فتاة الميتم وأحببت مقدم

البارت السادس

كعدت ثاني يوم الصبح بدلت وكملت وطلعت قبل
البنات لأن البنات يطولن لمن يحطن مكياج ويلبسن
عبالك رايحين عرس المهم طلعت وصلت يم باب
السكن جان اشوف أمير جاي علية سويت روحي
دارجع
أمير.. هاا وين جنت منتظرج يلا نروح للجامعة
شجون.. نسيت شغلة مهمة لازم اجيبها يمكن اتأخر
روح قبلي لاتنتظرني
أمير.. لا ماعندي شي راح انتظر
شجون.. لا لا روح اتأخر
أمير.. كتلج ماعندي شي لاتلحين انتظر
شفت نبرة صوتة مال تهديد خفت منة
شجون.. تمام براحتك
طبيت للسكن وظليت منتظرة اباوع عل ساعة مرت
نص ساعة كلت هسة اكيد أمير راح طلعت جان الكاه
واكف بوجهي
أمير.. هاا يلا راح نتأخر عل محاضرة
شجون.. هاا يي يلا
أمير.. تعالي ركبي خلي نروح بالسيارة اذا نروح مشي
نتأخر
شجون.. لا ماريد عاجبني امشي اذا تريد روح انتة
بالسيارة اني اروح مشي
أمير.. ماكو مشكلة خلي نتمشى
هذا منين ماطلعلة يطلعلي خبلني نزل من السيارة
وظلينة نتمشى للجامعة
أمير.. احسج اليوم مو على بعضج
شجون.. ليش شبيه
أمير.. مادري اليوم انتي ساكتة ومتحجين ومرتبكة
شجون.. اني لا بس اليوم شوية مريضة
أمير.. شبيج اخذج للمستشفى يفحصوج
شجون.. لا ميحتاج
أمير.. متأكدة
شجون.. يي يي مابية شي
وصلنة للقاعة وكعدت واجة أمير كعد بصفي والبنات
كل شوية وحدة ملتفتة تباوع على أمير يعني ندري
بية حلو وشخصيتة حلوه بس مولهدرجة يعني
مصختنها احنة كاعدين بالمحاضرة وتلفون أمير
مسكت كل شوية احد داك علية
شجون.. أمير نصي التلفون مداكدر اركز بالمحاضرة
أمير.. تمام
سوه تلفزنة صامت بس همين بس يدكون المشكلة
أمير يدير تلفونة ميخليني اشوف الاسم اني هنا
كلت هايهية الي يدكون على أمير همة نفسهم يكلولها
اكتلها كمت ألف سيناريوهات خلصت المحاضرة
وكمت ركض جان أمير يلزمني من ايدي
أمير.. وين رايحة
باوعت علية كلت عزة هذا بس لا يريد يكتلني بالقاعة
شجون . اروح للحمام
أمير.. تمام راح انتظرج بره
رحت ركض طلعت للحديقة كعدت شوية واني بالكوه
اجر النفس كلت هذا شيريد حتى لو كتلني شراح يستفاد مني شربت مي وصار وكت المحاظرة الثانية
طبيت لكيت أمير كاعد رحت كعد ومحجيت كلمة
أمير.. وين جنتي انتظرتج
شجون.. أمير لازم نبتعد شوية القسم ماخذ علينة غير
نظرة واني ماحب احد ياخذ علية نظرة تختلف عن
الواقع
أمير.. ليش منو حجة شكالوا كليلي منو الحجة
شفت وجهه صار عصبي راد ينفجر
شجون.. محد كال بس مبين من نظراتهم
أمير.. تمام براحتج
اخذ الملزمة مالتة وكام من يمي راح كعد بغير مكان
خلصنة المحاظرة وطلعنة اني رحت للسكن
حتى ارتاح وبعدين اروح للمطعم طبيت للسكن
بدلت ونمت فزيت على عياط البنات
شجون.. شبيجن شكو شصاير
لارا.. لا بس شفنا نكتة بالتلفون
شجون.. طيح الله حظجن ساعة بيش
لين.. بل٤ ونص
شجون.. عزه كمت بدلت ركض وغسلت وجهي وطلعت
واني امشي بالسكن لميت شعري طلعت اركض وصلت
للمطعم الحمدلله متأخرت ظليت اشتغل بذاك اليوم
مجان اكو احد يعني قليل اجوي باقيلي ساعة واخلص
شغلي جان يفوت أمير باوعت كلت استغفرالله هذا
شوكت راح يجوز مني كعد على طاولة رحت علية
شجون.. شنو تحب تطلب
أمير.. موهسة اطلب منتظر ضيف
شجون.. تمام
عفتة ورحت اكمل شغل وره شوية طبت أبنية لابسة
فستان قصير كلش يعني اذا كعدت كلشي يبين ولون
ازرك طوخ يعني من بعيد تشوفها وفاتحة شعرها وراحت على الطاولة مال أمير وأمير كام سلم عليها
وكعدوا ظليت صافنة هذا لشنو يريد يوصل رحت
عليهم
شجون.. شنو تحبون تتطلبون
أمير.. شنو تحبين تتطلبين جمانة
جمانة.. لا ماريد قبل شوية اكلت
أمير.. لا ميصير مو كتلج عازمج يعني لازم تاكلين
شجون.. ممكن تستعجلون لأن اكو عالم وراكم
أمير.. تمام عصير ليمون اثنين ونفرين كص
رحت للمطبخ كتلهم وظليت انتظر واكو شباك صغير
بالمطبخ ظليت كاعده اباوع على أمير وهاي الابنية
شلون يضحكون وديتلهم الطلب ورحت كملت شغلي
طلعوا وراحوا واني هم كملت اخذت الجنطة مالتي
وطلعت شفت أمير واكف بالسيارة يعني صدك مصخها
مشيت جان ينزل من السيارة
أمير.. اوكفي خلي احجي وياج هنا هم بالجامعة ويحجون علينة
شجون.. أمير ترى اني كلشي عرفت عليك
من كلت هيج وجه أمير اتغير وحط ايده على حلكي
وجرني على صفحة
أمير.. يحجي ويهز بكتفي ويكول احجي منو كلج وشعرفتي
شجون.. شبيك وخر خوفتني
أمير..  داكلج احجي
شجون.. يي انتة تريد تكتلني علمود هيج دتتقرب مني
أمير..  شنو شكلتي
شجون.. مثل مسمعت
اباوع على أمير كام يضحك ضحكة هستيرية
واختنك وعيونة دمعت من الضحك دفعتة ورحت
جان يلحكني
أمير.. وانتي شلون عرفتي هاي المعلومة الخطيرة
شجون.. أمير لاتستهزء
أمير.. لا والله منو كلج وليش أريد اكتلج يعني مفهمت
شجون.. أمير اذا تريد نبقى أصدقاء لازم اعرفك زين
انتة كلشي تعرف عني واني ماعرف شي عليك ودائماً
من يدكون عليك أدير التلفون ومتخلي احد يشوف
شي وتواعد بنات وتصرفاتك غريبة واني خايفة منك
الصراحة
أمير.. تخافين مني
شجون.. يي خفت من شغلة
أمير.. وشنو هية
شجون.. ماكدر اكول بس اذا تريد نبقى أصدقاء وماكو
مشاكل سولفلي عليك اكثر لأن اني ماعرفك ولا اعرف
شي عن حياتك اباوع على أمير صافن ومرتبك
أمير.. شوفي راح اسولفلج بس لاتخليني اتندم سولفتلج لأن محد يدري بهاي السالفة بس العميد مال
الكلية
شجون.. تمام
أمير.. تعالي خلي نصعد السيارة وافهمج
شجون.. ليش مو هنا
أمير.. يعني مثقين بية
شجون.. بعد الي شفتة يي ماثق
أمير.. راح اسوي نفسي مسمعت شي تعالي خلي افهمج
وانتي حكمي
صعدت وياه
شجون.. لاتحرك السيارة ابقى هنا
أمير.. تمام بس ليش هيج خايفة مني شايفتني وحش
لو شنو بس مقبولة منج حقج تخافين
شجون.. يلا سولف شنو الي تريد تحجي
أمير.. تمام
أمير مد ايدة بجيبة وطلع محفظتة وفتحها وحطها
بوجهي
شجون.. شنو يعني
أمير.. شوفي الباج
شجون.. مال شنو الباج
أمير.. شجون اني لا طالب كلية ولا شي
اني ظليت صافنة بوجه أمير
شجون.. لعد شنو انتة
أمير.. اني ضابط من بغداد
ظليت صافنة اتبلعم معرفت شحجي
أمير.. واني لاعمري ١٨ ولا ١٩ مثلكم عمري ٣٢
هوه مبين علية أكبر من عدنا بس ماتوقعت عمره ٣٢
شجون.. زين اذا انتة ضابط ومن بغداد وعمرك ٣٢
شدسوي هنا تدرس لو شنو
أمير.. اني ضابط بالاستخبارات واجيت هنا بمهمة
لأن دتصير اشياء بالقسم مالتكم محد يدري بيها
فجيت هنا دنتأكد من صحة الكلام
شجون.. يي وشطلع
أمير.. كلشي طلع صحيح باقي بس الوكت المناسب
شجون.. واذا خلصت مهمتك هنا بعد مداوم ويانة
وترجع لبغداد
أمير.. يي
شجون.. أسفة أمير جنت ماخذه عليك غير فكرة
أمير.. لا عادي
شجون.. تمام انتة سولفتلي على حياتك العملية هسة
تسولفلي على حياتك الشخصية مثل مسولفتلك اني
أمير.. يعني شنو تريدن تعرفين
شجون.. سولفلي يعني بس اني اعرف انتة مو طالب
ويانة انتة ضابط
أمير.. يي بس انتي حتى تعرفين اني شكد اعزج
شجون.. يلا سولفلي
أمير.. عندي اخوان اثنين واني جبيرهم وعندي اخت
اصغيرة اصغر منج وامي عايشة الله يحفظها وابوية
عايش بس مزوج وكاعد بغير محافظة وعندي ثلاث
اخوان من ابوية ٢ ولد وابنية
شجون.. اخوانك متزوجين لو لا
أمير.. اخواني من امي وابوية اثنينهم متزوجين بس
اخواني من ابوية واحد مزوج والثاني لا
شجون.. هاا الله يحفظكم
أمير.. هسة ارتاحيتي عرفتيني
شجون.. يي اني من البداية شكيت بيك
أمير.. ليش
شجون.. تنطي الورقة فارغة وتأخذ امتياز 
أمير.. وانتي بس هذا هامج
شجون.. لا وشكلك مبين اكبر من عدنا يعني وين اكو
واحد عمره ١٩ لو ١٨ هيج مشاءالله بضخامتك وهيج
أمير.. يي
شجون.. أمير انتة كلت اني الجبير موو
أمير.. يي
شجون.. لعد ليش ممزوج
أمير.. حبيت وحده بس مصارت من قسمتي
شجون.. هاا وعسى أن تحبوا شيئاً وهوه شراً لكم
مو احنة نختار كلشي يعجبنا ربنا يختار النة لأن اذا
احنة نختار راح نختار شكو شي يأذينة
أمير.. صحيح ونعم بالله
شجون.. تمام اني أسفة لأن ظلمتك
أمير.. لا عادي كلشي مقبول منج
شجون.. اني رايحة لعد
أمير.. وين رايحة اتأخر الوكت اني اوصلج
شجون.. لاميحتاج اني اروح
أمير.. دسدي الباب خلي اوصلج لاتعاندين
شجون.. تمام
وهنا وصلنة لنهاية البارت مو تنسون التصويت والمتابعة وبااي...