فتاة الميتم وأحببت مقدم

البارت الخامس

وصلني أمير للسكن نزلت بس الحارس مقبل يخلي
أمير يوصلني أمير راد يتعارك وياه
شجون: أمير اني أكدر امشي لاتخاف
أمير: راح يظل بالي يعني تكدرين تمشين
شجون: يي أكدر لايظل بالك
أمير: يلا اني راح اروح اخذ غراضي واروح لبغداد
ديربالج على نفسج
شجون: تروح وترجع بالسلامة انشاءالله
راح أمير وظليت ساندة عل حايط امشي شوية شوية
شافتني بنية دتمشي بالسكن واجتي ساعدتني خطية
صعدت الدرج وطبيت للغرفة لكيت البنات نايمات
اني هم بدلت هدومي ونمت محسيت بروحي
فزيت على صوت البنات لكيت لارا ولين جايبين
كيكة صغيرة وكاتبين عليها الحمدلله عل سلامة
وجايبين نفاخات
شجون: ليش كلفتوا نفسكم
لارا: شعدنة غيرج احنة
حظنتهن واحتفلنة ومشى اليوم طبيعي ثاني يوم
البنات طلعن يسوكن لأن خلص المسواك اني وراهن
بدلت ورحت للمطعم لأن ابو المطعم لحد الان ميدري
اني سويت عملية ظليت اتمشى شوية شوية لحد
موصلت طبيت للمطعم
ابو المطعم: هاا رجعتي لعد عبالي بطلتي
شجون: لا مبطلت بس سويت عملية ومكدرت اجي
ابو المطعم: هاا الحمدللة عل سلامة
شجون: الله يسلمك بس اصير احسن أكدر ارجع
للشغل لان انتة تعرف بحالتي وماعندي احد
ابو المطعم: انشاءالله بس تتحسنين ترجعين تباشرين
بالشغل
شجون: انشاءالله
طلعت من المطعم ارتاحيت شوية لأن عبالي راح يبطلني من الشغل بس الحمدلله بس اتحسن ارجع
اشتغل اكو كبال المطعم حديقة صغيرة بيها مصطبات
كعدت هناك شوية ارتاح لأن ماكدر امشي بشكل متواصل واني كاعدة اذكرت أمير بالمستشفى لاارادياً
ابتسمت بس اذكرت كلامة بالمطعم وضجت بس
كلت يمكن مجان يعرفني حق المعرفة وحجة علية
هيجي المهم كعدت اشمس اشوية وكمت رجعت
للسكن بعدهن البنات مجايات كعدت لزمت الملزمة
ودك قراية منطيت لنفسي مجال لأن ثاني يوم دوام
وماريد يفوتني شي كملت قراية باوعت على الجرباية
مالتي شفت الفستان الأسود والغراض مالتي طلعتهن
لكيت بس المحبس الكلادة ماكو ظليت صافنة معقولة
وكعت مني والفستان ماعتقد بعد البسة اول ملبستة
سويت عملية اجني البنات وكعدنا نسوي اكل
كل وحدة عليها شغلة مثلا اني اكشر لارا تشيف لحد
متصير الطبخة قليل نسوي اكل بالغرفة اكثر شي
نجيب اكل من برا بس من يعجبنا نسوي بالغرفة
وماعدنة أدوات هواية من نطبخ لازم نفتح الباب
حتى البخار مال الاكل يطلع فلذلك منطبخ هواية
نجيب من برى لو ناكل معلبات هيجي مكظين حياتنا
للمهم اكلنا وكملنة وحياتي تقريبا جانت ملل يعني
بس كاعدة بالسكن واقره البنات عدهن تلفونات
يكدرن يتابعن مسلسلات بس اني مالي غير الصفنات
يااما الملزمة حتى تلفزيون ماعدنة المهم كعدت ثاني
يوم الصبح اني والبنات بدلنة واتريكنا وطلعنة للجامعة
اني ماحب اكعد برى دخلت للقاعة وظليت كاعدة
كلشي ماعندي لحد مااجة وكت المحاظرة وكلهم
موجودين بس أمير ماكو بعدين اذكرت أمير راح
لبغداد خلصت المحاظرة وطلعنة اني كعدت بالحديقة
مال الجامعة لحد مصار وكت المحاظرة الثانية دخلنة
للقاعة أخذنا المحاظرة الثانية وطلعنة اني مرحت للسكن كلت مدام ماعندي شي خلي اتمشى شوية
ظليت اتمشى ومادري بروحي وين رايحة والمشكلة
المنطقة الي بيها السكن بس تصير دنية غروب تصير
خنكة مادري اني احس هيج جوز لأن متعودة على
بغداد رغم اني جنت بالدار ابد ماطلع بس عندي
عادي بس هنا اظوج المهم ظليت اتمشى وشفت
كشك مال اكل وجنت حرفياً ميتة من الجوع
وكفت اخذت لفة صاج وعصير وكعدت اكل
كملت اكل ورجعت للسكن لكيت البنات عازمين صديقاتهم الي من غير قسم اني ابد ماختلط بأحد
طبيت سبحت وطلعت لفيت راسي ونمت كعدت
ثاني يوم احس روحي شوية احسن يعني أكدر امشي
كلت اليوم من ارجع من الكلية اشتغل بالمطعم
كمت بدلت وطلعت قبل البنات وصلت لباب السكن
واسمع
أمير: بس بس
باوعت شفت امير
شجون: أمير اجيت مو كلت اسبوع
أمير: يعني ارجع
شجون: لا مو قصدي هيج بس مصدومة
أمير: يلا بالطريق افهمج امشي للكلية
رحت وياه وظلينة نمشي للكلية
أمير: اتكنسلت الشغلة الجنت رايح عليها فالميت
غراضي ورجعت
شجون: هاا
أمير: يي
شجون: أني اليوم راح ارجع اشتغل بالمطعم
أمير: وين تكدرين تشتغلين وانتي هستوج مصارلج
يومين مسوية العملية
شجون: لعد شلون خطية البنات وحدهن يدبرن
فلوس الإيجار والاكل لازم اعاونهم
أمير: يي عاونيهم بس مو تظغطين على نفسج
شجون: لا مظاغطة الحمدللة صرت زينة
أمير: يي انشاءالله
وصلنة للكلية وطبينة للمحاضرة اجة أمير كعد
بصفي اني ابد ماحب احد يكعد بصفي اتوتر
وماخذ راحتي واضايق اني دائماً اشوف مكان
فارغ اكعد بية والمحاظرة كلها أمير يطكطك
بالتلفون مالتة تركيزي اتشتت صوت الطكطكة
والدكتور يشرح مركزت طلع الكل من القاعة
ظليت كاعدة
أمير:  لعد مطلعين
شجون: لا راح ابقى
أمير:تمام لعد اني هم ابقى
باوعت اني اريد اعيد شرح المحاظرة براسي وأمير
كعد مطلع
ظليت كاعدة واكتب على دفتر اريد احفظ المحاظرة
أمير: هاي شدسوين
شجون: داقرة
أمير: هههه الي يشوفج هيج تقرين يكول ابتدائية مو
كلية
شجون: صدك أمير اشو انتة متقرة وطلع امتياز
من سئلتة حسيتة ارتبك
أمير: عندي اتصال مهم لازم اجاوبة
عفتة وظليت اقرة لحد مدخلت المحاظرة بالي
طلعت رحت للسكن لأن ماعدنا اليوم بس محاظرة
وحدة سبحت ونمت كعدت ساعة بل أربعة ظليت
اتكلب منا ومنا لحد مكمت صايرة بل ٤ ونص
كمت مشطت شعري وسويتة كباية ولبست وطلعت
رحت للمطعم بديت بالشغل كلش اتاذيت لأن حركة
اروح منا واجي منا واركض اخاف اتأخر والعالم
تكوم تحجي فجنت اركض خلصت شغل طلعت
جان اشوف سيارة تهورن خفت مشيت جان ينزل
الجامة
شجون: أمير خرعتني شدسوي هنا
أمير: تعالي اصعدي خلي اوصلج
شجون: ميحتاج اتمشى
أمير: تعالي صعدي لاتعاندين
صعدت والطريق كلة ساكتين اني ماحجي وهوه
ميحجي
أمير:شنو رئيج اعزمج
شجون:هسة
أمير:يي هسة
شجون: وين تعزمني
أمير: مفتحين مثلجات هنا قريبة
شجون:تمام
وصلنة للمثلجات نزل أمير يشتري اني كاعدة مقابيلي
هذا الصندوك الصغير مال السيارة مادري ليش صار
عندي فضول افتحة ادري بتصرفي غلط بس الفضول
يكتلني فتحتة وشفت بية مسدس 😳😳 ماكلكم
الصدمة الصارت عندي اجتي بالي أمير يريد يكتلني
شفت أمير طالع سديت الصندوك ركض وسويت نفسي
طبيعية صعدت أمير للسيارة ونطاني الموطة
أمير: شبيج احسج مو على بعضج
شجون: اني لا كلشي مابية قابل شبية يعني
أمير: هاا يي
شجون: أمير عفية وصلني للسكن أريد ارجع
أمير: يي هسة ارجعج بس اكلي ماكلتي
شجون: يي هسة اكل بس وصلني
أمير: يي تمام
مادري شلون كمت احجي من الخوف كلت هذا أمير
يريد يخلص علية وصلت للسكن نزلت ركض ومكلت
ولا كلمة فتت ركض للسكن ايدي على كلبي أمنت
اني بالسكن كما امشي على كيف وصلت للغرفة
ذبيت روحي عل جرباية حتى مبدلت ...
وهنا وصلنة لنهاية البارت مو تنسون التصويت ☆☆☆☆ والمتابعة وبااي