فتاة الميتم وأحببت مقدم

البارت الثامن عشر

هلاو حبايبي دعمكم كلش ميسوي واهس اكمل القصة
لأن اكثركم بس يشوف البارت بدون ميصوت كل ميكثر الدعم كل ماانزل باليوم بارتين

صرت اداوم بالجامعة ومن ارجع ماشوف أمير طالع
ومن اكعد من النوم اكاه كاعد يبدل يعني هستوه راجع

ذاك اليوم الي كل ماذكره احس بنفسي ثولة يعني كل هذا صار واني مادري او حتى مشاكه بشي المهم  رجعت
من الجامعة غسلت وبدلت ونزلت للمطبخ لكيتهم
طابخين صبيت وكعدت اكل جان تفوت زهراء وسهام
يباوعلي بنضرات معرفت افسرها

يباوعن علية بنظرة اسف او مادري شلون افسرها
زهراء.. شجون تعرفين اليوم شنو

شجون.. يي اليوم احد

باوعت علية سهام جانت تنافخ

سهام.. اوووف انتي الا متى تبقين هيج فقيرة وثولة

باوعت عليها باستغراب

شجون.. ليش شكو شبيج سهام

سهام.. لج اليوم عرس أمير أمير ازوج الثانية

داكوم اغسل الماعون جان اسمع سهام حجت وكع
الماعون من ايدي زهراء تسكت بسهام

عيوني غوركن
شجون.. صدك سهام لو تضحكين علية الله يخليج
سهام كوليلي هذا شقة

سهام دتحجي جان زهراء تخلي ايدها على حلك سهام
وجرتها من المطبخ وطلعت

ظليت كاعدة ابجي ماعرف شسوي بعدين استوعبت
ا
لغرفة الي اختاريتها راح يزفون أمير بيها كمت ركضت
عل غرفة فتحتها جان الكاها معطرة وشموع وورد
يعني أمير راح يرجع للبيت ردت شغلة ابرد بيها كلبي

بس ماكو ركضت للكراج أخذت بطل بانزين وجداحة
من المطبخ وكلت لو اعرف اموت اليوم اسويها

طبيت للغرفة رشيتها بالبانزين وعلكت الجداحة

وشمرتها وطلعت وسديت الباب وركضت صعدت فوك

وقفلت الباب وظليت كاعدة انتظر سمعت صارت هوسة جوه عرفت ديطفون الغرفة لأن سيف وحسن

موجودين بالبيت بعدهم ديطفون جان اسمع صوت

الزفة لبست شال ونزلت ركض لكيت سيف وحسن

هستوهم طفوها وزهراء وسهام يبجن عبالهم البيت كلة

راح يحترك الغرفة صايرة فحماية والحرك حتى عالباب

والحايط اليم الباب هم طالع باوعتلي سهام وزهراء

يمكن عرف اني سويتها اني مو طبعي هيج ولا احب
اسوي مشاكل بس أمير وأمه وميار مصخوها

اني واكفة جان تطب الزفة أمير والعروس وأمه وميار

أمير انصدم من شافنة واكفين والغرفة مفحمة وباوع

علية عبالة راح اكلة ليش اتزوجت وليش سويت هيج