أمير صار يتجاهلني اكثر واكثر مادري شنو السبب
مادري شنو التغير بعد الزواج او قبل الزواج اصلا
أمير غير تصرفاته ويايه
النهار كله ميباوع بوجهي وميعبرني وبليل يجي يبوس
ويحضن وفوكاها متزوج عليه
خلي اسولفلكم بذاك اليوم شصار
فاات على زواج أمير من غصون تقريباً شهر ونص
رجعت من الجامعة طبيت للبيت نزعت الحذاء
وداصعد الدرج سمعت الباب الرئيسي مال البيت
اندفرت مدري انركعت اني ضليت متجمده عل
درج دخل أمير وكف بنص المطبخ صاح بعلو صوته
أمير.. غصصصصصصون
غصون طلعت من الغرفة هيه وأم أمير
غصون ترجف اباوع عليه وجهها اصفر
أمير.. انتي شنو داكه عل امج تكلليلها أمير ميوصل
يمي هاااااا امج دكتلي تكلي خاف بيك شي راجع
دكتور لللجججج جاوبيني لأضلين تباوعين
ام أمير.. يمه شمدريها امها راح تحجي هيج
امي ديضرب غصون مادري شنو الي خلاني ادافعلها
وكفت بوجه أمير
أمير يباوع عليه مصدوم
أمير.. شجون لاتصيرين كبالي لاحطج فوكاها
شجون.. أمير الابنية مسوت شي غلط هاي امها
مو غريبة حجتلها اني هم لو عندي ام هم احجيلها كلشي
أمير.. شجون طلعي منها احسلج
شجون.. أمير كافي سد الموضوع وتفاهم انته وياها
بالغرفة حتى عيب تحجي بهيج موضوع كدام اهلك
عفته وصعدت للغرفة
صراحة اني مليت من امير من اتزوجت صار شخص
ثاني كلت خلي اتحمل علمود اخلص دراسة والكه تعين
واطلك واخلص من أمير
صعدت للغرفة ذبيت ملابسي وطبيت سبحت
وبدلت لميت ملابسي من الكاع ولميت شعري ونمت
محسيت جنت تعبانة كلش لأن جان عدنه بحث
ولازم نروح بمكان محدد ونكتب كلشي نشوفه ومن
هاي السوالف
كعدت عل صوت الباب فتحتها
سهام.. كومي عيني صحي النوم ساعة ب٨
شجون.. صدك بعدني مقاريه باجر امتحان
سهام.. تعالي نسوي عشه اول شي وبعدين كعدي اقري
YOU ARE READING
فتاة الميتم وأحببت مقدم
Romansa"وألتقت أرواحنا في ذلك اليوم"..♡♡ بنية يتيمة عاشت حياتها بالميتم والصدفة جمعتها وية شخص غامض هل راح تعرف شنو سبب الغموض وتقع بحبه او عكس ذلك راح تعرفون تفاصيل القصة اذا قريتوها
