فتاة الميتم وأحببت مقدم

البارت التاسع عشر

سديت التلفون من امير واني اعصابي نار قعدت

وطلعت حركتي بالبجي ظليت كاعدة لحد ساعة بل

٦ الفجر كمت كعدت كبال المرآية وحجيت وية نفسي

شجون.. لج عليمن تبجين منو يستاهل تبجين علية
والله الا اندمك يا أمير الا اخبلك انتة والخاتون

مسحت دموعي وكمت طبيت سبحت ولبست دشداشة

لون حمرة مخصرة على جسمي تخصير جنت استحي

البسها بس علنت الحرب وسشورت شعري وحطيت

مكياج وحمرة حمرا طوخ وعفت شعري مفتوح ونزلت

جوه حطيت الجاي عل نار منتظرة أمير يشرف لأن

أمير ميحب يبقى هواي بالفندق بس يوم واحد

طلعت ام أمير من غرفتها دتروح للحمام جان تصفن
علية

ام أمير.. خير شكو من الصبح وين رايحة

شجون.. مرايحة بس حرام اخصص وكت لنفسي مادام

أمير اتزوج اني هم اهتم بنفسي

عجوت بحلكها وفاتت

طلع حسن مبدل ديروح للدوام

حسن.. صباح الخير

شجون.. صباح النور

حسن.. شجون فدوة صبيلي ستكان جاي هناك لو يجبولي ممهدر لو محترك اذا متصير زحمة عليج

شجون.. لا تدلل

صبيتلة جاي شرب وطلع ظليت كاعدة بالمطبخ اكل
باظافيري كعدت ام أمير وميار صبن جاي وتريكن

وكعدت زهراء وهوه بعده انفتحت الباب البرى كامت

ام أمير عرفت أمير اجة فتحت باب المطبخ جان

يطب أمير والمدام كمت وكفت طب وكف بالمطبخ

وأم أمير وميار باركن للعروسة اني لحد الان ماعرف

اسمها بس ام أمير كالتلها مبروك حبيبتي غصون

هذا كلة أمير صافن علية ومشال عينة من علية

زهراء وكفت يمي ومقبلت تروح تباركلها أمير

باوعلي وحجة

أمير.. لعد متريدن تباركيلنة

شجون.. يي ابارك ليش لا

طكيتهم بهلهولة طرشت اذانهم أمير ظل صافن علية
رحت على أمير بستة من خدة جان يمد راسة ويبوسني من ركبتي دفعتة وكفت كبال غصون كتلها

شجون.. مبروك عيني بس معقولة هيج اهلج ذابيج يزوجوج
واحد مزوج

ام أمير.. أمير سكت مرتك لااهلس شعرها

شجون.. هسة اني شكلت شبيج خالة حجيتها جريت
بحلكي

باوع علية أمير