيب
رائف ابتسم وهي سابته ومشيت
وفرح ماشيه دعتله بصوت خافت سمعه هو : ربنا يريح قلبك ويطمنك
سمعها رائف : ريح قلبي بيكي
فضل شويه سرحان فيها اول حاجه عملها راح لاقرب مسجد يصلي وعيط كتير في السجود وقعد يشكر ربنا ان ظهرهالو اخير مطلعش بيحلم طلعت حقيقه وقلبه كان عنده حق
بعد ما خلص صلاة رفع ايده للسما وقال ( يارب زي ماجعلت حبها في قلبي وصبرت قلبي لحد ما لاقاها اجعلها من نصيبي يارب زي ما رزقتني حبها قدرني احافظ عليها واجعلها من نصيب قلبي )
خلص دعوته وافتكر انه معاده مع الدكتور اللي كلمه
طلع م المسجد وهو مرتاح ومبسوط وراح المستشفي

عند محمود ف المستشفي
محمود : ليه ياهاله ليه عملتي فينا كدا وصلتينا لكدا ليه  اصحي ياحبيبتي اصحي ياهاله وهصلح كل حاجه
لقي دموعها بتنزل وهي زي ماهي مافقتش
حس بكسره واد ايه جه عليها وظلمها وافتكر كلام رائف لما قالو ابدأو من جديد وحبو بعض من تاني
محمود : اوعدك هصلح كل حاجه ياهاله اوعدك ان هنرجع حياتنا زي الاول واقوي م الاول كمان بس فوقي وغلاوتي عندك فوقي
قعد شويه مستنيها تفوق مفاقتش راح نده ع الدكتور يجي يشوفها
الدكتور : هي ازاي مفقتش ونده ع الممرضه وقاله ممكن تتفضل عشان نشوف شغلنا
طلع محمود وهو قلقان عليها وقف جمب ابوها وفضلو يدعولها
لحد ما محمود لقي الدكتور طلع جري عليه بلهفه:  خير يادكتور طمني هاله مفقتش ليه
الدكتور بعمليه : للاسف ياجماعه الحاله رافضه ترجع للواقع واضح انها اتعرضت لصدمه صعبه خلتها رافضه تفوق ودخلت ف غيبوبه
والدها اتصدم : ايه
محمود بوجع : طب الغيبوبه هتقعد فيها اد  ايه
الدكتور : ع حسب حالتها النفسيه هي سامعه كل اللي بيحصل حواليها وحاسه بكل حاجه بس هتقرر امتي تفوق وترجع للواقع مش عارف شهر اتنين او اكتر هي اللي هتقرر ياريت تساعدوها اتكلمو معاها كتييير وابعدو عنها اي اخبار تدايقها وادعولها وسابهم ومشي
محمود سكت وبقي مش عارف يعمل ايه راح قعد جمب والد هاله ودموعه نزلت وساكت

عند مريم
وهي رايحه لمكتب مستر حسين وبتشتم احمد بكل اللغات 😂( اللي خبطت فيه ووقعت الورق البارت اللي فات فاكرين 😉 )
خبطت ع الباب واستنت تسمع مستر حسين يقولها تدخل ودخلت
مريم : صباح الخير مستر حسين
مستر حسين : صباح النور يامريم
مريم بعمليه : دا الورق بتاع الشركه الفرنسيه يافندم
مستر حسين ابتسم ع جديتها وقال : اتفضلي اقعدي الاول واقفه ليه
واول ما قعدت لقت ف وشها احمد اللي لسه متخانقه معاه بره
اول ما شفتو راح بصلها ولعب حواجبه بيغيظها يعني
مريم بغيظ : انت
مستر حسين بستغراب : انتو تعرفو بعض
مريم بغيظ : ابدا يافندم
مستر حسين بص ليهم وسكت خلص مراجعه ع الورق : تمام يامريم ابعتيه لشركه الفرنسيه
مريم بعمليه : تمام يامستر حسين بعد اذنك وخرجت
احمد : بعد اذنك ياحج هعمل تلفون واجيلك
وطلع كانت مريم واقفه بتشتم فيه
احمد عدي من جمبها قصد وسمع اسمو وهي بتشتم : ابقي خدي بالك بعد كدا ياانسه وبلاش تاخدي ف وشك زي القطر كدا حافظي ع اكل عيشك وسابها وعمل كأن معاه مكالمه
مريم بصدمه : اكل عيشي انا يقولي حافظي ع اكل عيشك
احمد ابتسم علي صدمها وهو راجع المكتب ماشي جمبها :  يعني سبتي زي القطر ومسكتي ف اكل عيشك صحيح ستات نكديه وسابها ودخل ولا كأنه قال حاجه 😂😂😂
مريم بصدمه: هو قصده ايه بستات نكديه دي وبتشاور ع نفسها قصده عليا انا يتقالي ستات نكديه
( جننت البت الفرفوشه اللي حيلتنا 🤭😂😂 )
نسيبها ف صدمتها

عند رائف
دخل المستشفي واتمني يشوفها تاني ف طريقه بس مشفهاش
سأل ع مكتب دكتور محمدي وراحله
دكتور محمدي : اهلا اهلا بدكتور رائف
رائف ببتسامه :  وانا اجي جمب حضرتك ايه بس ازي حضرتك يادكتور
دكتور محمدي : الحمد لله يابني كنت عايزك ف موضوع مهم
رائف : اتفضل يادكتور
دكتور محمدي : في مؤتمر طبي هيتعمل ف ايطاليا بعد شهرين واكبر دكاتره الطب النفسي ف العالم هيبقو موجودين و دكتور صديقي طلب مني ارشحلو اكفأ دكتور من مصر  يسافر يحضر المؤتمر  ويشتغل شهر هناك ف اكبر واشهر مستشفي ف ايطاليا  للامراض النفسيه وهناك بيهتمو بالمرض النفسي جدا مش زي هنا خالص ودايما ف تطوير للاساليب العلاج وانا رشحتك ليه
رائف  : انا مش عارف اقول لحضرتك ايه دا فرصه كان نفسي فيها من زمان
دكتور محمدي : متقولش حاجه انت دكتور ناجح وليك اسمك ومتأكد انك هتلاقي فرصتك هناك ربنا يوفقك يابني
رائف ب ابتسامه : شكر لحضرتك يادكتور ان شاء اكون عند حسن ظن حضرتك
دكتور محمدي : متأكد من كدا يلا جهز ورقك وكلمني وبتوفيق يابني
ويمشي رائف

بليل وفرح قاعده ف البلكونه وبتسمع ام كلثوم
( كان لك معايا اجمل حكايه ف العمر كله )
سرحانه ف كلام الاغنيه وجه ف بالها مازن وتصرفاته فوقها صوت رساله جتلها ع الفون
بصت لقتها برضو من نفس الرقم المجهول فتحتها
( كينبوع ماء في وسط صحراء قاحله هكذا هو حبك ♥️)
فرح : وبعدين بقي ياتري انت مين
فجأه لقت الرقم بيرن اترددت ترد بس فضولها قتلها عايزه تعرف مين
فرح : الو
الطرف التاني ساكت
فرح : الو
......: ازيك يافرح
فرح : انت مين
.......: معقول معرفتيش صوتي
فرح باستغراب : انت

وحشتوني وحشتوني اد البحر وسمكاته 😍
اولا كدا عشان نبقي متفقين هتلاقي نجمه ف اخر البارت كدا ايوه هي دي اوعي تنسيها🤭
استني رايحه فين وهتلاقي جمبها كومنت كدا دا بقي سايبها لرأيك ياقمر ياللي قريتي البارت ♥️
تفتكرو مين اللي طلع بيبعت الرسايل لفرح 🤔
ياتري فرح هتحب رائف زي ما بيحبها كدا ولا ايه🤔🤔
قولولي توقعاتكو ورأيكو ف البارت
نتقابل البارت الجاي 🤍