فتاة الميتم وأحببت مقدم

البارت العاشر

واني كاعدة اباوع تلفزيون جان اسمع أمير يصيح
ااه بصوت خفيف كمت رحت للغرفة فتحت الضوء
جان أمير يفز من مكانة ويلزم سلاحة ويوجها علية
اني فزيت ظليت جامدة بمكاني
أمير.. شجون شدسوين هنا
شجون.. هسة افهمك بس نزل سلاحك
رجع السلاح على المجر وكعد لأن جان متمدد رحت
كعدت على طارف الجرباية
أمير.. ليش مرحتي اني عبالي راح تروحين
شجون.. مكدرت اعوفك لأن وحدك ومتكدر تسوي
شي
أمير.. لا أكدر أدبر نفسي عادي
شجون.. حتى لو مكادر هسة اروح للسكن ميقبل الحارس
أمير.. يي بس باجر تروحين لأن يمكن حتى الشقة يندلوها واني ماقبل تتأذين من وراية
شجون.. تمام انشاءالله باجر اروح بس هسة كلي شلون
صرت
أمير.. الحمدلله احسن
شجون.. الحمدلله جوعان اسويلك شي تاكلة
أمير.. والله ياريت بس ماتصور تعرفين تطبخين
شجون.. هاا يعني انتة هيج تشوفني ماعرف اطبخ
أمير.. لا موهيج قصدي بس شكلج مو مال وحده تعرف
تطبخ
شجون.. ليش شبية شكلي هاا
أمير.. يعني انتي ناعمة وايدج ناعمة ماتصور تطبخين
شجون.. يي قشمرني بهذني سوالفك لا يعني اني
مو كلشي اعرف اطبخ بس اهمشي شي ينكل لو ميعجبك تاكل مني
أمير.. لا عيني كلشي منج يخبل حتى لو حجار حمس
شجون.. مو هلدرجة يعني 😂
أمير.. يلا كومي سوي اني راح اطب اسبح
شجون.. الدكتورة كالت ميصير الة يلتم الجرح
أمير.. يعني شلون ماتحمل لحد ميلتم شنو السالفة
شجون.. دقيقة لعد خلي الف ايدك بعلاكة حتى ميوصللها مي
رحت للمطبخ اخذت علاكة جببرة ولفيت بيها ايد أمير
وشديتها حيل وطب للحمام
اني رحت للمطبخ كشرت بتيتة وسويت طماطة بالطاوة وفتحت الفريز لكيت عندة مقرمش وكبة هاي
المدورة كَليت هم وشيفت خيار وليمون وحظرت كلشي اجة أمير لابس بدي وبجامة وحاط المنشفة
على كتفة حطيت الاكل على الميز مال طعام وكعدنا
اني اكلت شوية وأمير هم اكل وانطيتة العلاج مالتة
وكمت غسلت الاماعين وفساتني تبلل شافني أمير
أمير.. راح تبقين بهذا المبلل تمرضين
شجون.. شمدريني راح يصير هيج بينا
أمير.. روحي بدلي
شجون.. شلبس
أمير.. من ملابسي
ماعندي حل ثاني رحت لغرفة أمير وقفلت الباب اخذت
الملابس وطبيت للحمام مال الغرفة وهم قفلتة صحيح
أمير خوش ولد بس اني ماثق بأحد لبست بدي مال
أمير صار علية دشداشة ولبست بجامة هلكد مجبيرة
شديتها من فوك عدلت شعري جان مهوس وغسلت
الفستان مالتي جان بية دم شكد غسلتة بس مراح
عصرتة وطلعت
شجون.. أمير ماعندك سطح بالكون أشر بية الفستان
أمير اشرلي على ترك يصير بالغرفة الثانية طبيت
بيها ورحت عل بالكون فتحته وشريت الفستان
وطلعت كعدت يم أمير بالاستقبال جان طالع فلم
رعب على ام بي سي 2 كلش حلو ظلينة نباوعة اني
وأمير خلص الفلم لأن احنة مباوعنا من البداية لحكنة
عل نهاية جان يكول أمير
أمير.. اكلج شجون
شجون.. هاا كول
أمير.. انتي صدك تحبيني لو بس حجي
شجون.. انتو شنو شايف ليش تسئل
أمير.. أريد اتأكد منج حتى اخطيها للخطوه
شجون.. ياخطوة
أمير.. شجون جاوبيني
شجون.. لو ما احبك جان اني هسة مو يمك
أمير.. شجون اني بس اخلص الشغل الي هنا نعقد هنا
ونروح نسوي العرس بغداد شتكولين
شجون.. هاا
ظليت صافنة يعني أمير انطاها طك بطك ميحب يصبر
أمير.. شنو هاا جاوبيني
شجون.. يعني منا لحد متخلص الله كريم
أمير.. ونعم بالله
سكت ودرت وجهي عل تلفزيون مادري اجاني شعور
حلو يعني اكمل حياتي ويه أمير
أمير احسه نادر يعني بتصرفاتة بشكله احس ماكو
احد مثلة مادري الواحد من يحب شخص حتى السلبيات مالتة ميشوفهن فجنت هيج اشوف أمير
ظلينة كاعدين نباوع لحد ساعة ٥ الفجر أمير
نعس شفتة كام يثاوب ويفرك بعيونة
شجون.. أمير اذا نعسان كوم نام ارتاح
أمير.. لا عادي ماعندي شي اظل كاعد وياج
شجون.. أمير كوم نام ارتاح ترى انتة مريض لازم
تهتم شوية بنفسك
أمير.. تمام لعد تصبحين على خير
شجون.. وانتة من اهلة
كام فإت للغرفة وشفت الضوء طفاه اني اتمددت على
التخم وظليت اباوع الفلم لحد مغفيت ومدريت بنفسي
فزيت على صوت مشي تعرفون من واحد يمشي من
يمكم اكثر من مرة هيج فزيت لكيت أمير كاعد من
النوم كاعد يفتر بالبيت داكوم جان الكة علية لحاف
عرفت أمير مغطيني كمت رتبت اللحاف وكمت
طبيت للمطبخ سويت جاي وطلعت جبن وصحت
أمير كعد اتريك وكمل انطيتة العلاج
شجون.. شلون صرت
أمير.. شوية احسن الحمدلله
شجون.. الحمدلله لعد اني راح ابدل واروح
أمير.. تمام حنى اوصلج
شجون.. لا ماريد شي منك بس ارتاح ولاتضغط على
نفسك تمام
أمير.. تمام
رحت اخذت الفستان وطبيت للحمام فقلتة وبدلت
بس الدم مراح من الفستان لميت شعري شلون مجان
وطلعت
شجون.. أمير محتاج شي قبل لاروح
أمير.. لا سلامتج
شجون.. تمام لعد اني رايحة
أمير.. الله وياج
نزلت من العمارة وصعدت تكسي ونزلت يم واحد يبيع
مسواكَ اتسوكت كلت حتى العصر اسوي اكل واخذه
لأمير وتمشيت للسكن جان اشوف سيارة مال شرطة
واكفة والبنات ملتمات وشرطة شكد واكفين كلت
ياستار شكو هاي شصاير جان يشوفني لارا ولين
لارا ولين.. هاي اجتي
واجني يركضن علية
شجون.. شكو شصاير هنا
لارا.. بلغنه الشرطة لأن البارحة كلتي راح اطلع وبعد
مرجعتي وانتظرنة شكد بعدين كلنة نبلغ الشرطة وانتي
ماعندج تلفون نتواصل وياج
شجون.. يي صحيح بس صارت شغلة طارئة ومكدرت
اجي
احنة دنحجي جان يجي واحد من الشرطة
الشرطي.. وين جنتي من البارحة لحد هسة مختفية
باوعت علية هذا شنو هيج يحجي وياية بصفتة منو
شجون.. راح تفتح تحقيق مثلاً لو شنو
الشرطي.. داكلج من البارحة لحد اليوم وين جنتي
شجون.. يم صديقتي
لارا ولين.. انتي ماعندج صديقات
أنوب هذني جفصنها اكثر
الشرطي.. ماعدها صديقات موو
شجون.. لا شبيجن عندي البارحة جنت بالمطعم وشفت
صديقتي جانت وياية بالدار وجلبت بية عزمتني
وكالت ماعندج شي باتي يمي واني بقيت يمها بس
ماعندي تلفون اكللكم
الشرطي.. لاتعيديها مرة ثانية من تريدن تطلعين
كليلهم ابات وانتي وين عايشة بيا جيل ماعندج تلفون
شجون.. ويعني هسة شنو المطلوب واذا ماعندي تلفون
يعني فد مشكلة وانتة شعدو كبل بلغتن الشرطة يلا
عيني روحي اجيت
الشرطي باوع على ايدي طبعاً الفستان اردان وعل
فستان من يم ايدي دم
الشرطي.. شنو هذا الدم
طلعتة ايدي لافتها لأن مجرحة كلها
شجون.. انجرحت البارحة
الشرطي.. بشنو انجرحتي
شجون.. خلي نروح فدنوب بالمركز واكعد على راحتك
حقق وياية
عفتة ومشيت
شلون يحجي ينرفز عابتلة طبيت للسكن وياية البنات
واني الومهن اكللهن شبسرعة بلغتن ميحتاج
حجيتلهم سالفة أمير ولارا ولين يكلولي عوفي لأمير
لأن هذا خطر عليج يعني يلحكوه ويظربون علية طلقات
بس اني مسمعتلهن طبيت سبحت وأخذت غفوه
جنت ميتة تعب وايدي كامت اتأذيني كلش اخذت
مسكن وكمت سويت اكل لأمير وحطيتة بمواعين
جاهزة وغلفتهن وبدلت كلت انطي الاكل وارجع ماطول
لبست وكملت وأخذت الاكل وطلعت من البيت اجرت
تكسي وانطيتة العنوان ظليت كاعدة اباوع عل طريق
لحد موصلت طبيت للعمارة دامشي أريد اصعد الدرج
ماحس الا ظربة قوية اجتي على راسي والاكل وكع
من ايدي وبعد محسيت على شي..
وصلنة لنهاية البارت مو تنسون التصويت والمتابعة
وبااي..