فتاة الميتم وأحببت مقدم

البارت الرابع

أمير: شجون تحبين دكتور جمال
شجون: شنو؟ انتة شدتحجي شنو احب دكتور جمال
شبيك أمير
أمير: يي يعني شفتج كاعدة بصفة وتسولفين وياة
كلت يمكن تحبية
شجون: اهاا أمير من الاخير انتة تكول علية اني
رخيصة يي صحيح اني مثل مكلت وياهو اشوفة
احبة يلا ارتاحيت
وعفتة وكمت اشو اني كمت جان اوكع وبعد مشفت
شي فزيت على هوسة وبطني تموتني فتحت عيني
جان يجي بعيني ضوء قوي ركزت اكثر جان اشوف
روحي نايمة على سدية باوعت اثنين ديجروني
شجون:عفية وين ماخذيني
الممرض: فحصناج وطلع عندج مصران اعور
شجون:يي يعني هسة راح اطلعوني
الممرض: راح نسويلج عملية نشيلة
شجون: عملية لا لا عفية كمت وكفت عل سدية والمستشفى كلها تباوع مادري شسوي
الممرض: حتى لو مسويها هسة راح تسويها بعدين
وراح يزيد الألم والخطورة
من سمعت هيج كعدت وظليت ابجي بعدهم مبنجوني
شجون:عفية بداعت امك انطيني ورقة وقلم
الممرض:شسوين بيها
شجون:اكتب وصيتي
الممرض: ترى العملية مو خطرة
شجون: كلشي يصير احجي وابجي
انطاني الممرض ورقة وقلم كتبت لمديرة الدار مالتنة
وكتبت رقمها وانطيت عنوانها وكتبتلها علة سمر
هواية شغلات كتبت وانطيتها للممرض
شجون: اخاف اموت ويجي احد يسئل علية أنطية
هاي الورقة هاي أمانة
وظليت كاعدة ابجي اجة ابو البنج ديبنجني
يباوع علية مستغرب ليش ابجي
ابو البنج: ليش تبجين عمليتج مو خطرة
شجون: عشت وحيدة وراح اموت وحيدة
ابو البنج: وحيدة لعد العالم الحركوا المستشفى على
راسنا منو
شجون: اوكف لاتبنجني بس خلي اشوفهم الله عليك
يجوز هاي اخر مرة اشوفهم
ابو البنج: بسرعة لاتتاخرين
كمت ابجي وحطيت ايدي علي بطني وامشي من الوجع شفتهم كلهم القسم كلة بالمستشفى
اجني ريم ولارا حظنني واني ابجي من صدك احسهم
اهلي وباوعت على أمير واكف وعيونة مدمعة اجه
حجة وياية دكتور جمال
دكتور جمال: يلا ماكو شي انشاءالله تسويها وطلعين
احسن من قبل
شجون: انشاءالله
ابو البنج: يلا هسة اذا شافوج يعاقبوني
شجون: بس ثواني
رحت على أمير
شجون: أمير مراح تجي تودعني
أمير: لا
شجون:هاا تمام لعد اني أسفة على كلشي خاف فديوم
غثيتك سامحني
أمير: ماودعج لأن ادري بيج راح اطلعين
شجون: انشاءالله
رحت للغرفة واني جسمي كلة يرعش بعمري مسويت
عملية وهواي اسمع الي يسون عمليات يطبون للغرفة
بعد ميطلعون فجنت خايفة كلش بنجني واني اقاوم
البنج واوصي الممرض ظل يسولف وياية ويطمني
لحد مشتغل مفعول البنج فزيت على صوت هوسة
باوعت وعيوني مشوشة شفت لارا ولين وكمت اشوفهم
واحد واحد
دكتور جمال: الحمدللة عل سلامة
شجون: الله يسلمك بالكوة احجي احس الوجع بعدة
المهم اطمنوة علية وراحوا لأن كالوا ثاني يوم يطلعوني
بقيت وحدي بالمستشفى لأن لارا ولين حدهم يطبون
للسكن ساعة بل ٩ بليل ميكدرون وماعندي شي
غير الصفنات اصفن عل سكف ماعندي شي اسوية
اجتي الممرضة جابتلي غراضي الملابس واكسسوار
مالتي بس الكلادة ماكو سئلت الممرضة كالتلي بس
هذني الغراض ماكو شي بعد كلت يلا اشتري غيرها
اني منتجية عل سدية جان تنفتح البردة شفت أمير
شجون: أمير شدسوي هنا
أمير: جانت عندي شغلة سويتها واجيتج شلون اعوفج
وحدج
شجون: يعني راح تبقى هنا
أمير: يي ليش اضايقج اذا ابقى
شجون: لا موقصدي هيج اليوم تعبنا بالسفرة والطريق
بعيد واني خربت السفرة عليكم روح ارتاح اني مبقالي
شي بل١٠ للصبح اطلع
أمير حط ايدة على ايدي
أمير: كلشي يتعوض اله انتي
معرفت شجاوبة سكتت
أمير: الممرض انطاني الوصية مالتج 🤣
شجون: لاتزتهزء الدنيا قضاء وقدر كلشي يصير
انتبهت ايد أمير بعدها على ايدي جريت ايدي بسرعة
أمير: منتبهت ويحك شواربة
شجون: هاا يي
أمير ليش متروح ترتاح
أمير: ماكدر اذا رحت هسة ماكدر اشوفج منا لاسبوع
شجون: ليش راح ترجع لبغداد
أمير: يي عندي كم شغلة مهمة اكملهن وارجع
شجون: هاا تمام براحتك 
ظلينة اني وأمير صافنين اني استحي احجي وهو هم
لحد مصارت ساعة بال٦ الصبح نعست كلش غفيت
مدريت بروحي فزيت من النوم لكيت أمير مو كاعد
عل كرسي ونايم خطية ظليت كاعدة اتأمل ملامحة
يعني هوة شكلة وملامحة حادة كلش يعني شوارب
وضخم ومرتب يعني مبين اكبر من عدنة احنة اهل
السنة الاولى أمير حاط تلفونة على الميز الي يم
السدية جان يدك تلفونة باوعت الاسم عميد حسام
جان يفز أمير درت وجهي سويت نفسي مشفت
أمير  جر التلفون ابسرعة وكام طلع من الغرفة
احسه مو علابعضة مادري من شاف الاسم اتغيرت
ملامحة مركزت كلش بهاي التفاصيل اجة أمير
أمير: هاا كعدتي
شجون: يي اذا تريد روح اني اطلع من المستشفى
أمير: لاماعندي شي مبقة بس شوية ونطلع
شجون: اكلك أمير شعري وشكلي مبهذل مو انطيني
مرآية اشوف وجهي
اتقرب أمير وبيده وخر الشعر من وجهي
أمير: تصدكين اول مرة اشوف وحدة تسوي عملية
وتزيد جمال اكثر واكثر
شجون: أمير لاجاملني انطيني مرآية خلي اشوف
أمير: لاوالله ممجامل بس انتي بكل حالاتج حلوة
باوعت على وجهه احس كلامة جدي سكتت ومجاوبتة
أمير: خلي اروح اجيب اكل لأن اثنيناتنة معدتنة فارغة
تمام شوية واجي ماطول تمام
فاطمة: تمام
راح أمير ورة اجه الممرض وجنت متفشلة منة كلش
اجة فحصني وكمل كال تكدرين تطلعين
الممرض: اعتقد هاي الورقة بعد متحتاجيها😁
شجون: هاا يي بعد ماحتاجها😅
اخذت الورقة واتمنى الكاع تنشك وتبلعني المهم ورة
شوية اجة أمير جايب اكل انطاني مالتي فتحت
العلبة لكيت شوربة مال بروكلي وجايب بتيتة سلك
باوعت علية
أمير: لاتباوعيلي هيج الدكتور كال جيبلها شوربة بروكلي وبتيتة مسلوكة لأن موزين عليج الاكل
الدسم اكلي يلا راح تموتين
اكلت والشوربة ماصخة ومتنكل بالكوة اجرعها
وباوع على أمير ياكل مشاوي كملنة صارت ساعة
بل ٩ كمت طبيت للحمام لبست الفستان مالتي
ولبست الحذاء وحطيت غراضي البقية بالجنطة
وفتحت شعري سويتة كبة وطلعت لكيت أمير
ديتراسل بالتلفون
شجون: اذا مستعجل وعندك شغل روح اني امشي
على كيفي
سد التلفون أمير
أمير: لا ماعندي شي يلا نكمل الأوراق
شجون: تمام يلا
طلعنة اني وياه واني امشي على كيف لأن تأذيني
وحاطة ايدي على مكان العملية وامشي أمير مد ايده
يعني لزمي ايدي لزمت ايده وظليت امشي لحد
مطلعنا من المستشفى وركبنا السيارة
شجون: أمير تعبتك وياية مجنت اعرف انتة هيج
شخصيتك واطباعك جنت ماخذه عليك غير صورة
أمير: اذا ماعجبتج الصورة ادزلج غيرها 🤣
شجون: ههههه لاصدك أمير داحجي بجدية
مادري شلون اجازيك شكراً على كل شي
أمير: احنة شكم شجونة عدنا هذا من واجبي بما انو
اني وياج من بغداد وهنا بالغربة لازم واحد يوكف
للثاني وحتى لو انتي وحدة مغرورة هم لازم اوكفلج
لأن احنة الزلم هاي اطباعنة
شجون: اني مغرورة اشكرك
أمير: يعني نوعاَ ماا
شجون: هاا تمام انتة سويت معروف كملة وصلني
للسكن
أمير: ترة اخذت ميانة عليج مة تزعلين مني
شجون: لاعيني اخذ راحتك هوه انتة شبيقت
أمير: هاا احس كلامج بي بسمار
شجون: لا عادي كلشي اتقبل منك لأن وكفتك البارحة
ماعتقد احد يسويها وياية
أمير: كافي تكولين وكفت ووكفت ترة اشوف نفسي
عليج
شجون: اها بعد منحجي 😅
وهنا وصلنة لنهاية البارت مو تنسون التصويت ☆☆
والمتابعة وبااي